Akmal Sodikov

2022-02-09 07:37:13 Yaqinda Qirg'iziston Respublikasiga sayohatda bo'ldik.

Juda ajablantirgan holatlar.

Chegaradan o'tishingiz bilan hamma yerda "inomarkalarga" ko'zingiz tushadi. Aholi asosan yapon va koreys mashinalarini minishar ekan. Xuddi Koreyaning eski qishlog'iga tushgandek his qilasiz.

Arzonchilik. biz bo'lgan 3-4 ta tuman bir biridan arzon mahsulot va xizmatlari bilan rosa hayron qoldirdi. Ayniqsa, mashina ehtiyot qismlari bizdagiga qaraganda kamida 3 barobar, kiyim-kechaklar kamida 2 barobar arzon. Mehmonxona 5 barobar...

Diniy erkinlik. Har qadamda masjid. Qayerda bo'lmang, nomoz vaqti azon qattiq eshitiladi. Harbiylar, politsiya xodimlari ham kirib nomoz o'qimoqdalar.

Eng yaxshi taomlar. Ularni faqat o'zbek va uyg'urlar qilar ekan. Qirg'izlar uncha pazanda emas ekan.

Avtohalokatlarga ko'zimiz tushmadi. Qancha yurgan bo'lsak, biror marta to'qnashgan, bir-biri bilan "talashayotgan" haydovchilar yo'q. Hamma oddiy, sekin haydar ekan.

Huquqni muhofaza etuvchi organlar xalqdan hayiqishadi. Bir necha bor ko'zimiz tushdiki, politsiya xodimlari xalq oldida o'zini osmon olib gapirganini, boshqacha munosabatda bo'lganini ko'rmadik.

Albatta, bir-ikki kamchiliklarga ham duch keldik.

Yo'llar notekis. Menimcha, sobiq ittifoq paytida qilingan yo'llar qolib ketgan.

Yangi turar-joylar endi qurilmoqda. Asosan eskicha uslubdagi uylar ko'p.

Bozorda tilingizga qarab narx aytishadi. Agar o'zbekcha gapirsangiz, mehmon deb o'ylab, qimmatroq sotishga harakat qilishar ekan.

Hozircha shular, narxlar bo'yicha alohida qiziqarli postlar qilamiz, nasib etsa...

#sayohat
@Akmaltosh Ochish/sharhlash

2022-02-02 07:58:08 Detektiv Janob Sinchkov rukni g'oliblari

Sirli tanga

- G'oliblar

1. Shaxzodbek Saydullayev
2. O'tbosarov H.B.

To'g'ri javobni bergan dastlabki ikki obunachimiz.

Demak, aniq javob:

Qotillikni Esper sodir etganligiga ko'plab dalillar mavjud.

1. Tanga uning cho'ntagida ekanligini aniq bilishi:
2. Qurbon kiyinib bo'lib, chiqishga tayyor ekanligini bildirgani;
3. Yuztuban yotgan kishining cho'ntagidan tangani olish hamda uni yana eski holatiga qaytarib qo'yish kabilar dalil bo'la oladi.

Shuni alohida ta'kidlash joizki, Esper qalbaki yoki arzonbaho tangani Sinchkovga bergan. Chunki haqiqiysini sotish niyatida bo'lgan. Shu sababli haqiqiy tangani olib qo'ygan.

#sinchkov
@Akmaltosh Ochish/sharhlash

2022-01-31 08:39:54 Sirli tanga

- O'lim, taxminan bir yarim soat oldin boshga urilgan zarbdan kelib chiqqan, yuztuban yiqilgan, kuchli harakat, menimcha, - deb gap boshladi Janob Sinchkov.

- Haqiqatdan ham. Menimcha, orqadan kelib urilgan, - deb qo'shimcha qildi Topqir.

- Ha, men hammasi bo'lganda pastda edim. Qattiq ovozdan keyin, ajablanib sekin tepaga ko'tarildim. Kirsam, oyna ochiq, amakim yerda...-deb guvohlik bera boshladi, Esper, marhumning jiyani.

- Siz nega kelgandingiz?

- Amakim bugun ertalab menga qo'ng'iroq qilib, tezroq kelishimni so'radi. U shaharga nodir tanga olib ketmoqchi va uni sotmoqchi edi va u menga hamroh bo'lishimni xohladi. Ko'rinib turibdiki, kimdir mendan oldin kelgan.

- Amakingiz, ko'chaga chiqish arafasida bo'lgin, kiyinib olganini qarang, - dedi Topqir.

- Men ham darhol derazadan qaradim, bir erkakni yugurib ketayotganligini ko'rdim. Darhol amakimni cho'ntagidan tangani qidirib topib olib qo'ydim. Mana u, - deb Sinchkovga uzatdi.

Sinchkov darhol Esperni hibsga olishni buyurdi.

Savol. Nega Janob Sinchkov bunday xulosaga keldi?

Izohlarni "Comments" da qoldiring.

Javob - nasib etsa ertaga e'lon qilinadi.

#sinchkov
@Akmaltosh Ochish/sharhlash

2022-01-31 07:45:06 Detektiv Janob Sinchkov rukni g'oliblari

Qahramon it

- G'olib

1. Janob Sinchkov

To'g'ri javobni hech kim bera olmadi.

Demak, aniq javob:

Itlar ranglarni to'liq ajrata olmaydi.

Ayniqsa qizil rangni bilishmaydi. Shu sababli, itni qizil rangli ro'molcha bilan ogohlantirishi Janob Sinchkovni shu qarorga kelishga olib kelgan.

#sinchkov
@Akmaltosh Ochish/sharhlash

2022-01-26 11:58:57 Kecha sham va suv sotganlar

Bugun esa elektr bilan ishlaydigan qozon (электрическая духовка) sotganlar...

#Mem
@Akmaltosh Ochish/sharhlash

2022-01-24 09:19:21 Qahramon it

- Men itlar bilan anchadan beri ishlayman, - deb gap boshladi Albert. - Men sizga aytadigan bo'lsam, ular bilan bu metodikani bobomning dala hovlisida boshlaganman.

- Xo'p, qani eshitaylikchi, malol kelmasa, - so'radi Sinchkov.

- Boboning qishloqdagi hovlisi temir yo‘l izlari yaqinida joylashgan edi.
Men qo'y boqib, yordam berib turardim. Qo'ylarni relslar yaqinida o'tlatib yurgandim.
Shunda men hayol bilan ovunib qolganimda, poyezd yaqinlashib qolibdi, qo'ylar esa rels atrofida o'tlab yuribdi.

Shunda bobom, yugurib uzoqroqdan qizil ro'molchasini hilpiratdi. Itimiz Sharik edi, u tezda yugurib borib qo'ylarni rels atrofidan haydan chiqardi. Poyezd o'tib ketdi. Shu bilan biz qo'ylarni qutqarib qoldik.

- Menimcha, sizning hikoyangizda ayrim faktlar yetishmayapti? Yoki siz bo'rtirmoqdasiz.

Savol. Nega Janob Sinchkov Albert aldayotgan deb o'yladi?

Izohlarni "Comments" da qoldiring.

Javob - nasib etsa ertaga e'lon qilinadi.

#sinchkov
@Akmaltosh Ochish/sharhlash

2022-01-24 09:00:40 Detektiv Janob Sinchkov rukni g'oliblari

Qutqaruv jileti

- G'oliblar

1. Humoyun O'tbosarov
2. O'lmasov Ulug'bek

To'g'ri javobni bera olgan dastlabki ikki obunachimiz.

Demak, aniq javob:

Qotillikka urinish na sotuvchi Albert na Simber tomonidan amalga oshirilgan.

Chunki, sotuvchi xaridor bilan har ikki tovarni tekshirib chiqib keyin sotgan.

Simber esa haqiqatdan ham turmush o'rtog'ini o'ldirish niyatida bo'lganda uni qutqarib chiqmasdi. Shunday o'lim topishiga qo'yib berardi, xolos.

Qotilikka urinish Simberning turmush o'rtog'i tomonidan amalga oshirilgan.

Uning birgina xatosi va omadsizligi shundaki, unga teshik jilet tushib qolgan.

#sinchkov
@Akmaltosh Ochish/sharhlash

2022-01-24 08:53:30 Bizda majburiy vaksinatsiya AQSH da esa unga qarshi namoyishlar (Yevropada COVID cheklovlariga qarshi)

Doktor Per Kori Vashingtondagi namoyishda "Biz urushdamiz, uni farmasevtika gigantlari olib bormoqda".

Ayrimlar vaksinadan halok bo'lgan, ayrimlar vaksina bozori "kattalarni boyitishga qaratilganligi" uchun ko'chaga chiqishgan.

@Akmaltosh Ochish/sharhlash

2022-01-20 08:25:47 Qutqaruv jileti

Janob Sinchkovning ishxonasiga suzish kiyimlarini sotish bilan shug'illanuvchi Albert shoshilgancha kirib keldi.

- Sizdan iltimos qilaman, janob meni qutqaring!

- Nima bo'lganligini batafsil aytsangiz, yordam bera olardim.

- Kecha ertalab Simber ismli bir kishi mendan ikki kishilik qayiq va ikkita qutqaruv jiletini sotib oldi. Men barcha mahsulotni tekshirib, butunligiga amin bo'lgach sotdim. Mijoz tortishib ham o'tirmadi. Birdan hamma pulni berdi.

- Keyin nima bo'ldi?

- Keyin, bugun tushlikdan keyin kelib, meni dupposlab ketdi. Aytishicha, qayiq teshilib, u xotini bilan ko'lning o'rtasida qolib ketibdi. Jiletni kiysa, biri teshik chiqibdi. Men qasddan odam o'ldirishga uringanmishman.

- Keling, Simberga qo'ng'iroq qilib, nima bo'lganini aytib bersa, uni telefon raqami bormi?

- Ha, albatta, menga "vizitkasini" ham tashlab ketgandi.

Janob Sinchkov darhol Simberga qo'ng'iroq qilib, voqea haqida so'ray boshladi.

- Biz, xotinim bilan, bugun ertalab shahar chetidagi ko'lga borib,qayiqda suzdik.
Biz qirg'oqdan yetarlicha uzoqlashganimizda, qayiq tez cho'kishni boshladi. Unda ikkita teshik bor ekanligini bilib qoldik.
Keyin bir jiletni xotinimga, ikkinchisini esa o‘zimga olib kiydim.
Suvga sakradik, qarasam xotinim cho'kishni boshladi. Uning jileti yirtilgan ekan. Men zo'rg'a xotinimni qutqarib chiqdim. Suzishni bilardi, lekin hayajondan sal qosa cho'ka yozdi.
Shundan so'ng, to'g'ri sotuvchini oldiga borib uni adabini berdim. Bugun politsiyaga ham uni ustidan shikoyat yozib berdim.
Tez orada haqini oladi...

- Menimcha, janob Simber siz qattiq adashibsiz. Yaxshisi kim haqiqiy aybdor ekanligini aniqlang.

Savol. Bu holatda haqiqiy aybdor kim?

Izohlarni "Comments" da qoldiring.

Javob - nasib etsa ertaga e'lon qilinadi.

#sinchkov
@Akmaltosh Ochish/sharhlash

2022-01-19 08:28:09 Geografiya fanini o'qitish kerakmi?

Mening fikrimcha, o'qitish kerak lekin uning dars soatlari boshqa muhimroq (amaliy va zamonaviy) fanlardan oshib ketmasligi kerak.

Ko'plab ustozlar hamma joyga yozib fanning dolzarbligini, oylik ish haqini kamayib ketishini vaj qilib ko'rsatishmoqda.

Lekin jamiyatning umumiy foydasidan kelib chiqib, zamonaviy fanlarga ko'proq urg'u berish kerak.

@Akmaltosh Ochish/sharhlash