ҲАДИС ЎРГАНАМИЗ. عَنِ النَّبِيِّ صلى الله عليه وسلم قَالَ: « | AL-AMIN.UZ
ҲАДИС ЎРГАНАМИЗ.
عَنِ النَّبِيِّ صلى الله عليه وسلم قَالَ: «مَا مِنْ يَوْمٍ يُصْبِحُ الْعِبَادُ فِيهِ إِلَّا مَلَكَانِ يَنْزِلَانِ فَيَقُولُ أَحَدُهُمَا: اللَّهُمَّ أَعْطِ مُنْفِقًا خَلَفًا، وَيَقُولُ الْآخَرُ: اللَّهُمَّ أَعْطِ مُمْسِكًا تَلَفًا». رَوَاهُمَا الشَّيْخَانِ وَالنَّسَائِيُّ.
Набий соллаллоҳу алайҳи васаллам: «Бандалар тонг оттирган ҳар бир кунда албатта икки фаришта нозил бўлади. Улардан бири: «Аллоҳим! Инфоқ қилувчига ўринбосар бергин», дейди. Иккинчиси эса: «Аллоҳим! Мумсикка йўқотиш бергин», дейди - дедилар»
Иккисини икки Шайх ва Насаий ривоят қилишган
ШАРҲ: Аллоҳ таоло хар тонгда икки фариштани хар бир инсонга вакил қилиб қўяр экан. Улар у бандани хаққига икки хил дуо қилади. Агар банда молидан муҳтожга эҳсонни ният қилса, фаришта у бандани моли ва жонига барака тилаб дуо қилади. Одамларга яхшилиги - эҳсони йўқ ҳасисга эса молига йўқотиш бергин деб турар экан.
Ҳа, банда оз бўлсада, битта нон пули бўлса ҳам бериб турса фариштанинг дуосига мушарраф бўлар экан.
Сиз хақингизда Аллоҳга бир фаришта молингизга барака сўраб дуо қилиб туришлиги бу улуғ мақом.
Билъакс, бир фаришта Аллоҳга бу бандангни молига йўқотиш бер деб турса қанчалар фожеа..
