Asaxiy Books

2021-12-20 08:00:02 ​​“Кейинроқ бажараман” дейиш одати кўп ҳолларда қимматга тушиши мумкин. Келинг, майда-чуйда масалаларга ҳали улар кичиклигидаёқ чора кўрайлик.

— Жон Г. Миллер: COC! Савол ортидаги савол

@asaxiybooks Ochish/sharhlash

2021-12-19 17:00:02 ​​#book_review #китобхон_фикри

"Одамлар нуқул кераксиз нарсаларга қарсак чалади"

Очиғи, китобни бунчалик кулгу билан ўқийман, деб ўйламагандим, ёки асар қаҳрамонига (12 ёшли) болакай деб қараганим учунми, у тутган йўллар, инсонларга берган "feedback"лари, самимийлиги унинг шартакилигида эди, дердим-у, лекин у ҳам қўрқарди, уяларди, йиғларди. Бошқалар каби.

5th Avenue’да роҳибалар билан тўқнашувини негадир "Уйда ёлғиз" фильми қаҳрамони Кевинга ўхшатдим.

"16+"га оид "қинғир сатрлари"ни ҳисобга олмаса, асар қаҳрамони ўзининг "кайфият одами" эканлигини ифодаловчи ҳаётий воқеалари билан китобхон кулгусига сабабчи бўлиши тайин. Шахсан ўзим мутолаада мириқиб кулдим (тасаввурим кучлилик қилгандир балки ) ва аканинг ўз синглисига бўлган меҳрибончилиги, умуман олганда, ўз жигарлари билан бўлган алоқаси асарни безаган, десам хато бўлмайди. Ochish/sharhlash

2021-12-19 10:00:52 ​​Сўраган эдингиз...

Ҳафта мобайнида www.asaxiy.uz интернет дўконига янги ва талаб асосида келган китоблар:

1. Ирина Лешутина: Риторика. Нотиқлик санъати

2. Скотт Гэллоуэй: Катта тўртлик. "Amazon", "Apple", "Facebook" ва "Google" компаниялари муваффақияти сирлари

3. Гулобод Қудратуллоҳ қизи: Қуръон ўқитиш ва ёдлаш усуллари

4. Жим Коллинз: Яхшидан буюкка

5. Сет Годин: Бинафша ранг сигир

6. Сомерсет Моэм: Ёмғир

7. Жеймс Жойс: Мусаввирнинг ёшликдаги шамойили

8. Стив Питерс: Парадокс Шимпанзе. Менеджмент мозга

9. Чўлпон: Кеча ва Кундуз

10. Харв Т.Экер: Миллионер каби фикрланг

3 та ва ундан ортиқ китобга Республика бўйлаб етказиб бериш бепул

www.asaxiy.uz - Сизнинг интернет-дўконингиз!

@asaxiybooks

#янгилик #сотувда Ochish/sharhlash

2021-12-19 08:00:15 ​​Бутун кун мобайнида у умримнинг охирги куни бўлиши мумкинлигини, дунёда ҳеч бир одам бойлигини қабрига кўтариб кетолмаганини ёдда тутаман

— Робин Шарма: Ўлсанг ким йиғлайди

@asaxiybooks Ochish/sharhlash

2021-12-18 17:00:03 ​​#book_review #китобхон_фикри

Оруэллнинг ушбу асари фақат Гитлер ва Сталин яратган тузум ва унинг фожиаси ҳақида деб бўлмайди, бу асар умуман тоталитаризм ва қуллик психологияси ҳақида.

Эгаси ароқхўр бўлиб қолган фермадаги ҳайвонлар тенглик, адолат талаб этиб инқилоб қилишади. Инқилобнинг бош илҳомчиси «Майор» лақабли чўчқа.

Инқилобчилар шиорлари жуда оҳанрабо ва мафтункор. Саводсиз ҳайвонлар дастлабки ҳарфларни «тенглик, биродарлик, адолат» сўзини ёзиш билан ўрганишади ва бу ишоралар уларнинг ҳаёт мазмунига айланади. Оми ва содда ҳайвонлар ҳақиқатан ҳам тенглик келганига, энди ҳайвонларга ҳеч ким хўжайинлик қилмаслигига, оламшумул озодликка эришганликларига ишонадилар.
Ҳайвонлар ўзларини эзиб келган одамлар устидан дастлабки ғалабага эришадилар.

Давоми асардан ўқиган онингизда кўз ўнгингизда жонланади! Тавсия китобларимдан бири!

Kitobookniga Ochish/sharhlash

2021-12-18 14:00:31 ​​Қалбингиз амрига ва ички сезгиларингизга қулоқ солиш учун ўзингизда журъат топинг. Сиз бу ҳаётда ким бўлмоқчи ва нималарга эришмоқчи эканлигингизни улар олдиндан билишади. Қолган барчаси – иккиламчидир.

— Стив Жобс

@asaxiybooks Ochish/sharhlash

2021-12-18 09:33:24 ​​“Yosh kuch” нашриётидан навбатдаги таржима асар! Тез кунда…

Грег МакКеон - Эссенциализм: оддийлик йўли

@asaxiybooks Ochish/sharhlash

2021-12-18 08:58:58 "Ўзбекистон нашриётларига эътибор керак" – "Amazon"ни забт этган ўзбек қиз

Бугун нега айрим яхши асарлар ҳам сотилмаяпти? Китоблар кенг оммалашмаслигининг яна бир муҳим сабаби нима? Нима учун одатда бу сабаб унутилади? ЎзА "Эътибордан четда қолган мавзулар" лойиҳасида шу саволларга жавоб топишга уринди.

http://uza.uz/posts/330378

ЎзАнинг телеграм каналларини кузатиб боринг

Ўзбекча | O`zbekcha | Русская | Илм-фан | Тезкор Ochish/sharhlash

2021-12-18 08:58:58 Дизайнер қизимиз Асилани биласизми? У биздан ташқари халқаро нашриётлар билан ҳам ҳамкорлик қилади. У ҳақида UzA да мақола чиқибди. Ochish/sharhlash

2021-12-17 17:00:39 ​​#book_review #китобхон_фикри

Китоб қўлимга тушгани ҳақида

Таржимон – опам. Китоб таржимасини қилаётган пайт айтган эдилар. “Битта совға қиласиз-да”, дегандим. Китоб ёзувчи ё таржимонга айтиладиган шаблон гап. Шундай эмасми?
Хуллас, китоб нашрдан чиқди. Анча муддатдан сўнг қаттиқ муқовалисини совға қилдилар. Ўқийман дедим-у, бироқ 24/7 иш, ўқиш югур-югурлари билан хаёлдан кўтарилди. 4 кун олдин ёзган хабарларини ўқиб, виждон оғриди. Бир инсон яхши ниятда китоб совға қилса-ю, мен ҳалиям бетайинлик билан китобни ўқимасам...

Китоб ҳақида қисқача

Яхлит асар, деб ўйлаган эдим. “Қўрқинчили Теҳрон” каби Теҳрон чиркинликларини ўзида қамраган 200-300 саҳифадан иборат асар, дегандим. Мундарижага қарамай таваккал ўқийдиган одатим бор. Худди шу тарзда китобни бошладим. 1-ҳикоя тугаганида билдимки, ҳикоялар тўплами экан.
Шундай қилиб, китоб ҳикоялар тўплами бўлиб чиқди.

1-ҳикоя террорчилар гуруҳига қўшилиб қолган бола ҳақида ҳикоя қилинади. Ҳикояга, рости, энсам қотди. Нелепость (таржима ёдга келмади) кўпдек туюлди. Тўғри-да, бомбани қўли билан очса-ю, бир қўли узилиб ўзи туппа-тузук тирик қолса. “Happy-end” эртак эди.

2-ҳикоя – бизнинг давлатга хуш келибсиз деб номладим. Яъни ғирт ўз менталитетимизни кўргандек бўлдим. Балки, ёзувчи биз ҳақимизда ёзгандир. Нима дедингиз? Воқеалар, қаҳрамонлар ўзимиздан. Кўтарилган муаммо ҳам бизники. Турмуш, шошилган ҳаёт, шошилган қизгина, ажрашишнинг табу экани ва ажрашган аёл доимий ёмонлиги. Бу Теҳрон эмас, ўзимиз, а? Ё бир менга шундай туюлдимикан? Хуллас, бу ҳикоя менга ёқди. Ҳақиқат ёзилган. Реалистик воқеалар ва қаҳрамонлар. Шундоқ ҳаётдан олиб китобга муҳрланган, дейишса ҳам ажабланмайман.

Кейинги ҳикоялар ҳақида қисқа айтиб бермайман, спойлер бўлади. Сизга сюрприз бўлақолсин. Менга келсак, бир ҳикоя ёққан бўлса, бошқаси энсамни қотирди. Яна бири “уҳ бизнинг ҳаёт”, дейишга ундаган бўлса, бошқаси “иннайкейин-чи” сўзларини айтишга мажбур қилди. Иккиланиш, турли фикрлар ва хулоса.

Mahinreads Ochish/sharhlash