Ноширлик-матбаа маҳсулотларининг асосий ўлчов бирликлари ҳамда | AOKA - Rasmiy kanali
Ноширлик-матбаа маҳсулотларининг асосий ўлчов бирликлари ҳамда китоб ва расм дафтарлари картон ғилофларининг техник шартлари бўйича давлат стандарти тасдиқланди
АОКА қошида ташкил этилган “Нашриёт-матбаа ва ахборот-кутубхона фаолиятини стандартлаштириш” бўйича Техник қўмита томонидан китоб ва журналлар нашрларининг бичимларини ҳамда ноширлик ва матбаа маҳсулотларининг асосий ўлчов бирликларига қўйиладиган талаблар шунингдек, китоб нашрлари муқовалари ҳамда китоб ва расм дафтарларни шикастланишдан ҳимоялаш, сақлаш ва безаш учун мўлжалланган картон ғилофларга қўйиладиган техник шартларни белгилаш мақсадида давлат стандарти лойиҳалари ишлаб чиқилган эди.
Мазкур лойиҳалар маълум тартибда экспертизадан ўтказилиб, Техник жиҳатдан тартибга солиш агентлигининг тегишли буйруғи асосида Адлия вазирлиги томонидан давлат стандартлари сифатида давлат рўйхатига олинди ва амалиётга жорий қилинди.
Ушбу давлат стандартларига қуйидагилар киритилган:
китоб ва журнал нашрларининг бичимлари ҳамда муқовалар ва юмшоқ муқовалар турлари рўйхати замонавий технологиялар талабларидан келиб чиқиб кенгайтирилди;
нашриёт-матбаа соҳасидаги асосий ўлчов бирликларининг гуруҳи, асосий ўлчов бирликларидан фойдаланиш, адабий асарларнинг ҳажмини муаллиф табоқларида ҳисоблаш ҳамда нашрлар ҳажмини ҳисоб-нашр табоғида ҳисоблаш талаблари киритилди.
китоб ва расм дафтарлар учун картон ғилофларини ишлаб чиқиш ва китоб ишлаб чиқаришда қўлланиладиган муқова материаллари ва усулларига қўйиладиган шартлар белгиланди.
