Get Mystery Box with random crypto!

Деразанинг ёнида ўлтир Ва, масалан, суян тирсакка. Қара, бу т | Армонимсан

Деразанинг ёнида ўлтир
Ва, масалан, суян тирсакка.
Қара, бу тун эртакка ўтди-
Қор уради пастдан юксакка.

О, бемалол сиғавер уйга,
Бу кечанинг руҳи зиёда.
Сен, масалан, қўшиқлар куйла-
Куйлашгандек Италиёда.

Тушавергин бир ўзинг рақсга,
Айланавер мен билан ҳатто.
Ва, масалан, ўлтир бир тарзда-
Тақдир сезсин-ёзмиши хато.

Рақс тушавер-куйни тепкилаб,
Ўчирса-ўч, куйганида-куй.
Ўч бармоғин олди тепкидан-
Йиғлаб-йиғлаб кечиради куй.

Ташқарида бир эрка зуғум
Қор уради пастдан юксакка...
Биз осмонда яшадик бу тун-
Тонг отмоқда... Суян юракка...

Усмон Азим

Армонимсан каналига Обуна Булинг
https://telegram.me/joinchat/Q811fhHdEv1hMGFh