30 июнь – Ёшлар кунида ўзининг юксак салоҳияти, истеъдод ва қо | AOKA - Rasmiy kanali
30 июнь – Ёшлар кунидаўзининг юксак салоҳияти, истеъдод ва қобилияти, самарали меҳнат фаолияти, шунингдек, турли соҳаларда эришган ютуқлари билан мамлакатимиз тараққиётига, унинг ҳалқаро нуфузини янада оширишга муносиб ҳисса қўшаётган қатор ёшлар Президент Ш.Мирзиёевнинг тегишли Фармонига мувофиқдавлат мукофотига лойиқ топилди.
Жумладан, Тошкент вилояти Паркент туманидаги «Кумушкон» кутубхонаси раҳбари Қиёмова Маржона Муродхўжа қизи – Келажак бунёдкори медали билан тақдирланди.
Шунингдек, юртимизда барча соҳаларда амалга оширилаётган ислоҳотларда алоҳида фаоллик кўрсатиб, интилувчанлиги, ташаббускорлиги, кенг дунёқарашга эгалиги, халқ манфаати ва юрт истиқболи учун масъулиятни ўз зиммасига олишга қодир бўлган фидойи ва мард йигитлар ҳам муносиб рағбатлантирилди.
Шу жумладан, Ўзбекистон Миллий телерадиокомпаниясининг «Yoshlar» радиоканали муҳарририяти бош муҳаррири (Тошкент шаҳри) Мирзаахмедов Миразиз Мирвохид ўғли – Мард ўғлон давлат мукофоти билан тақдирланди.
Ахборот ва оммавий коммуникациялар агентлиги давлат мукофотига сазовор бўлган барча Ёшларни самимий муборакбод этади. Юрт равнақи йўлидаги азму-шижоатингиз асло сўнмасин!
