Allim Tv - 🇰🇷🌐 Koreya va boshqa joylarga grant, programalar!

2022-09-02 03:34:37 Quiz on Koreada yutish

Shu haqida savollar bo'lyapti. Qanday kitoblar o'qish kerak? Koreys tilini qay darajada yaxshi bilish kerak?

To'g'risini aytganda men bu tanlovga(O'zbekistondagi saralash) tayyorlanish uchun kitob o'qib tayyorlanmadim. 15 yillik Koreys tili tajribasi va Koreyadagi universitetda o'qigan tajribam menga foyda berib, o'zi madad berganiga 1-o'rin nasib qildi.
Bu tanlovda Koreya haqida ko'p ma'lumotga ega odam g'olib bo'lishi mumkin deb o'ylayman.
Shuning uchun biron kitobni o'qishni tavsiya qila olmayman.
Koreya madaniyati, tili, tarixi haqidagi barcha kitoblarni o'qish kerak deb o'ylayman.
2012-yilgi "Quiz on Korea" finalida g'olib bo'lgan O'zbekistonlik Hulkar ham shu fikrni aytgalar.

Koreys tilini qanchalik yaxshi bilish kerak? Qanchalik zo'r bilsangiz shunchalik yaxshi. Shunga o'rganishdan to'xtamang.

Finalga qanday tayyorlanyapman?
KBS tomonidan tashkil etilgan sayohatlar orqali to'planayotgan bilim va shu paytgacha to'plangan tajriba bilan, yaratgandan madad so'rab. Boshqa tayyorlanayotgan narsam yo'q:)

Ps. Finalgacha bosib tayyorlansam chalkashib ketaman dib o'ylavomman.

@allimtv Ochish/sharhlash

2022-09-01 03:28:30 Mustaqillik muborak!

Barchani O'zbekiston mustaqilligining 31 yilligi bilan tabriklayman!
InshaAlloh mustaqilligimiz abadiy bo'lsin.
Davlatimiz mustaqilligi uchun o'zini fido qilgan yurtdoshlarimiz haqida unutmasdan, keyingi avlodga ham mustaqillikni meros qoldirish uchun harakat qilaylik!

@allimtv Ochish/sharhlash

2022-09-01 02:56:25 Ochish/sharhlash

2022-09-01 02:48:10 Koreya sarguzashtlari 2 - "Kalmarlar o'yini"

Kecha Daejon shahriga bir kunlik sayohatda bo'ldik.
Bu sayohat Quiz on Korea finaliga tayyorlanish uchun bizni Koreyaning madaniyati va tarixi bilan tanishtirish uchun uyushtirilgan edi.

Daejonga sayohat davomida Daejon Ekspo markazi, Ekspo muzeyi, Ildiz muzeyi, Ekspo maydonida bo'ldik.

Daejon shahrida 1993-yili yirik ekspo o'tkazilgan ekan. Bu ekspo ilm-fani rivojlantirishga bag'ishlangan. Halqaro ekspo bo'lgani uchun unga juda katta tayyorgarlik ko'rishgan ekan.
Hatto 1989-yili qulagan "Berlin devori"ni bir qismi Germaniyadan Daejonga olib kelingan ekan.

Menga "Ildiz muzeyi(뿌리 박물관)"ham yoqdi. Bu yerda Koreyaliklar o'z familyalari qayerdan kelib chiqqanini bilishlari mumkin ekan. Chunki Koreyslarda familya shajarasi shakllanadi. Necha ming yil oldin qo'yilgan familya hozirgi avlodga otadan bolaga o'tish orqali o'tib kelgan. Shu bilan birga bu yerda har bir familya avlodi o'z familyasiga atab katta tosh ham qo'ydirgan ekan. Bu toshda familyani kelib chiqish tarixi va shu familyaning mashhur shaxslari haqida yozilgan. Bu butun bir boshli Koreya odamlarini katta shajarasi haqidagi muzey desa bo'ladi. Daejonga yo'liz tushsa kirib o'ting:)

Oxirgi joy bu Ekspo maydoni bo'ldi. U yerda mashhur "Kalmarlar o'yini"(오징어 게임) dagi serialda chiqqan qo'g'irchoq ham bor ekan. Biz bu yerda boshqa qatnashchilar bilan o'sha serialdagi o'yini o'ynadik. Juda qiziq bo'ldi.

Ps. Suratda men o'sha serialdagi o'yinchoqdan qochib ketyabman. Chunki serialda bu qo'g'irchoq qimirlagan odamni ko'rib qolsa, o'sha odam shu zahoti o'lgan. Kechagi o'yinda shukrki biznikilardan hech kim ''o'lmadi"

@allimtv Ochish/sharhlash

2022-08-30 11:44:52 Ochish/sharhlash

2022-08-30 11:44:52 Koreya sarguzashtlari 1

Koreya safari boshlandi.
2022-yilgi "Quiz on Korea" tanlovi finalida qatnashish uchun Seulda bo'lib turibman.
Taasurotlar juda ajoyib. Bu tanlov KBS telekanali va Tashqi ishlar vazirligi tomonidan tashkil etilgani uchun tayyorgarlik yaxshi.
Aeroportdan kutib olib, mehmonxonaga joylashtirishdi. Ovqatlarni ham o'zligi olib berishyapti.
Mehmonxona KBS binosi oldida bo'lgani uchun finalga tayyorlanish ham oson bo'ladiganga o'xshaydi InshaAlloh.
Ertaga esa Daejon(대전) shahriga 1 kunlik safarga chiqamiz Hudoxohlasa.
Covid-19 sababli ko'pchilik tanishlar bilan ko'risha olmayabganim odamni ko'nglini hira qilyapti.
Lekin tanlovni havfsiz o'tishi uchun shunday qilishga majburmiz.
Bugun final qanday o'tishi haqida ma'lumotlar berildi.
Umumiy 3 ta round bo'lar ekan.
1-roundan keyin 10 ta ishtirokchi, 2-roundan keyin esa 3 ta ishtirokchi 3-rounda finalga chiqar ekan.
Finalda beriladigan savollarga o'xshash savollarni berib ozgina tayyorlandik.
Savollar ancha qiyin masalan: Koreya madhiyasida chiqadigan tog'ni nomi(buni bilmas ekanman), KBS da suratga olingan Kingdom 2 ko'rsatuvida 2-o'rini olgan guruh qaysi?(K-pop to'g'risida bo'lgani uchun bu savolga ham to'g'ri javob bera olmadim:(
Shunga finalga ancha tayyorlanish kerak deb o'ylab qoldim.

Ps. Sizlar bilan finalda kiyadigan futbolkam rasmini ulashmoqchiman. Futbolka dizayni sizlarga yoqsa yoqmasa qo'yishingiz mumkin:)

@allimtv Ochish/sharhlash

2022-08-26 09:16:21 Quiz on Korea finalini tomosha qilish

Barchaga katta rahmat. Tilaklarga qo'shilgan holda finalda ham Alloh madad berishini so'rayman!

Koreyadagilar uchun Quiz on Korea finalini ko'rish imkoniyati mavjud.
Finalni ko'rish uchun oldindan ro'yxatdan o'tish kerak bo'ladi.

Ro'yxatdan o'tish linki:
https://docs.google.com/forms/d/e/1FAIpQLSfvj37yJ_7NvI-1KfxeIqElJg_X6nbwGUdCOxbyuSdsZjxk6w/viewform

*Link orqali kirganda ro'yxatga olish vaqti 19-avgustgacha deb yozilgan bo'lsa ham KBS menejeri hali joylar bor deb aytdi.

Final kuni: 4-sentyabr(yaskhanba)
Final suratga olinadigan joy: Seul shahri, KBS Yeoeuido binosi(서울특별시 영등포구 여의도동 18)
Final vaqti: Finalga kirish biletini yuqoridagi binoda 14:30-15:30 gacha tarqatiladi

**bilet olishda shaxsni tasdiqlovchi hujjat - ID karta, talaba IDsi yoki haydovchilik guvohnomasi kerak bo'ladi.

Ps. Finalni ko'rishga kelsangiz albatta hursand bo'laman. Bu menga katta kuch beradi. O'zbekistondagilar uchun ham finalni to'g'ridan-to'g'ri tomosha qilish mumkinligini surishtirib, yo'li bo'lsa kanalda e'lon qilaman.

@allimtv Ochish/sharhlash

2022-08-25 19:20:04 Uchishga tayyormiz

Ko'pchilikni habari bor may oyida bo'lgan 2022-yilgi Quiz On Korea tanlovining O'zbekistondagi saralash bosqichida g'olib bo'lgandim.(Shunga ham 3 oydan oshibdi:)

Shu hafta shanba kuni Koreyadagi final bosqichida ishtirok etish uchun "qaydasan Seul" deb Hudoxohlasa yo'lga chiqaman.

Seuldagi KBS kanali binosida suratga olinadigan Quiz on Korea tanlovining final bosqichida 22 ta davlatdagi saralash g'olib bo'lganlar qatnashadi.
22 ta davlatni ichida Xitoy, Kanada, Malayziya, Turkiya, Qozog'iston va boshqa 17 ta davlat bor.
Men finalda O'zbekiston saralash g'olibi sifatida qatnashaman.

Finalda qatnashish uchun Koreyaga borishga viza, samalyot bileti va boshqa narsalar tayyor(Bilet tekin, viza ham 1 haftada chiqdi)
Faqat shanba kuni kelishini kutish va Covid-19 ni aniqlaydigan test topshirsak bo'ldi.

Hudoxohlasa finalda ham Alloh yuzimizni yorug' qilsin:)

Ps. Hudoxohlasa finalga tayyorgarlik, Koreyadagi sarguzashtlarni batafsil kanalga qo'yib borishga harakat. Bu keyingi yili Quiz on Korea O'zbekiston saralashida 1-o'rinni olmoqchi bo'lganlarga foydali bo'ladi deb o'ylaymqn:)

@allimtv Ochish/sharhlash

2022-08-25 08:33:56 Koreyadagi chet elliklar uchun 2022-yilgi viktorina tanlovi - 해외청년 퀴즈대회

Mana 6 yildirki Koreyada har yili “Yoshlar kuni”(청년의 날) nishonlanib kelmoqda. Bu yil ham bu kunni nishonlash uchun ishlar avjida.
Koreyadagi chet elliklar ham bu kunni maroqli o'tkazishlari uchun viktorina tanlovi(퀴즈 대회) bo’lib o’tadi.

Tanlov sanasi: 2022-yil, 17-sentyabr(Shanba kuni) 11:00 dan 12:30 gacha
Tanlov joyi: Seuldagi Olympic bog'ining tinchlik maydoni

Tanlov g’oliblari uchun mukofat puli:
Oliy o’rin uchun – Sovg’a va 1 000 000 won
1-O’rin uchun – Sovg’a va 500 000 won
2-O’rin uchun – Sovg’a va 300 000 won

Tanlovning saralash bosqichi savollarga O(Ha) yoki X(Yoq’) javoblarini tanlash orqali o’tkaziladi.
Final bosqichida esa savollarga javobni yozib berish kerak bo’ladi. Tanlov savollari Koreya madaniyati, tarixi, jamiyati va TOPIK imtixonidan olinadi.

Bu tanlovda Koreyada yashovchi barcha – 19 yoshdan 34 yoshgacha bo’lgan chet elliklar ishtirok etishlari mumkin. Universitet talabasi, Koreyada ishlayotganlar, Til kursida o’quvchi talaba farqi yo’q.

Tanlovga registratsiya qilish linki: https://forms.gle/F9j8mSbgYqsjQpnh9

Tanlovga yozilish muddati: 2022-yil, 16-sentyabrgacha
17-sentyabr kuni tanlov bo'ladigan joyda ham registratsiya qilib, ishtirok etish mumkin.

P.s. Koreyadagi barcha yurtdoshlarimiz bu tanlovda qatnashib o’z omadlarini sinab ko’rishlari mumkin!

@allimtv Ochish/sharhlash

2022-08-24 15:48:41 Faqat bugungacha!!!

Koreys tili markazi 2022-yil Kuzgi semestr uchun ro'yxatdan o'tish!
Hozirda 2 va 3-daraja guruhlariga bo'sh joyga ro'yxatdan o'tish mumkin.

Faqat bugun 24:00 gacha.
Ro'yxatdan o'tish sayti: tashkec.uz

Saytga kirganda Koreys tili kurslariga ro'yxatdan o'tish degan joyi bor.
Rasm manbasi: Tashkec rasmiy telegram guruhi.

Ps. Afsuski boshlang'ich daraja uchun bo'sh joy yo'q.

@allimtv Ochish/sharhlash