Alternative | 19

2023-04-11 20:04:12 "Eh, oyi, oyi! Siz uchun haliyam goʻdakman - nima uchun tizzangizga bosh qoʻyib yigʻlay olmayman? Nima uchun har doim sipo va jiddiy boʻlishim kerak? Axir, mening ham yigʻlagim, yupatuvchi soʻzlarni eshitgim keladi-ku. Rostdan ham goʻdakman-da hali: kalta boʻlib qolganim ishtonim, ana, javonda turibdi. Shu ishtonda chopib yurganlarim kechaginamasmidi, qayoqqa ketdi oʻsha damlar, oyi?"

"Gʻarbiy frontda oʻzgarish yoʻq" asarida mana shu iqtibos ostiga chizib qoʻygan ekanman. Bir varaqlayotib koʻzim tushib qoldi. Paul Boymerga askarlik taʼtili berilgach, bir muddat uyida boʻladi. Kitobning ana shu qismi judayam taʼsirli yoritilgan. Ona farzandi frontga qaytib ketadigan oqshomda oʻgʻlining xonasiga kirib tonggacha yonida oʻtirib chiqadi... Ana shu joyida yuqoridagi iqtibos yozilgan. Qachondir koʻnglimga nimadir sigʻmay qolsa, hamma narsadan bezor boʻlsam onamning tizzasini quchoqlab yigʻlagim keladi. Endi yigʻlash qoʻlimdan kelmasligini ham sezaman. Inson yigʻlab turishni ham bilishi kerak...

Demoqchi boʻlganim, onalar millat tanlamaydi. Onalar hamma joyda bir xil. Onalar hamma yaxshi narsalarni farzandiga ilinib, yomonini oʻziga olsam deydi. Onalar oʻzi oʻlar holda boʻlsam ham bolam deydi.

@alternative_idea Ochish/sharhlash

2023-04-11 16:47:03 ​​"Gʻarbiy frontda oʻzgarish yoʻq" - Erix Mariya Remark

Remarkning kitoblari nimasi bilandir oʻziga tortadi. Bir kishi hammaning oʻzining yozuvchisi boʻladi, degandi. Eʼtibor bermagandim, Remarkni topgach bu fikrni tushunib yetdim. Kitoblari chiqishini intiq boʻlib kutaman.

"Gʻarbiy frontda oʻzgarish yoʻq" ni adashmasam 8-sinfda birinchi marta oʻqiganman. U vaqti hali bolalik xarakteri ketmagan, umidlarga toʻlib-toshgan paytlarim edi, kitob hozirgiday entiktirmagan, ehtimol u vaqtdagi fikrlash boshqa boʻlgandir. Bugun kitobni xuddi birinchi marta oʻqigandek qiziqish bilan tugatdim.

Asar voqealari nemis askari Paul Boymer tomonidan hikoya qilinadi. Hali maktabni bitirishga ulgurmagan bir uyum oʻsmirlar frontda jang qilishga mahkum... Asarda insonlarning kechinmalari shu qadar tiniq tasvirlanganki, oʻzingizni voqealar rivojida his qilasiz. Remarkning hamma kitoblarida ana shu jihat meni lol qoldirgan. Urush odamni erta ulgʻaytirib qoʻyadi. Urushda oʻlish yoki oʻldirishga mahkumsan. Urushda odamiylikka oʻrin yoʻq... Urushda bir burda boʻlsa-da non topib yeyish kerak. Urushda odam qiyofasidagi maxluq boʻlishing kerak, boʻlmasa tirik qolmaysan.

Asardagi har bir dialog, voqea oʻzida urushning dahshatini ochib beradi: Asardagi bir qahramon Kemmerix oyoqlaridan ayrilganini hali oʻzi bilmaydi, safdoshlariga esa endi uning botinkasi muhim. Axir bu urush unda oyogʻing mahkam boʻlishi zarur... Oʻsha botinkani Myuller oldi, u oʻlgandan keyin Paul Baumanga oʻtadi. Taqdir yorlaqasa Tyaden ham undan umidvor. Buni urush deydilar... Asarda rus harbiy asirlarining lageridagi holati haqida bir voqea keltiriladi: ular ham bizdek odam ekan, yuzi, koʻzlari bor, xuddi odamdek... Urushni boshlaganlar shunday mafkurani shakllantirgan, sen oʻt ochayotganing odam emas. Ularni oʻz koʻzi bilan koʻrgan Paul Boymer hayron qoladi. Ular ham, bular ham aslida inson. Faqat urush... Asirlarning non tilanib yolvorishlari, oʻzlaridagi bor bisotlarini bir urvoqqa alishish manzaralari shunchaki daxshatli...

Millionlab odamlar oʻlib ketdi, butun boshli avlod qirilib bitdi. Qaytganlari ham yashaydimi, yoʻqmi hali mavhum... Biroq hamon Gʻarbiy frontda oʻzgarish yoʻq...

Shaxsiy reyting - 10/10

@alternative_idea Ochish/sharhlash

2023-04-07 21:17:01 Ochish/sharhlash

2023-04-07 16:00:06 Ochish/sharhlash

2023-04-06 14:57:13 Ochish/sharhlash

2023-04-05 08:55:30 Otilganlar sotilmadi , Sotilganlar otilmadi
Haqni aytib chiqish kerak , Ey insonlar gapiringlar
O'zingchi ?
Endi meni qo'yinglar bola chaqam bor.

- Erkin Vohidov Ochish/sharhlash

2023-04-04 19:19:49 Men bunaqa jamiyatda yashayotgan hammaga achinaman. Shu darajada xarobmiz, ustimizdan kulib, bir toʻda qoʻylarni boshqarayotgandek, istaganlarini qilishadi. Amaldorlari yosh qizlarni zoʻrlaydi, rektorlari qizlar xonasiga yashirin kamera qoʻyadi, hademay jamiyat buni tabiiy qabul qila boshlaydi. Sizlardan nafratlanaman, hammasidan nafratlanaman, qul boʻlib yashayotganimdan nafratlanaman!

Yagona bera oladigan maslahatim, emaklab boʻlsa ham keting, oʻzingiz uchun boʻlmasa ham tugʻiladigan bolangiz uchun keting.

Ifloslar bilan toʻlib ketgan boshqaruv tizimi, xorligini oʻzi bilmaydigan, bilsa ham ogʻiz ocha olmaydigan xor odamlar... Judayam achinarli! Ochish/sharhlash

2023-04-04 15:38:43 Уч юз Кўҳи Қофни келида туймоқ,
Дил қонидан бермоқ фалакка бўёқ,
Ёинки бир аср зиндонда ётмоқ,
Нодон суҳбатидан кўра яхшироқ.

- Пахлавон Махмуд. Ochish/sharhlash

2023-04-03 22:08:47 Agar insonga oʻzini qiynash uchun imkoniyat berilsa, u bundan osonlikcha voz kechmaydi

- Remark (Qora haykal) Ochish/sharhlash

2023-04-03 17:55:46 Yakkayu yolg‘iz yashayapmiz. Hatto o‘z uyimizda ham. Gohida shunday bo‘ladi-ki, yaqin odaming seni bag‘riga bosadi, sen bo‘lsang, go‘yo million mil naridasan...

Ray Bredberi (Shamol) Ochish/sharhlash