Alladin's Life

2022-06-25 01:19:08 Bugun firmaga bordim. Appelatsiyaga beramiz deyishdi. Keyin Jumaga borib, ibodat qilib, tovuqni olib uyga qaytdim. Nodirbek har doimgidek tovuqni pishirdi. Telefonimga email kelibdi Santanderdan, ofisimizga kelib-keting, siz haqingizda ma'lumotlarni yangilashimiz kerak deb. Santanderdan Bank shchyot qilish uchun foydalangandim. Oldin ham bu bankdan karta ochgandim, lekin ishlatmay qo'ygandim. Keyin shu haqida post o'qidim. Shu nelegal tranzaksiyalar, katta hajmdagi pul yechib olishlar tufayli bank o'z mijozlaridan shubhalanayotganligini, agar borib bu pullar qayerdan kelganini hujjatlar bilan ko'rsatilmasa, akkaunt block bo'lishi, agar ish cho'ziladigan bo'lsa, ish sudgacha borishi mumkin joyi bor ekan. Men juda qo'rqib kettim. Shu oddiy ish sabab qamalib ketishdan qo'rqdim. Chunki men Ujondni ham aldayotgandimda, yolg'on ma'lumot ko'rsatib(hisobimda ko'p pul bor deb). Shu sabab tovuq ham yaxshi ketmadi. Bu yerda ota-onamni, ukalarimni, og'aynilarimni shu yil yozda ko'rolmasligimdan hafa bo'lardim. O'zimcha kartam chiqsa, uydagilarni oldiga boraman deb o'ylagandim. Afsus hali beri borolmas ekanman.
Keyin kechda Shoxrux akaga bank bilan bo'lgan holatni aytdim. U kishi do'sti bilan parallel gaplashayotgan ekan. Menga Slavikga yozib ko'ring, u bilsa kerak deb aytdi. Keyin otkaz olganimni aytdim. Vaay blaa, ko'rdizmi sizga nima degandim. Men qilgan odam bilan topshirish kerak edi. Hamma bolaga karta olib berayapti dedi. Siz tanlagan firma chichib qo'ygan dedi. Hafa bo'ldim. Balkim bo'shligimdan, hammaga ishonuvchanligindandir. 1500 zł to'lagandim firmaga. Lekin taslim bo'lish yo'q. Nasib chiqib qolar. Keyin Slavikga yozdim shunaqa muammo chiqdi deb. U hechqisi yo'q ko'pchilikda, hattoki polyaklarda ham shu muammo bo'ladi dedi. Indamay qo'y, kartang chiqqandan so'ng akkauntingni yopasan deb maslahat berdi. Shoxrux aka firmangizdan decizija ni so'rangchi, bir o'qiylik dedi. Sheviakov ga ham yozdim, yuborvoring deb. Bilmasam nima bo'ladi.
Hozir esa balkonda yotib yozayapman bo'layotgan holat haqida. Insha'Allah hammasi yaxshi bo'ladi. Ochish/sharhlash

2022-06-24 04:42:02 Yangiliklar ko'p. Kecha karta pobytu dan otkaz olibman. Uncha hafa bo'lganim yo'q. Allohning ishi deb qo'ydim. Balkim kelajakda bo'lishi mumkin bo'lgan urushdan(Rossiya-Polsha) meni asramoqchi deb o'yladim. Nima bo'lganda ham appelatsiyaga topshiramiz dedi firmadagilar. Ko'raylikchi nima bo'larkan. Yana dokumentlarni yig'ib, Allohga tavakkul qilaman.
Ishda ham 2 ta qiziq voqea bo'ldi. Bugun servisda ishladim(mehmonlarga(ha-ha shunaqa, biz iste'molchilarni mehmon deb ataymiz) xizmat ko'rsatish). Bilmadim, ko'pdan beri ishlamaganimgami jilmayib, xursand bo'lib ishladim. Bir payt, bir kishi meni chaqirib, choychaqa berayapti(adashmasam 8 zł edi). Men birinchi avtomatik tarzda xursand bo'lib oldim, keyin o'ylab mumkin emasov dedimda, o'ziga qaytarib berdimda, rahmat kerakmas dedim. U kishi esa, nega? Ahir hamma restoranlarda olishadiku ol, menga ishlashing yoqdi dedi. Men rahmat lekin men ololmayman dedimda kettim. Menegerga bo'lgan voqea haqida aytib berganimda, molodets zo'r qilibsan dedi.
2-voqea. Servisda presentlyorlik qilayotganimda bir soqolli kishi buyurtma bermoqchiligini va inglizcha bilishimni so'radi. Men kassani ko'rsatdim. U menga men musulmonman, men cheeseburger yemayman dedi. Men xursand bo'lib, men ham musulmonman dedim. U yog'ey, zo'rku dedi. Nimani taklif qilasan? -dedi. Men: Veggie burger, veggie wrap bor dedim, Kartoshka fri bor dedim. U ok deb kassaga bordi. Kassada ikki kishi o'tiribdi(Serhii-meneger, Piotrek-instruktor) ular bir qizni pulini qaytimini berishyapti. Qizning yonida bu kishi. Men ularga, qaravoringlar, bu kishi buyurtma bermoqchi dedim. Ular eshitishmadi shekilli, u kishi ham ularga ishora qildi. Chamasi 2-3 minut qizni ishi hal bo'lishini kuttik. Keyin bu kishini buyurtmasiga navbat keldi. Orada qayerdanligini so'radim(Pokistondan ekan). Men esa O'zbekistondanman dedim, Afg'oniston, Qozog'iztonga qo'shni davlat dedim. U ho'p ho'p deb jilmayib qo'ydi. U kishi chekni olib, bir chetda o'tirdi, yuki ham bor edi. Men shasht bilan shu kishini buyurtmasini o'zim olib borishga ahd qildim. Buyurtmani Inna(meneger) tayyorladi, men eltib berdim va boshqa buyurtmalar bilan ovvora bo'lib qoldim. Bir vaqt u kishi meni chaqirib, wrapni ko'rsatib, bu tovuqmi?, - dedi. Men qarasam Wrap Veggieni o'rniga, Wrap Bekon DeLux. Shunaqa noqulay holatga tushdim. Bu boshqa wrap, men sizga o'ziznikini olib kelaman, - deb kettim. Va izlab, topib, olib kelib berdim. U kishi jahli chiqsa kerak deb o'ylagandim. Yo'q tushundi menimcha. Keyin shu holat haqida o'ylab, o'zimga: yilda 1-2 marta bo'ladigan holatni qo'pol bo'lsa ham "chichding" dedim. Juda hafa bo'ldim. Shu kishini yonidan o'tsam, qaramaslikka harakat qilardim, uyalganim sababli. Alloh kechirsin nima bo'lsa ham.
Uxx, juda ko'p bo'lib ketti, lekin juda xursandman, ko'pdan beri bunaqa uzun post yozmagandim. Esdalik bo'lib qoladi Ochish/sharhlash

2022-06-21 00:22:56 Yup, yup yup. I've changed the name of my channel. Потому что это теперь это мой username. Раньше пытался Dean, Jaloldean, но получился Alladin. Думаю начну почаще писать на языках которые мне удобны. Ochish/sharhlash

2022-06-13 05:30:53 Uxx juda ham ko'p hodisalar ro'y berdi. Ularni bir o'tirib aytib berishim kerak. Lekin nima bo'lganda ham Alhamdullilah Musilmonligimdan faxrlanaman Ochish/sharhlash

2022-05-29 19:23:08 Assalomu alaykum. Hozirgina kanalimdagi eski postlarni o'qib, juda ham ko'p hotiralar esga tushdi. Xulosa shuki hayotda bo'layotgan voqealarni yozib borish kerak ekan. Ertaga vaqt o'tganidan so'ng, o'qib miriqib kulasiz, jilmayasiz, xursand bo'lasiz. Ochish/sharhlash

2022-05-07 00:13:13 I dont know why, but I can't resist playing CS:GO, even it's time consuming. Ochish/sharhlash

2022-05-02 16:05:45 Hayit ayyomi muborak bo'lsin. Bugun zo'r bo'ldi. Xonadoshlar bilan birga katta stadionga bordik. Juda ko'p odam Hayit namozini o'qishga borishdi. Payg'ambarimiz (S.A.V) ummatligimdan rosa quvondim. Eng qizig'i u yerda men bilan McDonald's da ishlashgan Zakir o'rtog'imni uchrattim. U may oyidan boshqa ishga o'tgandi. O'tirib suhbatlashdik. Tel raqamini olvoldim.
Xullas, juda zo'r kun bo'ldi Ochish/sharhlash