Akramjon Yuldashev | Rasmiy kanal

2022-07-08 17:25:55 Assalomu alaykum aziz vatandoshlar!
Qadrli universitet jamoasi!

Muqaddas bayramlarimizdan biri bo‘lgan Qurbon hayiti bilan barchani chin qalbimdan muborakbod etaman!

Ushbu saodatli, nurli kunlarda barcha mo‘min-musulmonlarning duo-iltijolarini, savobli amallarining ijobatini berib, el-yurtimizni, xonadonlarimizni fayz-u barakaga to‘ldirsin! Ko‘pmillatli xalqimizni mehrli-oqibatli qilsin!

Bugungi shukuhli kunlarda oilalar mustahkamligi, farzandlarimiz baxti, yoshlarimiz har tomonlama yetuk, odob-axloqli, Vatani, xalqi, din-u diyonatiga sodiq bo‘lib kamolga yetishlarini so‘rab duoi xayrlar qilish hammamizning burchimiz va vazifamizdir.

Ushbu kunlarga sog‘-salomat yetkazgani uchun Allohga beadad shukronalar aytib, jonajon O‘zbekistonimiz porloq istiqboli, tinchligi va osoyishtaligi, xalqimiz farovonligi yanada ziyoda bo‘lishini Parvardigordan so‘rab qolamiz.

Qurbon hayiti barchamizga muborak bo‘lsin!

Andijon davlat universiteti rektori
Akramjon Yuldashev

Facebook | Telegram Ochish/sharhlash

2022-07-04 19:12:42 Бугун, Президентимизнинг тегишли фармонига кўра "Келажак бунёдкори" медали билан мукофотланган, волонтёрлик ҳаракати орқали кўпларга ўзининг беминнат ёрдамини кўрсатган Хорижий тил ва адабиёти йўналиши 2 босқич талабаси Одилжонова Сарвинозхоннинг хонадонига бордик.

Дастлаб, талабамизнинг ота-онасига ўзимизнинг самимий миннатдорчилигимизни ҳамда ташаккурларимизни билдирдик. Шундан сўнг, талабамизнинг ўқиш ва жамоатчилик ишларидаги муваффақиятлари, бу муваффақиятларда ота-оналарининг қанчалик хизматлари борлигини эътироф этиб, уларга миннатдорчилик билдирдик.

Шунингдек, талабамизга ўзимизнинг совғаларимизни ҳам топширдик.

Facebook | Telegram Ochish/sharhlash

2022-06-29 21:34:44 Қадрли талабаларим, шижоатга тўла фарзандларим!

Сизларни 30 июнь - "Ёшлар куни" муносабати билан самимий табриклайман!

Бугунги Ўзбекистон чин маънода ёшлар мамлакати, улар учун имкониятлар диёридир. Давлатимизда ёшлар сиёсати масаласи энг устувор йўналишлардан. Ишонч билан айта оламанки, ҳозир сизлар ўз истеъдодингизни юзага чиқариш, салоҳиятингизни кўрсатиш учун барча имкониятлар яратилган. Биргина олий таълим тизимидаги ўзгаришлар: ОТМларга квоталарнинг оширилиши, янги замонавий йўналишларнинг очилиши, халқаро ҳамкорликнинг кенгайиши ёшлар учун муҳим қадамлар бўлди. Бундан ташқари, кўплаб танлов ва мукофотларнинг
таъсис этилиши ёшларни рағбатлантиришда катта ўрин тутмоқда.

Андижон давлат университетида таълим олаётган 24 000 га яқин талаба ёшлар, ёш тадқиқотчилар ҳам яратилган ана шундай имкониятларга лаббай деб жавоб бериб, ҳар жабҳада ўзларини кўрсатмоқдалар деб қўрқмай айта оламан. Чунончи, ёшларимиз орасида Жаҳон ва Осиё чемпионлари, Зулфияхоним издошлари, Президент ва давлат стипендияси соҳиблари, халқаро танловлар ғолиблари, ёшлар парламенти аъзолари, вилоят ҳокими стипендияси совриндорлари мавжуд.

Азиз фарзандларим маррани доимо баланд олинг! Ҳеч ҳам қўрқманг, интилинг, ўқинг ўрганинг, асло ортга чекинманг! Сиз барча эзгу ишларга қодирсиз!

Бугунги байрамингиз билан яна бир бор самимий табриклаб, барчангизга сиҳат-саломатлик, бахт ва омад тилайман.

Акрамжон Юлдашев
Андижон давлат университети ректори Ochish/sharhlash

2022-06-29 09:36:32 Ўзбекистон Миллий ахборот агентлиги - расмий хабарлар, тезкор янгиликлар, таҳлилий-танқидий материаллар, қонун ҳужжатлари, фото ва видеорепортажлар
https://uza.uz/uz/posts/yangi-konstituciya-yillar-davomida-xalqimizni-qiynab-kelayotgan-muammolarni-bartaraf-etadi_385561 Ochish/sharhlash

2022-06-26 21:24:50 Qadrli jurnalistlar, matbuot va ommaviy axborot vositalari xodimlari, blogerlar!

Siz, azizlarni 27-iyun – “Matbuot va ommaviy axborot vositalari xodimlari” kuni bilan chin qalbimdan muborakbod etib, barchangizga chuqur hurmat-ehtiromim va ezgu tilaklarimni bildiraman.

So‘nggi yillarda mamlakatimizda Muhtaram Prezidentimiz Shavkat Mirziyoyev boshchiligida o‘tkazilayotgan islohotlar dunyo jamoatchiligi tomonidan yuksak e’tirof etilmoqda. Ayniqsa, so‘z erkinligi va OAV ochiqligini ta’minlash sohasida amalga oshirilayotgan ishlar mamlakat imijini ko‘tarishda katta ahamiyat kasb etmoqda. Bunda, albatta Siz, jasur va bilimli journalist va blogerlarning, axborot xizmati xodimlarining o’rni juda katta.

Bugun dunyoda tahlikali vaziyat hukm surayotgan bir vaqtda kuchli huquqiy davlat va pirovardida fuqarolik jamiyatini qurish maqsadimiz ustuvor bo’lib qolaveradi. Bu uchun esa so‘z erkinligi, OAVning tom ma’noda to‘rtinchi hokimiyatga aylanishi eng muhim masaladir. Sizlar kabi minglab olijanob kasb egalarining sa’y-harakatlari, iste’dod va mahorati bilan mamlakatimizning xalqaro imiji yaxshilandi va mamlakatimizda xalqimiz hamda hukumatimiz o’rtasida o’zaro ishonch kayfiyati shakllandi. Bugun dunyoda sodir bo’layotgan voqealar bu ishinchning naqadar muhim ekanini ko’rsatib turibdi.
OAV, jurnalistlar va blogerlar huddi oyna kabi yuzimizga kamchiliklarimiz va muammolarimizni ko‘rsatib bermoqdaki, bu barchaga birdek foydali va manfaatli bo‘lmoqda. Bugun Andijon davlat universiteti barcha turdagi OAV hamda blogerlar bilan samarali hamkorlik olib bormoqda va bundan keyin ham doimo ochiq muloqotda bo‘lishini bildirib o‘tmoqchiman.

Sizlar bilan hamkorligimiz natijasida universitet imiji oshib bormoqda, mavjud muammolarimiz yechilmoqda. Bunda sizlarning xizmatlaringiz alohida ahamiyat kasb etishini mamnunlik bilan qayd etib o‘tmoqchiman.

Biz jamiyatimizda oshkoralik, adolat va qonun ustuvorligini ta’minlashda, huquqiy demokratik davlat asoslarini mustahkamlashda sizlarga, sizlarning bilim va iste’dodingizga tayanamiz.

Sizlarni Matbuot va ommaviy axborot vositalari xodimlari kuni bilan yana bir bor samimiy tabriklayman.

Barchangizga sihat-salomatlik, ezgu faoliyatingizda yutuq va omadlar, oilaviy baxt, xonadonlaringizga tinchlik-xotirjamlik, fayz-u baraka tilayman.

Akramjon Yuldashev
Andijon davlat universiteti rektori Ochish/sharhlash

2022-06-24 22:13:29 XX аср охири 60 йилларда ўзбек адабиётига ўз сўзи билан кириб келган машҳур адибимиз Муҳаммад Али бугун 80 ёшда.

Унинг шеърий ва насрий асарлари қўлма-қўл бўлиб ўқилади. Айниқса, унинг тарихий мавзудаги асарлари "Сарбадорлар", "Улуғ салтанат" романлари менинг севимли китобларимдан.

Адиб шунингдек, таржимачиликда ҳам кўп меҳнат қилди. Бизга таниш бўлган ҳинд эпоси "Рамаяна" ни ўзбек тилига ўгирган ҳам Муҳаммад Алидир.

Кеча, 23 июнь куни асли андижонлик адибимиз таваллудининг 80 йиллигини университетимизда нишонладик. Бадиий кечага айланиб кетган тадбирда машхур адабиётшунос олимлар ва ёзувчилар: Ўзбекистонда хизмат кўрсатган маданият ходими, ёзувчи Камчибек Кенжа, Ёзувчилар уюшмаси вилоят бўлими раҳбари Хуршидабону, Ўзбекистонда хизмат кўрсатган журналист Аҳмаджон Мелибоев, ЎзМУ доценти Адҳамбек Алимбеков, Ўзбекистон Ёзувчилар уюшмаси аъзолари Шойим Бўтаев, Ҳалим Карим, Ҳумоюн Акбар, Матлуба Юсуф Охун ва бошқалар иштирок этиб, адибнинг кенг қиррали фаолияти ҳақида сўз юритдилар. 

Facebook | Telegram Ochish/sharhlash

2022-06-24 19:16:49 Куни кеча Қорақалпоғистоннинг Кегейли туманидан бир гуруҳ ёшлар Андижон вилоятидаги тенгдошлари билан бирга ёшлар форумида иштирок этиш учун келдилар.

Қарақалпоқ ёшлари университетимизга ҳам ташриф буюрдилар. Уларни олийгоҳимиз жамоаси билан биргаликда кутиб олдик. Дастлаб уларни университетимиз факультетлари билан таништирдик.

Шундан кейин катта мажлислар залида меҳмонлар билан учрашув ўтказиб, улар шарафига уюштирилган консерт дастурини тақдим этдик.

Меҳмонлар учун бағишланган тадбирлар бугун ҳам давом этди. Жумладан, улар учун бағишланган бадиий учрашувлар, спорт мусобақалари, "Заковат" интеллектуал ўйини ташкил этилди.

Мен шу икки кун давомида ёш меҳмонлар билан бир неча бор кўришиб, уларнинг жўшқинлигига, билимдон ва кенг дунёқарашга эга эканликларига амин бўлдим.

Facebook | Telegram Ochish/sharhlash