2022-12-29 22:08:01
Umar roziyallohu anhu har doim masjidga namoz boshlanishidan ancha vaqtli borar edi. Bir kuni kichik bolakayning masjidga shoshilib kelayotganini uchratib qoldi va undan:
– Nima boʻldi, bolam? Nega bunchalik shoshqilab kelyabsan? – deb soʻradi.
Bola:
– Namozga boryabman, azon chaqirguncha tahoratimni yangilab olmoqchi edim, – dedi.
Hazrati Umar:
– Bolam, sen hali juda kichiksan, senga namoz farz boʻlgani yoʻq-ku, – dedi.
Bola:
– Hazratim, bu ishning kichigi, kattasi boʻladimi? Kuni kecha mendan ham kichik bola vafot etgan edi, mozorga olib ketdilar, – dedi.
Hazrati Umar bolaning bu javobidan shu qadar qattiq taʼsirlandiki, koʻz yoshlarini tutolmasdan: "Yo Rabbiy! Bu bola qanday yaxshi, qanchalik aqlli bola", dedi va uning haqqiga duo qilib qoʻydi.
83 viewsSHUHRAT ️, 19:08
ي
