Anvar ibn Sobir

2023-03-14 15:51:00 Kechagina oqshomlari oy to'lib nur sochar edi.
G'unchalarga noming aytsam qizil yuzin ochar edi.
Yonginangga borar bo'lsam shabbodalar qochar edi.
Sen olisda men olisda begonamiz endi yor.

Anvar ibn Sobir Ochish/sharhlash

2023-02-24 07:28:09 Kichik savdo rastalariga asoslangan iqtisodiyot - qoloq iqtisodiyot
Eshitdingizmi, metro tunellarida savdo rastalari qurilishiga yana ruxsat berilar ekan.
Bu iqtisodchida 2 ta e'tirozni keltirib chiqarishi kerak.
1. Nega unda oldinroq ular buzib tashlandi? Ularni qurishga, qolaversa buzishga mablag' sarflanganmidi? Shu xarajat kimni boshiga tushgan?
O'zi bunday yondashuvga o'rganib qoldik. Binolar, yo'l to'siqlari, tramvay yo'llari, devorlar, bozorlar buziladi va yana qayta quriladi. Yangilarini qachon quramiz?
Buni potensial sabablari ko'p. Rejalashtirishni bilmasligimiz, hokim almashishiga bog'lanib qolganimiz, korrupsiya, firma ochib davlatga molini sotish va h.k.
2. Magazinlar eng kam qo'shilgan qiymat beradigan soha. Sotuvchi, tashuvchi, hisobchi kabi 10 ta odamni ovora qiladi, lekin foydasi tovarni bir joydan 2 joyga olib kelib, xaridor vaqtini tejash. Lekin, hozir bunga hojat qolmadi. Internet magazin, dostavka degan narsalar chiqib ketti, tanlov katta. Uni ustiga sifatli narsa olaman degan odam bozorga boradi.
Magazinlar biznesmenni bankrot qiladigan soha bo'lib qoldi. Avtobus bekatlarida joylashgan magazinlar ko'pi bankrot, chang, sifatsiz va nazoratsiz.
Chet elga kichik magazin o'rnini allaqachon katta gipermarketu supermarketlar egallab bo'lgan. Ular maxsulot sifatiga ham javob beradi. Ularda kam odam mehnat qiladi, lekin unumdor ish qiladi. Kuni bo'yi vaqti mijoz kutish, telefonni titkilash bilan o'tmaydi.
Bilmadim bizda nega bunday ahvol. Ba'zilar dunyoni o'zini mahallasi darajasida ko'radi shekilli. Odamlarni band qilish va daromadini oshirish uchun qilayapmiz deydi yana. Bunday qilsa daromadi oshmaydi, aksincha qarzga botib battar bo'ladi.
@eResearch - Iqtisodiyot

Anvar ibn Sobir Ochish/sharhlash

2023-02-14 08:00:40 Vatan qani, sevgi qani, iymon qani,
Biz ishongan, biz sig’ingan yolg’on qani,
Shior qani, qadr qani, inson qani,
Quyosh qani, ko’z yosh qani, osmon qani?

Qismatimiz yo’qlikmidi, nochorlikmi,
O’z yerida qullikmidi, xor-zorlikmi,
Epladingiz, do’ndirdingiz tujjorlikni,
Nega jimsiz? Itlar qani, karvon qani?

Qo’rqamanki, bundan battar chog’lar kelur,
Yo’limizga siz qazigan chohlar kelur,
Dengiz-dengiz, to’lqin-to’lqin “oh”lar kelur,
Xalq qayerda, kuch qayerda, Cho’lpon qani?

Otay desam, qo’limdagi toshim yetmas,
Yig’lay desam, ko’zimdagi yoshim yetmas.
Qolay desam, bu tahqirga doshim yetmas,
Ketay desam, boshqa O’zbekiston qani?!

Anvar ibn Sobir Ochish/sharhlash

2023-02-13 19:06:19 Turkiyadagi voqealar odamning yurak-bag'rini qon qilyapti. Go'daklarning mungli qarashlari, yaqinlarini toshlar uyumi ostidan qidirayotgan odamlar, ota-onalar faryodi, bolalar yig'isi.... Xullas hamma hammasi. Allohning bandalariga bo'lgan mehribonligini har kuni guvohi bo'lyapmiz. 4-5 kunlab sovuqda och vayronalar orasida qolgan odamlar tirik chiqmoqda. Bundan ortiq mo'jiza bo'lmasa kerak. Allohim o'zing Turkiya xalqiga sabr, kuch-quvvat bergin.

Anvar ibn Sobir Ochish/sharhlash

2023-02-09 10:32:58 ЭНГ СЎНГГИ АЛЛА
Туркиядаги даҳшатли зилзила
қурбонлари хотирасига бағишланади.

Ер титради, самода туриб,
Чирқирар жон қушлари гала.
Бетонларга панжасин уриб,
Онаизор айтади алла:

“Алла, болам, оппоғим, алла,
Тошлар тўсган япроғим, алла.
Кўкка ботган қароғим алла,
Ерда ётган чироғим алла.”

Руҳимдайин синиққан шаҳар,
Изларингни эслатиб тиғлар.
Қора шомга айланган саҳар,
Еркўрпангни ололмай йиғлар.

Газиантепми ё хазон тепа,
Кўз ёшимни артади тупроқ.
“Эшитмасин аканг, шуни бил
Сени яхши кўраман кўпроқ”!

“Алла, болам, оппоғим, алла,
Тошлар тўсган япроғим, алла.
Кўкка ботган қароғим алла,
Ерда ётган чироғим алла.”

Узун йўлда даданг ҳам кутар.
Ухла болам тушларинг ширин,
Саҳаргача бағримда ётар,
Топиб олдим туфличанг бирин.

Маҳшаргача излайман токи,
Тушларимда ташлагин қиё.
Сен Худога ёқдингми ёки,
Мен Худога ёқмадимми ё?!

“Алла, болам, оппоғим, алла,
Тошлар тўсган япроғим, алла.
Кўкка ботган қароғим алла,
Ерда ётган чироғим алла.”...
Дилшод Шукур

7.02.2023

https://t.me/dilshod_shukur Ochish/sharhlash

2023-02-09 08:01:14 Derdin Derdim Oldu, Türkiye!

Anvar ibn Sobir Ochish/sharhlash

2023-02-08 07:56:12 Gazetda o‘qidim hayotimiz zo‘r,
Radio bong urdi maosh oshibdi.
Televizorni yoqsam hammasi yaxshi
Vatan xizmatingga yurak oshiqdi.

Yo erta tug‘ildim, yoki juda kech,
Sababi negadur baxtim kulmaydi.
Ijaraga to‘lab oylik yarmini
Yashashni yaxshi deb yozib bo‘lmaydi.

Senda musofirman, senda fuqaro,
Senda ruhim asir, iskanjada tan.
"O‘lan to‘shagim" deb yozaman ammo
Senda ijarada yashayman vatan.

Noshud deb atama, nonko‘r demagin,
Shoirim desang bas xursandman meni.
Har oy puling to‘lab, ko‘chishga tayyor
Ijara uyimday sevaman seni.

Anvar ibn Sobir Ochish/sharhlash

2023-02-08 07:33:47 Turkiyaning Qahramonmarash shahrida yuz bergan uchta zilziladan keyin shaharning mana shunday ko‘rinishga kelib qoldi.

Anvar ibn Sobir Ochish/sharhlash

2023-02-07 18:55:30 Alloh asrasin bunday zilzilalardan. Agar Turkiyadagi holat bizda bo'lganida Toshkentdagi yangi uylarning anchaginasi yer bilan bitta bo'lgan bo'lar edi.

Anvar ibn Sobir Ochish/sharhlash

2023-02-07 18:45:54 Turkiya xalqiga hamdardlik!

Anvar ibn Sobir Ochish/sharhlash