2023-03-30 14:32:54
Силлангни қуритар баъзан ташвишлар,
Муаммо қозони ҳеч ёпилмайин...
Кўнглинг тўлиб, тўйиб йиғлаш истасанг
Йиғлаб олишга мос жой топилмайди...
Курашиб яшаш завқ бермас доимо
Ҳар қадам остидан чиқса муаммо.
Барин улоқтириш истайсан, аммо
Оқизиб кетгувчи сой топилмайди.
Оҳ тортасан, унсиз фарёд қиласан,
Гоҳи бўлиб кузги барг, тўкиласан...
Қоронғу йўлларда адашсанг, баъзан
Қуёш тугул ҳатто ой топилмайди.
Муаммо – ечимлар, ташвишлар – чора...
Асли ҳаёт бизга шундай ҳавола.
Барчасидан толиб, ўкинсанг ёна
Қўлин узатгувчи ҳой топилмайди.
Ҳамма ўз ташвиши билан овора...
Озода ҲАБИБУЛЛАЕВА
https://t.me/Armonli_sevgim_dardli_vediolar
975 views11:32