ALHIDOYA.UZ

2022-10-07 10:32:29 #ташриф

МУФТИЙ ҲАЗРАТЛАРИ ТОШКЕНТ ШАҲРИДАГИ “НОВЗА” ЖОМЕ МАСЖИДИГА ЖУМА НАМОЗИГА ТАШРИФ БУЮРАДИЛАР

Бугун, 7 октябрь жума куни Ўзбекистон мусулмонлари идораси раиси, муфтий Нуриддин домла ҳазратлари Тошкент шаҳридаги "Новза" жоме масжидида жамоат билан жума намозини адо этадилар.

Инша Аллоҳ, жума намозидан аввал гўзал қироат ва Муфтий ҳазратларининг файзли суҳбатларидан баҳраманд бўламиз.

Мўмин-мусулмонларни мазкур маърифий суҳбатга таклиф этамиз.

Улашинг: https://t.me/Alhidoya_kanali Ochish/sharhlash

2022-10-07 07:00:03 #Бу_суннатдир
Жума кунининг суннатлари:

Ғусл қилиш;
Хушбўйланиш;
Мисвок ишлатиш;
Энг яхши кийимни кийиш;
Каҳф сурасини ўқиш;
Салавот айтиш;
Масжидга эрта бориш

Бу куннинг барокати сизга бўлсин!

Улашинг: https://t.me/Alhidoya_kanali Ochish/sharhlash

2022-10-07 05:00:01 #Тиловат

"Каҳф сураси"
(Расулжон қори)

Расулуллоҳ соллаллоҳу алайҳи васаллам:
"Ким жума куни "Каҳф" сурасини ўқиса, икки жума орасида унга нур зиё сочади", дедилар.
(Ҳоким ва Байҳақий ривояти)

Улашинг: https://t.me/Alhidoya_kanali Ochish/sharhlash

2022-10-07 04:00:01 #савол_жавоб

Шундай картани ишлатиб юришим жоизми?

Савол: Ассалому алайкум!
— Устоз мен Россиядаман. Тинькофф деган банкдан карта олдим. Ушбу картага пул солиб ишлатсангиз, қаерда нима харид қилсангиз ҳам картангизга харид қилган пулингизни бир фоизи қайтиб келар экан. Шундай картани ишлатиб юришим жоизми?

Жавоб: Ва алайкум ассалом!
— Ишлатилган маблағнинг маълум қисми қайтариб берилса, буни иқтисод тилида кешбек дейилади. Банк шу кўринишда ўзининг фойдасидан кечса ёки хизматларидан фойдалангани учун хизмат нархидан бир қисмини қайтиб берса, ундан фойдаланса бўлади. Валлоҳу аълам!

ЎМИ Фатво ҳайъати

Улашинг: https://t.me/Alhidoyamedia Ochish/sharhlash

2022-10-07 01:00:00 #Намоз_вақтлари
“... Албатта, намоз мўминларга вақтида фарз қилингандир” (Нисо сураси 103-оят).

Кунингиз хайрли ва барокатли ўтсин!

Улашинг: https://t.me/Alhidoyamedia Ochish/sharhlash

2022-10-06 18:45:56 #Жума_муборак

Дуога қўл очинг, Толмасин билак,
Бугун сўрайверинг, Хар неки тилак.
Файзи билан берур, Аллоҳ таборак.
Тавба сохибига, ЖУМА муборак!...

Youtube | Facebook | Instagram

Улашинг: https://t.me/Alhidoya_kanali Ochish/sharhlash

2022-10-06 18:45:07 #Видеолавҳа
"Ким шундай қилса фосиқдир"
(Убайдуллоҳ домла Абдуллаев)
═══════ ✿ ═══════
"Kim shunday qilsa fosiqdir"
(Ubaydulloh domla Abdullayev)

Улашинг: https://t.me/Alhidoya_kanali Ochish/sharhlash

2022-10-06 16:58:48 #савол_жавоб

Милк сал қонаса ҳам таҳорат синадими?

Савол: Ассалому алайкум!
— Милк сал қонаса ҳам таҳорат синадими?

Жавоб: Ва алайкум ассалом!
— Милк қонаганда киши туфугига қарайди: туфукда қон кам бўлса, яъни туфукдаги оқлик қизилликдан кўп бўлса, таҳорат синмайди. Агар туфукда қон кўп бўлса, яъни ундаги қизиллик оқликдан кўп бўлса ёки тенг бўлса, таҳорат синади ("Ал-Мухтасар фил фиқҳил ҳанафий"). Валлоҳу аълам.

ЎМИ Фатво ҳайъати

Улашинг: https://t.me/Alhidoyamedia Ochish/sharhlash

2022-10-06 16:57:32 МУФТИЙ ҲАЗРАТ КАТТА ЛАНГАР ҚУРЪОНИ САҚЛАНИШИНИ КЎЗДАН КЕЧИРДИЛАР

Шу йил 5 октябрь куни Ўзбекистон мусулмонлари идораси раиси, муфтий Нуриддин домла ҳазратлари идора Кутубхонаси фондидаги Катта Лангар Қуръонининг сақланиш жараёни билан яқиндан танишдилар.

Кутубхона мудири Камолиддин Маҳкамов Муфтий ҳазратларига мусҳафнинг реставрация ишлари ва сақлаш жараёни ҳақида батафсил маълумот берди. Унинг қайд этишича, мусҳаф ҳаво ҳарорати ва намлиги махсус жиҳозлар билан мунтазам назорат қилиб бориладиган консервация ва реставрация лабораториясида сақланади. Унда ҳаво намлиги 50 фоизни, ҳарорат 18+ 20+ даражани ташкил этади.

Муфтий ҳазратлари кутубхона фонди билан танишар эканлар, мана шундай бебаҳо меросларни асраб-авайлаш, уларни келажак авлодга бус-бутун етказиш ва тадқиқ этиш ишларига катта эътибор қаратишни алоҳида таъкидладилар. Шунингдек, мана шундай хайрли ишларга ҳисса қўшаётган барча масъулларнинг ҳақига дуо қилдилар.

БАТАФСИЛ

Улашинг: https://t.me/Alhidoyamedia Ochish/sharhlash

2022-10-06 04:00:03 #савол_жавоб

Мобил компаниядан 50 сент қарз олдим. У мендан 60 сент олади шу судхўрлик бўлиб қолмайдими?

Савол: Ассалому алайкум!
— Мобил компаниядан 50 сент қарз олдим. У мендан 60 сент олади шу судхўрлик бўлиб қолмайдими?

Жавоб: Ва алайкум ассалом!
— уайян миқдорда пул қарз бериб, уни кўпайтириб қайтариб олиш рибо (судхўрлик) саналади. Ҳозирда алоқа компаниялари томонидан таклиф қилинаётган "қарз"да ҳам худди шу ҳолат бор. Шунинг учун бундай қарз олиш шаръан жоизмас.

Энди ушбу қарз муомаласи шаръан тўғри бўлиши учун алоқа компанияларига таклифимиз шуки, ҳисобида маблағи тугаган мижозга компания томонидан маълум миқдорда "дақиқа", "SMS", "MB"лардан иборат "пакет"ни насияга сотиши ва буни олган одам томонидан келишилган муддатда тўланиши мақсадга мувофиқ. Шунда компаниянинг даромади ҳам, мижозларнинг олган қарзлари ҳам ҳалол йўл билан топилган бўлади. Валлоҳу аълам.

ЎМИ Фатво ҳайъати

Улашинг: https://t.me/Alhidoyamedia Ochish/sharhlash