Cўнгги кунларда коронавирус инфекцияси тарқалиш суръати янада тезлашгани, беморларнинг аксарияти аҳоли орасида аниқланаётгани, энг ёмони, “COVID-19” туфайли шифохоналарда беморлар сони тобора ортиб бораётгани анчайин ташвишли ҳолдир. Буни эса Зангиота туманида жойлашган 1- ва 2-юқумли касалликлар шифохонасига бўлаётган мурожаатлар ва у ерда даволанаётган оғир аҳволдаги беморлар сонидан ҳам билиш қийин эмас.
“O‘zbekiston 24” телеканали ижодкорлари томонидан тайёрланган лавҳа орқали муассасадаги беморларнинг кўпчилиги соҳа мутахассисларининг огоҳлантиришларига қарамай, карантин талабларига риоя қилмагани, ўзи ва яқинлари саломатлигига беэътибор бўлгани, касалликка қарши эмланишдан бош тортгани, натижада аксарияти оғир ҳаволга тушиб қолганини кўриш мумкин.
https://telegram.me/joinchat/AAAAAEhJlBONHaIcxKWjAA
