2022-07-16 00:58:51
Sarhisob :
Mana, 1,5 oy - 45 kun vaqt ham o'tibdi. Men uchun bu vaqt judayam tez o'tdi, SubhanAlloh.
Bugun Turkiyadagi so'nggi kechamiz, balki yana kelarmiz nasib bo'lsa...
Hozir shu postni yozar ekanman, to O'zbekistondan Turkiya samalyotiga chiqib, bu yerlarda yurgan kunlarimdan hozirgacha bo'lgan kunlar birma-bir kino tasmasidek o'tyapti...
Mana shu 45 kun, tushdek o'tdi, ketdi...
Bu vaqt ichida ancha xulosalar oldim, topganlarim bo'ldi, yo'qotganlarim bo'ldi...
Yaxshi taraflari: ancha dam oldim, Alhamdulillah, oxirgi paytlarda juda ham charchab ketkan edim, darslar bilan bo'lib. Miyyam ma'lumot qabul qilishi qiyinlashib qolgan edi. Dam olib, ancha yozildim, yana shu yerdan bir Qiyomatlik birodar bilan rizqlandim, Alhamdulillah. Yana orzuyimdan biriga erishdim ( Turkcha kitoblar xarid qildim ) Alhamdulillah
Eng katta yo'qotish esa, darslarim bo'ldi... Ammo Robbim mehribon, Turkiyaga kelganimizda domlamiz hajga ketib qoldilar va darslarimiz ham to'xtab turibdi biroz, bu degani darslardan qolib ketmadim degani, Alhamdulillah ^_^
Ammo takrorlashlarni qila olmadim...
Mana shu 1,5 oy dars qilmaganim uchun ( orada qildim ham ) huddi hayotida ma'nosi yo'q insonlardek xis qildim o'zimni katta narsa yo'qotgandek... Ammo bu vaqt ichida albatta Qur'ondan darslarim to'xtamadi, lekin arab tilim to'xtagani uchun ancha ajiyb hisni tuydim... Va angladimki, men uchun arab tili judayam muhim ekanligini. İn shaa Alloh boshqa bunday to'xtalish bo'lmaydi deya duo qildim Robbimga...
Endi Turkiya haqida yozadigan bo'lsam, juda ham chiroyli shahar, insonlar bir-biriga har so'zida duo ishlatadi, biror narsa xarid qilganida ham '' Alloh barokat bersin " deydi, naqadar ma'nosi keng so'z, olayotgan narsa hajmi kichik bo'lsa ham, Ammo Alloh barokatli qilib bersa, hajmi ko'p bóla turib, barokatsiz bo'lgan narsadan afzalroq... Yana shunga o'xshash har-xil duolar...
Menga eng yoqqan jihati : masjidlar bo'ldi
Har qadamda masjid va masjidlarning 2-qavati ayollar uchun)
O'zbekistonda ham ayollar uchun masjiddan joy ajratilsa yaxshi bo'lar ekan deb orzu qilib qo'ydim ^_^ )
Chunki ko'chaga chiqilganida, namoz vaqti bo'lib qolsa, hech qanday qiyinchiliksiz, masjidda tahorat olib, bemalol o'qisa bo'lar ekan bu yerda.
Shu tarafi eng ko'p yoqqani bo'ldi, Alhamdulillah.
Yana manzaralari go'zal, video, rasmlarga ham oldim ammo, telefon ko'zimizdek emas, ya'ni Alloh taolo bizni shunday mukammal, go'zal shaklda yaratkanki, telefon kamerasidan ko'ra, bizning ko'zlarimiz tiniqroq va chiroyliroq ko'ra oladi, Alhamdulillah. Telefon kamerasi men ko'rgan go'zalliklarni sizlarga to'liq yetkazib bera olmadi demoqchiman)
Turkiya - dengizi bilan mashhur albatta.
Musilmon inson har narsaga qaraganida Robbisining naqadar Musovvir Zot ekanligiga guvoh bo'ladi. Ana shu dengizlarga qarar ekanman, ko'p fikrladim, Allohning qudrati haqida, shuncha suvni yaratkani, uning ichidagi tuganmas jonzotlar,
dunyo go'zalliklarini ko'rib esa, shunday chiroyli manzaralarni yaratgan Alloh taolo, Robbimiz Jannatni qanday yaratgan ekan-a, ajiyb deya o'yga toldim... Har-xil shunga o'xshash xayollar...
Turkiyaga kelganimizning avvalgi kunlarida, ayniqsa 1 hafta ichida ona yurtimizni juda qattiq sog'indim, bilmadim nega, lekin uyga qaytgim kelaverdi, kelaverdi. Bu yerda sharoitlar uydagidan anchagina qulay, qolaversa, oilaviy kelganmiz, ota-onamni sog'inib uyga ketgim kelib sog'inish ham bo'lmaydi bunda, ammo uyimni sog'inaverdim... 15 kungacha shunday bo'ldi, keyin ko'nika boshladim...
Ammo baribir o'zimizni yurtdan qo'ymasin, o'zbeklar ichida yashash yaxshi ekan baribir)))
Ashnaqa gaplar ^_^
Aytgancha Shu bir hafta ichida internetga kirmasam kerak, qiladigan ishlarim ko'p chunki)
Sizlar bilan @Aishas_library kanali xodimasi ( adminkasi ) Бинту Муҳаммад Абдуҳ bo'ldi, e'tiboringiz uchun tashakkur
160 viewsБинту Муҳаммад Абдуҳ, 21:58
A
