Аллергия ростдан ҳам йўқ нарсами? Тиббиётдан олиб ташлаш керак | Доктор Аллерголог
Аллергия ростдан ҳам йўқ нарсами? Тиббиётдан олиб ташлаш керакми?
Аллергия терминининг қизиқарли тарихи бор. Ўз даврида бу терминни тиббиётга киритиш, алоҳида фан сифатида ажралиб чиқишига кўплаб зиддиятлар бўлган. Бечора Климанс Фон Пирке "аллергия" алоҳида тушунча эканини замондошларига тушунтираман деб она сути оғзига келган. Аммо, охир оқибат асосланган тажриба ва далиллар орқали хамма қаршиларни жойига ўтирғизиб қўйди, ишонаверинг!
Тахминан, 1 аср олдин, ёш педиатр Клменс Фон Пирке иммун системасининг функциясига фақатгина касалликлардан химоя қилиш тизими деган нуқтаи назардан эмас, балки реактивликни ўзгартириши нуқтаи назаридан ҳам қараш кераклигини тушунди. У ўз фикрни ифодалаш учун янги "аллергия" терминини яратди ва уни қуйидагича ифодалади:
Иммун тизимининг антиген билан биринчи алоқаси организмнинг реактивлигини ўзгартиради. Иккинчи ва кейинги алоқаларда бу ўзгариш нормал иммун тизим функциясидан фарқи ўлароқ, турли хил реакцияларни келтириб чиқариши мумкин.
Илмий ҳамжамият томонидан бу янги ғоя дастлаб тушунарсиз эди. Афсуски, хозир хам кўпчилик учун тушунарсизлигича қолмоқда. Шу сабабли ҳам аллергия ўзи йўқ нарса дея гапириб юришибди. [1], [2]
Охир оқибат аллергия борлиги тан олинди ва унинг муваффақияли юриши бошланди
... Ниҳоят, 1930-йилларнинг бошидан тиббиёт терминологиясига Пирке томонидан киритилган янги сўз тўлиқ киритилди. Ушбу муваффақиятга бу терминнинг ўзгача жозибадорлиги ҳам ҳисса қўшди. "Аллергия" терминининг жозибадорлиги нафақат шифокорларни, балки кенг жамоатчиликни ҳам ўзига тортди. Кўп ўтмай, аллергия термини илмий ва клиник майдонлардан қочиб, кўчаларга чиқди. Одамлар ундан ҳар қандай нарсага ҳар қандай ножўя реакцияни ифодалаш учун фойдаланишни бошладилар. Бундан ташқари, одамлар бу сўзни рад этиш ёки нафратланишни ифодалаш учун ишлатишган. "Аллергия" газеталарда, романларда ва қўшиқларда тиббий ва нотиббий аҳамиятга эга тарзда ривожланиб борди."Аллергия" сўзи модага айланди.
Мақолани батафсил ўқиш:
https://onlinelibrary.wiley.com/doi/full/10.1111/all.12174
Каналга уланинг:
"Доктор Аллерголог" (@allergiya)
