2020-08-19 19:43:03
ҚАНИ АЛЛОҲНИ ВАДАСИ?
Менда мусулмонларга берадигон саволим бор, мен бу саволни ҳаётим мобайнида кўп маротаба диндорлар ўртасига ташлаганман ва ҳалигача бу саволимга қониқарли жавоб ола олмадим. Ва ҳар доимгидек улар аравани қуруқ олиб қочишга ҳаракат қилади ёки бўлмасам билмаганга олиб кўз юмиб қўйишади.
Хуллас гап бундоқ
Қуръонда шундай оятлар бор .
" Ер юзида ўрмалаган нарса борки уларни ризқи Аллоҳ зиммасидадур" (Худ 6-оят)
" Болаларингизни очликдан қўрқиб ўлдирманг, биз сизларни ҳам уларни ҳам ризқлантирурмиз" (Анъом 151) (Исро 31)
"У осмондан сув тушириб у билан сизларга меваларни ризқ қилиб берган Зотдир" (Бақара 22)
Ислом ақидасига кўра вояга етмаган ўғил қиз "бегуноҳ" деб аталади,
Ва аллоҳ берган "ризқ"ни бирор кимса на ошиғу на кам қила олмас дейилади..
Статистика малумотларига кўра йилига ер юзида 6 млн ёш гудаклар очқачиликдан вафот этадилар, на ичкани суви йўқ, на егани овқати йўқ, ойлаб йиллаб очқачиликдан жабир тортиб ўладилар, кўп қисми африка ўлкаларида.
Ана энди савол!
Юқоридаги оятда Аллоҳ "ер юзида ўрмалаган нарса борки уларни ризқи аллоҳ зиммасидадир" деб туриб нега ўша бегуноҳ гудакларни ризқини бермайди? Қани уни вадаси?
Агар бунга катталар сабабчи бўлса ёки сиёсатчилар тўсқинлик қилади бу уларни айби дейдигон бўлсангиз,
"Аллоҳни берган ризқини хечким ошиғу кам қила олмас" деган давоингизга бу мутлақо зид бўлиб қоладику?
Ёки бўлмасам нега катталар қилмиши учун гудаклар жабир тортиши керак? Қани бу ерда аллоҳни адолати? Ва нега аллоҳ жим қараб турибди бунга ?
Аллоҳ "очқачиликдан болаларингизни ўлдирманг, биз уларни ҳам сизларни ҳам ризқлантирурмиз" дея нега ўзи очқачиликдан болаларни ризқини бермай ўлдириб юборябди? Қани "уларни ҳам ризқини берурмиз" деган аллоҳни вадаси?
Нега осмонлардан "ёмғирларни ёғдириб, меваларни ўстириб сизларни ризқлантирурмиз" дея африкадаги гудакларни қурғоқчиликда емишсиз ва сувсиз қолдирябди, осмондан ёмғир ёғдириб ёки ер остидан сувлар(булоқлар) чиқариб уларни ризқлантирмайдими?
Нега қопқора билчиқ сувларни улар истимол қилиши керак? Ундай сувлар ҳам бор бўлса бор, бўлмаса уни ҳам топиши қийин уларга, ва у сувлардан ҳам қанча-қанча гудаклар касал бўлиб ўлиб кетишябди,
ҚАНИ АЛЛОҲНИ ВАДАСИ?
Мени бу берган саволимга яхшилаб ўйланиб кўринг азиз диндор дўстим, сиз тутган йўл, сиз танлаган дин, сиз билган илоҳ, ҳақиқатдан ҳам тўғрими? Шунчаки ўзингизни овутиш учунгина ва дунёдаги бўлаётган воқияларга кўзингизни юмиб ва ўзингизни ҳаётингизни уларни хаётини устига қўйиб " ё Аллоҳ мени ўшалардек қилиб қўймаганинга шукур" дея уларни ҳаётига кўзингизни юмиб қўймоқдасизми?
Нега агар Аллоҳ мавжуд бўлса бу нарсаларга йўл қўяётганини ҳеч ўйлаб кўрганмисиз?
Аброр Сулаймоний
1.1K views16:43