Энди паноҳ истанг мухаббатимдан, Вужудим аланга, дудоқларим чўғ! Ҳали бу дунёда мендек олови, Мендек куйдиргиси яралгани йўқ! Қочинг, бирон ердан қилинг бошпана, Қаерда бўлсангиз топиб бораман, Сўнгра ишқ юртида сирли тантана, Сизни туйғуларга қўшиб қораман. Беркининг, Худога қилинг тавалло, Меҳрим уммонига чўкасиз буткул, Меники бўлади не қилсангиз ҳам, Тирноқдан сочингиз толаси тугул. Айтинг, сизда қандай қолади чора, Босган изингизга сочилиб олсам. Юришга имкон йўқ, учишга қанот, Замин ўзим бўлсам, осмон мен бўлсам! Ҳаво бўлиб кирсам ич-ичингизга, Қондек томирларда кезсам кўпириб. Тунда ухласангиз ҳаёлим билан, Мени соғинсангиз уйқудан туриб... Тириклик шу энди, яшамоқлик шу, Мени ҳар зарбида сўраса юрак. Энди ошиқликдан ўзга имконингизу, Энди чорангиз йўқ севмоқдан бўлак! Малика Тавфиқ Армонимсан каналига Обуна Булинг https://telegram.me/joinchat/Q811fhHdEv1hMGFh 2.3K views12:41
