​​​​ НОСПЕЦИФИК-ИММУНО-ТЕРАПИЯ Манба: 'Доктор Аллерголог' (@a | Allergolog - immunolog

​​​​ НОСПЕЦИФИК-ИММУНО-ТЕРАПИЯ
Манба:
"Доктор Аллерголог" (@allergiya)

Бугун сизларга аллергик касалликларни даволашда самарали энг яхши усуллардан бири ҳақида маълумот бермоқчиман. Бунинг номи НСИТ (ёки НИТ). Яъни, но-специфик иммуно терапия. Бунда айбдор аллергендан эмас, балки хаммага бирдек таъсир қилувчи махсус препаратлардан фойдаланилади.

Қаҳрамонларимиз: Гистологлоблун ҳамда Аллергоглобулин

ГИСТАГЛОБУЛИН – (гистаглобин, гистадестал) 0,9% натрий хлорид эритмасида 1 мл 6 мг инсон гаммаглобулини ва 0,1 мкг гистамин гидрохлоридни ўз ичига олади. Ушбу препарат қоннинг гистамин-пектик фаоллигини, тўқималарнинг гистаминга чидамлилигини оширади, гистаминаза фермери ишлаб чиқаришни рағбатлантиради. Гистаглобулин ҳужайраларнинг циклик нуклеотидларни тез мобилизация қилиш қобилиятини ривожлантиради ва бунинг натижасида ҳужайра мембраналарининг барқарорлашишига олиб келади. Гистамин - бу аллергик реакцияларда ажралиб чиқадиган айбдор медиатор

Қайси касалликларда фойда беради?

Бронхиал астма, Квинке шиши, крапивница, экзема, атопик дерматит, поллиноз каби касалликларни даволаш учун қўлланилади. Гистаглобулин асосан атопик бронхиал астма учун кўрсатилади. Шунингдек, инфекцион-аллергик астмада, шу жумладан глюкокортикостероид препаратлари билан даволаш фонида самарадорлиги ҳақида далиллар мавжуд.

Бундай ташқари, бизда аллергоглобулин препарати ҳам бор

АЛЛЕРГОГЛОБУЛИН – еркин гистаминни боғлаш қобилиятига эга. 5 мл 10% эритма ампулаларида чиқарилади. Асосан, атопик келиб чиқадиган бронхиал астмада қўлланилади.

Бу препаратлар ҳам АСИТ каби касаллик тинч даврида, махсус схема бўйича, шифокор назоратида қўлланилади. Ўзбошимчалик билан симптомлар безовта қилиб турган ҳолатда қўллаш мумкин эмас!

Telegram | Instagram | Facebook | YouTube