«Заковат» интеллектуал клубида янги мавсум, янги давр бошланм | Alisher Sadullaev
«Заковат» интеллектуал клубида янги мавсум, янги давр бошланмоқда!
Бир-биридан қизиқ интеллектуал турнирлар, ўйинлар Сизни кутиб турибди.
Масалан, 27-28 февраль кунлари брейн-ринг ўйини форматида катта очиқ чемпионат ўтказилмоқда. Соврин жамғармаси ҳам кичкина эмас – нақ 100 миллион сўм!
Турнирда исталган жамоа иштирок эта олади. Бунинг учун нима қилиш керак?
Энг аввало 6 кишилик жамоа тузинг. Масалан, билимга қизиқадиган курсдошлар, ҳамкасблар, қариндошлар, таниш-билишлар бўлиши мумкин.
Жамоа тузгач, zakovat.tv сайтида рўйхатдан ўтинг. Бўлди! Сиз турнирда қатнашиш учун энг катта қадамни босиб ўтдингиз.
Агар 6 кишилик жамоа туза олмадингиз дейлик, унда нима бўлади? Хавотирга ўрин йўқ. Бемалол якка тартибда ҳам рўйхатдан ўта оласиз. Биз кейинчалик якка ариза юборганларни автоматик 6 кишилик жамоаларга бўлиб юборамиз. Баҳонада янги дўстлар орттиришингиз мумкин.
Клубга аъзолик ва турнирда қатнашиш - БЕПУЛ!
Рўйхатдан ўтганлар ўртасида дастлаб интеллектуал кастинг ўтказилади ва ундан ўтган жамоалар турнирда қатнашиш ҳуқуқини қўлга киритишади. Брейн-ринг турнири ва интеллектуал кастинг ўтказиладиган жой, вақти, шартлари ҳақида zakovat.tv сайти ҳамда @zakovat Телеграм каналида тез орада маълум қилинади.
Келинг, сафимизга қўшилинг! Ҳақиқий билимдонга айланиш имкониятини қўлдан бой берманг!
@xushnudbek
