Қишлоқ хўжалигида сувни тежайдиган технологияларни жорий этишни давлат томонидан қўллаб-қувватлашга эътибор қаратилмоқда
Бу ҳақда ҳукуматнинг тегишли қарор лойиҳаси ишлаб чиқилди ва муҳокамага қўйилди. Ҳужжатда тақдим этиладиган субсидиялар қайси йўналишларда амал қилиши аниқ белгилаб қўйилмоқда. Норматив-ҳуқуқий ҳужжатлар лойиҳалари муҳокамаси порталига Вазирлар Маҳкамасининг «Қишлоқ хўжалиги ишлаб чиқарувчиларининг сувни тежайдиган технологияларни жорий этиш бўйича харажатларининг бир қисмини қоплаш чора-тадбирлари тўғрисида»ги қарори лойиҳаси жойлаштирилди. Қарор билан қишлоқ хўжалиги ишлаб чиқарувчиларининг сувни тежайдиган технологияларни жорий этиш бўйича харажатларининг бир қисмини қоплаш тартиби белгиланмоқда.