Anorbooks

2022-12-26 17:15:51 Ochish/sharhlash

2022-12-26 16:02:22 #tez_kunda #yangi_kitob

Zamonamizning qalami oʻtkir yozuvchilaridan biri Nabijon Boqiyning yangi asari nashrdan chiqish arafasida.

Yangi taqdirlar, qahramonlar bilan yuzlashishga tayyormisiz?

Sahifalarimiz
Telegram | Instagram | Facebook Ochish/sharhlash

2022-12-26 13:15:38 ​#taqriz

“Oydin tunlar” kitobi bo‘yicha taqriz

Kitobdan ikkita qissa o‘rin olgan: “Ma’suma” va “Oydin tunlar”. Bulardan tashqari yozuvchining turli yillarda yozilgan maktublari ham kitobga kiritilgan.
“Ma’suma” asarida bir qizning o‘ziga xos hayoti tasvirlangan. Asar qahramoni bo‘lmish 16 yoshli qiz o‘zidan ancha katta garov kassasini yurituvchi odamga turmushga chiqadi. Qiz bir umr baxtli bo‘lish istagi bilan yashaydi, ammo turmush o‘rtog‘ining kasbi va haddan ortiq kamgapligi sabab qiz bunga erisholmaydi. Ma’sumada yoshlarga xos sho‘xlik, qiziquvchanlik ustun bo‘lsa, turmush o‘rtog‘ida buning aksi bosiqlik, kamgaplik ko‘proq edi. Bir kuni turmush o‘rtog‘i qizning o‘ziga xiyonat qilmoqchi ekanligini eshitadi. Shunday qilib, ularning munosabatlari sovuqlasha boshlaydi. Garov kassasi egasi badavlat hayot kechirishni maqsad qiladi. Qiz esa bundan bexabar, e’tibor va mehr ko‘rishni istaydi. Oxiri qiz joniga qasd qiladi. Asarning o‘ziga xos jihati, voqealar boshlangan joyida tugaydi. Ya’ni qizning o‘limidan bir necha soat o‘tgach, qahramon buni hikoya qila boshlaydi,biroq qizning o‘limi haqida gapirmaydi. Voqealarni bir boshidan eslaydi va hikoya qiladi. Qizning o‘lganini aytish bilan asar tugaydi.

Ikkinchi asar “Oydin tunlar” qissasining qahromoni o‘zini xayolparast deb ataydi. Uning hayotida voqelik kam uchraydi. Xayolparast qahramon bir kuni Nastenkani uchratadi, shundan so‘ng u bilan bir necha kun uchrashadi. Bu voqealar xayolparast uchun juda maroqli va qadrli bo‘ladi. U qizga baxtli bo‘lishi uchun yordam bermoqchi bo‘ladi. Biroq bu bilan o‘zini baxtsiz qiladi. U Nastenkani sevib qoladi, ular birga yashash va baxtli bo‘lishga kelishib olishadi. Voqealar shu yerga kelganda, ular uzoq paytdan beri kutilayotgan, qishloqqa kelgan bo‘lsa-da, hali Nastenka bilan uchrashmagan sevgilisi bilan ko‘rishib qolishadi. Shubhasiz, Nastenka u bilan ketadi. Xayolparast qahramonimiz esa yana o‘z xayollari bilan yolg‘iz qoladi.
Ikkala asarning ham bosh qahramonlariga ism qo‘yilmagan, shunga qaramay ikkala qahramonni ham maromiga yetkazib chizilgan xarakter deyishimiz mumkin.

Muallifning maktublari esa uning adabiy qarashlarini aks ettirgani bilan ahamiyatlidir.

Kumush Odina Qarshiboyeva

Sahifalarimiz
Telegram | Instagram | Facebook Ochish/sharhlash

2022-12-25 16:15:47 Ochish/sharhlash

2022-12-25 08:59:55 #iqtibos

Yaxshi kitob kelajakka qaraydi, garchi u oʻtmish haqida boʻlsa ham.

Valentin Borisov

Sahifalarimiz
Telegram | Instagram | Facebook Ochish/sharhlash

2022-12-24 16:15:46 Ochish/sharhlash

2022-12-23 14:15:01 #tez_kunda #yuz_ochdi

“Hazrat Paygʻambar sollallohu alayhi vasallam: “Ey Jabroil! U shaharlarning nomlarini menga ayt”, dedi. Jabroil alayhissalom shaharlarning birini arab tilida Qosimiy (forschada Yashkard) deydilar, uchinchisini arabchada Foxira (forschada Buxoro) deb javob berdi. Paygʻambar sollallohu alayhi vasallam soʻradi: “Ey Jabroil! Nega Foxira deb ataydilar?” Jabroil: “Shuning uchunki, qiyomat kuni bu shahar oʻzida shahidlarning koʻpligi bilan faxr qiladi”, deb javob berdi. Paygʻambar sollallahu alayhi vasallam xitob qilib: “Ey Alloh! Foxiraga barokat bergin, uning xalqlari dillarini taqvo bilan pok etgin, ishlarini pokiza qilgin va ularni mening ummatimga marhamatli qilgin!” dedi”.

Abu Bakr Narshaxiy,
“Buxoro tarixi”dan

Sahifalarimiz
Telegram | Instagram | Facebook Ochish/sharhlash

2022-12-20 08:30:10 Ochish/sharhlash

2022-12-17 13:30:02 ​​#review #taqriz

Kitobxon mulohazalari

* * *
Javlon Jovliyevni mashhur qilgan "Qo'rqma" romanini allaqachon o'zbek kitobxonlari o'qishga ulgurgan. Navbatdagi kitoblarining qiymati ham oldingisidan deyarli farq qilmaydi. O'z uslubiga ega, so'zlarni marom ila tartiblaydigan, chertib-chertib qalblarga to'g'ri qadab qo'yadigan so'z egasi. Fikrlarida hurlik, istiqlol, milliy ongga targ'ibot qo'llash bilan bir qatorda o'quvchiga juda yaqin joydan so'zlaydi. Eng yaqin joyidan. O'quvchiga uning judayam olislarda qoldirgan, ham baxt, ham dard xotiralarini eslatadi. Ta'sirli, sehrli, so'zsiz, nuqtalar orqali anglatadi...

"Onam va koinot" faqat ona haqida emas. Voqelarning katta qismi shu muqaddas timsol atrofida aylanadi, biroq undan tashqaridagi juda ko'plab muhim mavzular haqida ham so'z yuritiladi. Qissalarning ko'pgina qismi o'tmishda sodir bo'lgani bilan birgalikda bugun ham ta'sirli. Fikrlar ila o'quvchiga mudhish voqelarning sabablari va ularning negizidagi vahshat ochiq ko'rsatiladi.

Urushning dahshatli yuzi...
Yozuvchi juda ko'p o'rinlarda uning azob-uqubatlari haqida keskin qarashlarni o'rtaga tashlaydi. Hatto yillar o'tsa hamki bu jarohatlar bitmagan. Hamon azoblayotganini, bitmas bu dardning yana takror bo'lish qo'rquvini reallik bilan ko'rsatadi. Insoniyat tanazzulining asosiy sababi sifatida gavdalantiradi bu dahshatni. O'quvchiga bot-bot "ko'zing och, sen farqla, sen angla, senda hali imkon bor" deganday hayqiradi.

Bundan tashqari, ona, Vatan, sof muhabbatning ham ajoyib ko'rinishdagi estetikasini ham uchratasiz.  Bir kichik taqriz orqali umumiy kitobning zavqini ochib berish, albatta, mushkul. Qancha so'z qotsak-da baribir o'zingiz o'qiganingizchalik, his qilganingizchalik bo'lmaydi. Albatta, o'qing.

Bookhnoor

Sahifalarimiz:
Telegram | Instagram | Facebook Ochish/sharhlash

2022-12-16 14:00:56 #satrlar

Men doim jannat kutubxonaga oʻxshagan joy boʻlsa kerak deb tasavvur qilaman.

Luis Borxes

Sahifalarimiz
Telegram | Instagram | Facebook Ochish/sharhlash