Рашки қаттиқ аёлларга маслаҳатлар 1. Эрингизни ўз мулкингиз | Al-Fajr

Рашки қаттиқ аёлларга маслаҳатлар

1. Эрингизни ўз мулкингиз деб хисобламанг. Унинг озодлигини қисиб қўйманг. У сизни севиши ва буни сизга айтиши билан чекланинг, бунга рози бўлинг.
Унинг сўзлари ва хиссиётларига ишонинг, бахтли бўлишингиз учун бу етарли.

2. Агар эрингиз сизни яхши кўришини айтиб турган бўлса, уни қизғонишингиз учун бир сабаб чиқмаётган бўлса лекин сиз барибир рашк қилаётган бўлсангиз, демак қиладиган бошқа ишингиз йўқ.
Сизни қизиқтирган бошқа нарсалар билан шуғулланинг. Нимага худди бошқа дардингиз йўқдек, қайта қайта бир мавзуга қайтаверасиз? Ўйлаб кўринг, бу хатти харакатингиздан Аллоҳ розимикан

3. Агар рашк туйғуси сизда шубҳа уйғотаётган бўлса, яқинингизни йўқотишдан, у сизни севмай қолишидан қўрқаётган бўлсангиз, демак ўзингизни етарсиз хис қилаябсиз. Бу туйғу, сизга ўзингиз устида ишлашингиз учун туртки бўлсин.
Хатти харакатларингиз, ўзингиз, гапларингиз устида ишланг, эрингизга итоат кўрсатинг, уни ўз эътибор ва ғамхўрлигингиз билан қамраб олинг.

4. Рашк одатда асл севгини ўлдиради.
Шунинг учун, уни ғазабга келтирадиган, муносабатларингизни бузадиган кераксиз, бекорчи саволлар беришни тўхтатинг. Бу саволлар, сизни тинчлантириш учун унга ёлғон гапиртиради ёки қўпол жавоб қайтаришига сабаб бўлади. Сўнг сиз янада кўпроқ хафа бўласиз, ундан узоқлашасиз.

5. Унинг телефонини, ёзувларини ва хатларини титкилашга харакат қилманг, унга ишонинг.
Эсингизда бўлсин, Аллоҳ Таоло сизга унинг қаерда ва нима билан банд эканини назорат қилишни буюрмаган, Қиёмат куни сиздан бу нарсалар сўралмайди.
Аксинча, сиздан нима учун у уйга келганида унга керакли ғамхўрлик ва эътибор кўрсатмаганингиз, унинг учун ҳаракат қилмаганингиз, вақт ажратмаганингиз ҳақида сўралади.
Z_XUMAYRO.

@Al_Fajr_Kanali