2022-08-14 02:09:20
Аллоҳ сенга Қуръон таълимини берган, сен эса унга амал қилмаяпсанми? Бу амалинг сабаб бошинг катта тош билан пачоқланишидан қўрқмайсанми?Пайғамбаримиз соллаллоҳу алайҳи ва саллам дедилар: “Мен ўтган кеча тушимда икки кишини кўрдим. Улар келиб, қўлимдан олиб, мени муқаддас ерга олиб чиқишди…
Шунда йўл юриб, чалқанчасига ётган бир кишининг ёнига келдик. Бу киши чалқанчасига ерда ётган бўлса, яна бир киши унинг бош тарафида (кафтни тўлдирадиган) бир (катта) тош билан унинг бошини уриб, пачоқлаб турибди. Ҳар қачон уни урганида тош думалаб кетади. Бориб тошни олиб келгунича ётган кимсанинг боши тузалиб, яна ўз ҳолига қайтади. Урувчи тошни келтирганидан сўнг яна уради.
“Бу ким?” деб сўрадим. Улар: “Юринг, кетамиз” дейишди…
Охирида уларга айтдим: “Бу кечада мени айлантириб сайр қилдирдингиз. Энди кўрган нарсаларимнинг хабарини менга баён қилинг!” Улар: “Хўп”, дейишди.
“…Сиз кўрган боши пачоқланаётган киши шундай кимсаки, Aллоҳ унга Қуръонни таълим берган. У эса, кечқурунлари Қуръонни четга суриб ухлаган, кундузи унга амал ҳам қилмаган. У қиёмат кунигача шу ҳолатда азобланади… Мен Жибрил, бу Микоил бўлади…”, дейишди”.
(Бухорий Самура ибн Жундуб розияллоҳу анҳудан ривоят қилган)
Ҳадис қисқартириб олинди
"فانطلقنا حتى أتينا على رجل مضطجع على قفاه و رجل قائم على رأسه بفهر أو صخرة فيشدخ به رأسه، فإذا ضربه تدهده الحجر فانطلق إليه ليأخذه فلا يرجع إلى هذا حتى يلتئم رأسه و عاد رأسه كما هو فعاد إليه ضربه قلت: من هذا؟ قالا: انطلق، فانطلقنا... فقلت: طوفتماني الليلة، فأخبراني عما رأيت؟ قالا: نعم،... و الذي رأيته يشدخ رأسه، فرجل علّمه الله القرآن فنام عنه بالليل، و لم يعمل فيه بالنهار، يفعل به إلى يوم القيامة... و أنا جبريل و هذا ميكائيل..." (رواه البخاري: 1387)
@at_taqva
3.8K views23:09
A
