2022-08-31 09:38:11
JANNATGA BIRINCHI KIRGAN AYOL
Hazrati Fotima r.a. onamiz bir kuni otalari Rasululloh s.a.v. ga:
- Otajon, Jannatga ayollardan eng birinchi kim kirajak? - deb so‘radilar.
Payg‘ambarimiz s.a.v.:
- Falon mahallada bir ayol bor. U ayol birinchi bo‘lib Jannatga kiradigan ayol, dedilar.
Fotima onamiz juda qiziqdilar.
- Mendan ham avval kiradimi, otajon? Deb so‘radilar.
Payg‘ambarimiz s.a.v. :
- Sendan ham oldin kiradi, istasang, borib tanish. O‘shanda uning nima uchun avval jannatga kirishni bilasan, dedilar.
Fotima onamiz u ayolga juda qiziqib qolgandilar. Bir kuni so‘rab-so‘rab uyini topib bordilar. Eshikni taqillatganlarida ichkaridan qari ayolning ovozi eshitildi.
- Kim u?
Hazrati Fotima onamiz o‘zlarini tanishtirib, ko‘rishishni istashini aytganlarida, ayol:
- Jonim sizga fido, ey Allohning rasulining qizi. Siz bilan ko‘rishishni juda-juda orzu qilardim. Faqat tashqariga chiqmaganim uchun sizning ziyoratingizga borolmadim. Sizning meni izlab topishingiz men uchun bir lutf. Faqat, men xo‘jayinimdan ruxsat olmasdan sizga eshikni ocholmayman. Sizdan uzr so‘rayman, ertaga kelsangiz ichkariga kirishingiz uchun izn olaman, eshikni ochaman, ko‘rishamiz, dedi.
Fotima onamiz qaytib ketdilar. Ayol eridan ruxsat oldi. Ikkinchi kun ayol bilan ko‘rshishiga ishonib kelgan Fotima onamiz yonlarida hazrati Hasanni ham olib kelgandilar. Ayolning eshigini taqillatdilar. Ayol Fotima onamizning yonida bir bola borligini ham sezdi. Hazrati Fotima onamizga:
- Yoningizda bola ham bor. Men faqat siz uchun ruxsat olgandim. Ichkariga faqat siz kira olasiz, bola tashqarida qolsin. Istasangiz ertaga keling, ikkingiz uchun ham ruxsat olaman. Birga kirasizlar dedi.
Ikkinchi kun ham kirolmasdan qaytdilar. Uchinchi kuni hazrati Husaynni ham olib kelgandilar. Xuddi o‘sha holat takrorlanib, Husaynsiz ichkariga kirolmasdan qaytdilar. Keyingi kuni takror bordilar va uyga kirdilar. Fotima onamiz qarasalar uyda yoshgina chiroyli ayol bo‘lib, ovozi ham mayin edi. Siz bilan tashqaridan gaplashganimizda ovozingiz boshqa edi, dedilar hayratlanib.
Ayol:
- Siz bilan gaplashganda ovozim tashqariga eshitilayotgandi, ovozimni begona erkak eshitadi deb og‘zimga tosh parchasi solib olgandim, dedi.
Fotima onamiz ko‘zlariga yosh oldilar. Otasining s.a.v. nima uchun Jannatga bu ayol avval kiradi deganlarini angladilar.
Ayol, Fotima onamizga:
- Men erim oldidagi vazifamni ado eta olyapmanmi. Alloh meni xojamga nisbatan itoatsizlik sababli hisob qilmaydimi, deb qo‘rqaman, dedi.
Fotima onamiz otalarining s.a.v. mujdalarini aytdilar:
-Yo‘q, siz aksincha, otamning Jannatga oldingilardan bo‘lib kiradi deb mujdalagan ayollardan birisiz, dedilar.
180 views06:38