Ўзбекистон Республикаси Президенти Шавкат Мирзиёевнинг Қирғизи | 🇺🇿 Andijonliklar 🇺🇿
Ўзбекистон Республикаси Президенти Шавкат Мирзиёевнинг Қирғизистон Республикасига давлат ташрифи доирасида икки мамлакат транспорт вазирлари ўртасида учрашув бўлиб ўтди, деб хабар бермоқда mintrans_uz Telegram канали.
Учрашувда томонлар транспорт соҳасини ривожланириш йўналишидаги ҳамкорликни жадаллаштиришга қаратилган масалаларни муҳокама этишди.
Хусусан, Ўзбекистон Республикаси Транспорт вазири Илҳом Маҳкамов Қирғизистон Республикаси Транспорт ва коммуникациялар вазири Тилек Текебаев билан “Хитой – Қирғизистон – Ўзбекистон” темир йўлини қуриш бўйича ишларни фаоллаштириш билан боғлиқ жиҳатларни кўриб чиқди.
Учрашувда вазирликлар раҳбарлари янги темир йўл йўлаги “Евросиё қитъа кўприги”нинг жанубий тармоғига айланишини ҳамда жануби-шарқий Осиё ва Яқин Шарқ бозорларига йўл очишини таъкидлади.
