ТАРОВЕҲ ТАРОВАТИ!!! Али ибн Абу Толиб розияллоҳу анҳуда | Dorixona Apteka | Dorilar 💊
ТАРОВЕҲ ТАРОВАТИ!!!
Али ибн Абу Толиб розияллоҳу анҳудан ривоят қилинади: «Бир куни мен Расулуллоҳ соллаллоҳу алайҳи ва салламдан таровеҳ намозининг фазилати ҳақида сўрадим. Расулуллоҳ соллаллоҳу алайҳи ва саллам бундай жавоб бердилар: “Ким таровеҳ намозини
1-кеча ўқиса, Аллоҳ таоло унинг гуноҳларини мағфират қилади.
Агар 2-кеча ҳам адо этса, Аллоҳ таоло ҳам унинг, илло мусулмон бўлсалар ота-онасининг ҳам гуноҳларини кечади.
3-кечада ҳам ўқиса, фаришталар Аршда “Ҳақиқатан Пок ва Буюк бўлган Аллоҳ олдинги гуноҳларингни афв этсин”, деб дуо қилади.
Агар 4-кечада ҳам ўқиса, Аллоҳ таоло унга Таврот, Инжил, Забур, Қуръонни ўқиган кишининг савобига тенг мукофот беради.
5-кечада ҳам ўқиса, Аллоҳ таоло уни Маккадаги Масжидул Харом, Мадинадаги Масжидул Набавий ва Қуддусдаги Масжидул Ақсода намоз ўқиганлик баробарида ажр билан мукофотлайди.
6-кечадагисига эса Аллоҳ таоло Байтул Маъмурда (Каъбанинг тепасида, самода нурдан яратилган кўринмас жой, у ерда фаришталар доимий тавоф қилишади) тавоф қилганга тенг савоб беради. Байтул Маъмурнинг ҳар бир тоши ва ҳатто лойи Аллоҳ таолодан ушбу инсоннинг гуноҳларини мағфират қилишини сўрайди.
Агар 7-кечада ҳам ўқиса, у Фиръавн ва Ҳомонга қарши курашган Мусо алайҳиссалом ва унинг тарафдорлари даражасига етади.
8-кеча учун қодир Аллоҳ унга Иброҳим алайҳиссалом даражасини беради.
9-кеча адо қилса, Аллоҳ таолонинг яқин банда бўлган инсонларнинг ибодати билан тенглаштирилади.
10-кечадагисига эса Аллоҳ таоло ризқига баракот беради.
11-кечада ҳам таровеҳ намозини ўқиган киши бу дунёни бола она қорнини тарк қилганидай тарк этади.
Агар 12-кечада ҳам адо этса, Маҳшар куни бу инсон қуёшдай нур сочган юз билан келади.
Агар 13-куни ўқиса, барча офатлардан омонда бўлади.
14-куни ўқиса, фаришталар бу инсон таровеҳ намозларини ўқиганлигига гувоҳлик беришади ва Қиёмат куни Аллоҳ таоло уни мукофотлайди.
15-куни ҳам адо этса, уни фаришталар мақтайди, шу жумладан, Арш ва Курсининг соҳиблари ҳам.
Агар 16-кечада ўқиса, Аллоҳ таоло уни жаҳаннамдан озод қилади ва унга жаннатни инъом этади.
17-кеча ҳам ўқиса, Аллоҳ таоло Ўзининг ҳузурида буюк даражот беради.
18-кечадаги адо қилингани учун Аллоҳ таоло: “Эй Аллоҳнинг қули! Мен сендан ва ота-онангдан мамнунман”, деб чорлайди.
Агар 19-кечада ҳам ўқиса, Аллоҳ таоло унинг даражасини Фирдавс жаннатигача юксалтиради.
20-кеча ўқиса, Аллоҳ таоло унга шаҳидлар ва сиддиқларнинг мукофотини беради.
Агарда 21-кеча ҳам адо этса, Аллоҳ таоло жаннатда унга нурдан уй барпо этади.
22-кеча ўқиса, бу инсон ғам-қайғу ва изтироблардан бехатар бўлади.
Агар 23-кеча ҳам ўқиса, Аллоҳ таоло унинг учун жаннатда шаҳар қуради.
24-кеча ўқиса, бу инсоннинг 24 дуоси қабул қилинади.
Агар 25-кечада ҳам адо қилса, Аллоҳ таоло уни қабр азобидан озод қилади.
26-кечада ўқиса, Аллоҳ таоло унинг даражасини 40 баробар оширади.
Агар 27-кечада ҳам ўқиса, Сирот кўпригидан яшин тезлигида ўтади.
28-кеча ўқиса, Аллоҳ таоло унинг Жаннатдаги даражасини 1000 баробарга юксалтиради.
29-кеча ҳам адо этса, Аллоҳ таоло унга 1000 та ҳаж қилганлик даражасини беради.
Агар 30-кеча ҳам ўқиса, Аллоҳ таоло “Эй, бандам! Жаннат меваларидан е, Кавсар дарёсидан ич. Мен сенинг Яратувчингман, сен Менинг қулимсан”, – дейди».
Яқинларизга ҳам улашинг!!!
https://t.me/abdurahmonumarov1 каналига обуна бўлинг !
