2023-07-03 15:27:57
Рақобат қўмитаси 1,1 млрд.га платформа ясатяпти
Рақобат ва истеъмолчилар қўмитаси ахборот тизимларини ишлаб чиқиш, уларни Қўмита фаолиятига жорий қилиш ва техник қўллаб-қувватлаш, шунингдек, ушбу соҳага хизматлар кўрсатиш бўйича 1,1 млрд. сўмлик шартнома имзолаган.
Жумладан, бу пуллар қуйидагилар учун сарфланади:
дори воситаларининг чакана савдоси юзасидан мурожаат келиб тушганда, мурожаат ҳолатини онлайн кузатиш имкониятини берувчи “Фарм Инфо” электрон тизимини яратиш бўйича техник топшириқни тасдиқлашга 30 млн. сўм;
“Фарм Инфо” электрон тизимини ишлаб чиқиш ва синов тариқасида ишга туширишга 600 млн. сўм;
“Фарм Инфо” синови жараёнида мавжуд камчиликлами бартараф этиш ва тегишли таклифлар асосида янада такомиллаштиришга 200 млн. сўм;
“Фарм Инфо” фойдаланувчилари учун семинар машғулотларини ўтказиш, ўқув қўлланма тайёрлаш ва уни ахборот тизимига жойлаштиришга 30 млн. сўм;
FAIR TECH ахборот тизимига интеграция қилиш ва доимий дастурий техник қўллаб-қувватлашга 60 млн. сўм;
“Ахборот технологияларини жорий этиш маркази” ДУКнинг Худудларда тадбиркорликни ривожлантириш ва “Маҳаллабай” ишлаш бошқармаси ходимлари, Қўмита томонидан юклатилган вазифаларни бажаришга 100 млн. сўм.
Лойиҳанинг умумий қиймати 1,14 млрд. сўмни ташкил қилади.
@asakainfo
2.7K views12:27