Anvar Obidjon

2022-07-06 05:33:15 MUSHUGIM BILAN...

Oyim kosada qaynoq
Keltirib berdi sutni.
Jonim bolam, munchog‘im
Barisin ichgin xo‘pmi?!

Xo‘p deb oyimga shu dam
Telefonni qo‘ymayman.
Nonushta esdan chiqib,
Zo‘r o‘yinlar o‘ynayman.

O‘yinning eng avjida
Oyim yomon qaradi.
Chunki mushuk kosadan
Ho‘p-ho‘plab sut yaladi.

Bo‘ldi, endi , alvido,
Saryog‘dan ham kechamiz.
Mushuk bilab burchakda
Kosadan sut ichamiz.

Sevinch ABSATTOROVA

@Anvar_Obidjon Ochish/sharhlash

2022-07-05 06:13:03 Andijon viloyati Marhamat tumani 5-umumta'lim maktabi 4-A sinf o'quvchisi Xo'jamberdiyev Xusanjonning shoir t.me/Anvar_Obidjon qalamiga mansub "Jalil janjalchi" nomli audio she'ri. Ochish/sharhlash

2022-06-30 11:46:20 Andijon viloyati Marhamat tumani 5-umumta'lim maktabi 4-A sinf o'quvchisi: Mahmudova Intizorning shoir Anvar Obidjon qalamiga mansub "Nodonlarga arzim yo'q mening" nomli audio she'ri. Ochish/sharhlash

2022-06-29 17:37:31 #yod_olamiz

Тushimda

Sakkiz ko‘zli alvasti
Men bilan xo‘p gaplashdi.
Bitta ko‘zin qildi lo‘q,
Ikkinchisi o‘ynar sho‘x,
Uchinchisin suzdi sal,
Тo‘rtinchisin qisdi sal,
Beshinchisi yiltirar,
Oltinchisi mo‘ltirar,
Yettinchisi yig‘lardi,
Oxirgisi uxlardi...

Anvar Obidjon

@Anvar_Obidjon

https://t.me/bolajonlar_vaqti
Dunyo faqat bolalarniki! Ochish/sharhlash

2022-06-26 13:57:56 26-iyun Xalqaro giyohvandlikga qarshi kurash kuni.
‘‘BIZ-GIYOHVANDLIKGA QARSHIMIZ‘‘ mavzusidagi Farzona Hoshimovaning tayyorlagan videoroligi.

@Anvar_Obidjon Ochish/sharhlash

2022-06-21 16:19:14 UKAMNING PAYPOG‘I

Besh yoshli ukam Zafar
Qiziq gaplar deydi-da.
Eshitib qolsa dadam
Ta’zirini yeydi-da.

Aytar: Chiroyliman-da,
Kelishganman, bari chin.
Qizlarni almashtirish
Paypoqdek gap men uchun.

Shu tarzda o‘ylar ukam,
Qayerlarda hayoli?
Bo‘lsa bordir , ja bo‘lsa
O‘zi bitta paypog‘i.

Sevinch ABSATTOROVA

@Anvar_Obidjon Ochish/sharhlash

2022-06-21 10:04:07 ANVAR OBIDJON
FARZONA HOSHIMOVA
HAYOTNING HAR LAHZASI GO‘ZAL.

@Anvar_Obidjon Ochish/sharhlash

2022-06-17 18:01:13 #Anvar_Obidjon
#bolalar_adabiyoti

AKA-UKALAR

Tug‘ilganmiz chodirda,
Cho'pon bizning otamiz.
Ukan Mashrab ikkiniz
Doim birga yotamiz.

Qo'ylarimiz behisob,
Shum echkimiz bor yakka
U ko'pincha biz uchun
Bardosh berar kaltakka

Chunki, ba'zan ayamiz
Chiqarmasa hech yoqqa,
Bo'shatvorib echkini,
Quvalaymiz o'tloqqa.

Adirlarda, jarlarda
O'ynab-o'ynab qaytamiz
So'ngra "Qochqoq echkini-
Tutvoldik", deb aytamiz

Shunda jahli tez ayam
Indamaydi hech kimga.
Fagat, picha gap tegar
Gunohi yo'q echkimga.

@Anvar_Obidjon Ochish/sharhlash

2022-06-16 18:01:32 #Anvar_Obidjon_ijodi
#bolalar_adabiyoti

Dovdiroy

Kenja ukam Bahodir -
Shoshma-shoshar, g‘irt dovdir.
Yurak bo‘lsa kalishda,
Bir poy doim alish-da.
Dadamniki do‘ppisi,
Singlimniki guppisi,
Bobomniki belbog‘i,
Qatida-nosqovog‘i.
Ko‘k ko‘ylagi meniki...
Iy, ishtoni kimniki?
O‘rtancha ukam Eshjon-
Qolibdi-da beishton!

@Anvar_Obidjon Ochish/sharhlash

2022-06-15 18:01:22 #Anvar_Obidjon_ijodi
#bolalar_adabiyoti

Jalil janjalchi

Ko‘zlarini chaqchaytirib,
Burchakda poylab turadu.
Eng uyatli so‘kishlarin
Og‘ziga joylab turadi.

Birdaniga tirmashadi,
Biqiningga qorin tirab.
Qitig‘ingni qo‘zg‘atadi,
Qulog‘ingga burun tirab.

Kuchi yetsa, yiqitvolib -
Bir savalab turib ketar.
To‘palonda cho‘ntagingdan
Konfetniyam urib ketar.

Zo‘rroq kelsang, yerga yotib-
Oyog‘ingdan ushlashi bor.
Boybolaning kuchugidek
Boldiringdan tishlashi bor.

So‘ng uyingga yarim tunda
Kesak otib garang qilar.
Tunuka tom chirmandadek
Tinmay "darang-darang" qilar.

Do‘stdiz yashab yuribdi u,
Hamma uchun "birov" bo‘lib.
Kuchsizlarga xo‘rozlanib,
Kuchlilarga egov bo‘lib.

@Anvar_Obidjon Ochish/sharhlash