Эрондаги намойишларни кўпчилик ҳижобга қарши деб нотўғри талқи | Allaev Uz

Эрондаги намойишларни кўпчилик ҳижобга қарши деб нотўғри талқин қилмоқда.
Ўртоқлар, Эронда ҳижобга ёки динга қарши эмас, эрк учун, танлов эрки учун намойишлар бўлмоқда. Эронликлар қанақа кийинишни, қанақа яшашни, қанақа фикрлашни ўзимизга қўйиб беринг дейишмоқда.

Аслида, XXI асрда нормал давлатда ҳижобда ёки мини юбкада юриш, соқол қўйиш ёки соч ўстириш ҳар кимнинг эрки бўлиши керак. Жамият ёки ҳукумат унга бунақа кийин деб босим ўтказмаслиги керак. Ҳар кимнинг эрки ҳурмат қилиниши керак. Бир кишининг эрки иккинчи кишининг эрки бошланган жойда тугаши, кимники қаерда бошланишини қонун чизиб бериши керак.

Эрк бу инсон учун энг муҳим нарсалардан бири ва эронликлар ўз эрклари учун курашмоқда.