Ahmadjahon | Adabiyoti

2022-11-12 19:57:22 Kechir Alloh (2)

Qon yuragim ming bir yamoq,
Oldim juda katta saboq.
Tavba qildim afsus chekib
O’zing meni kechir Alloh.

Botib ketdim dard-u g’amga,
O’xshab qoldim kas odamga,
Qo’l tegizdim nomahramga,
O’zing meni kechir Alloh.

Bo’ysunmadim izmingga ham,
Ozor berdim jismimga ham,
Loyiqmasman ismimga ham,
O’zing meni kechir Alloh.

Muhabbatim hazon bo’ldi,
Do’stim menga jazo bo’ldi,
Namozlarim qazo bo’ldi,
O’zing meni kechir Alloh.

Gunohim ko’p - xabarim yo’q,
Ishlarimni samari yo’q,
Ilmim bordir, amalim yo’q,
O’zing meni kechir Alloh.

Baz’an xirsni tiyolmasdan,
Zino qildim uyalmasdan.
Vijdonni tinch qo’yolmasman,
O’zing meni kechir Alloh.

Umidvorman sendan hamon,
Jannatingni qilma armon,
Pushaymonda Ahmad Jahon,
O’zing uni kechir Alloh.




@Ahmad_Jahon_adabiyoti Ochish/sharhlash

2022-09-20 08:07:16 Dada kecha kerak bo’ldingiz

Dada kecha kerak bo’ldingiz,
Sog’inganim aytmoqchi bo’ldim.
Dunyosidan bezgan o’g’lingiz
Siz tomonga ketmoqchi bo’ldi.

Dada juda kerak bo’ldingiz,
Savollarim yig’ilib qoldi.
Yig’lamiqchi edim bo’g’zimga,
Achchiq alam tiqilib qoldi.

Onam uyda yolg’iz edilar,
Chidolmadi Vijdon qiynadi.
Qarshingizga ketgim keldi ha,
Lek onamni ko’zim qiymadi.

Otalarni ulug’lar zamon,
Dadasi bor uy ham koshona.
Jim kuzatdim, yuragimda qon
U davralar menga begona.

Sinovlarda toblandik rosa,
Dalda bo’lib turmadingiz ham.
Endi sizni har esga olsam,
Termulaman suratingizga...

Ko’p ranjitdim onamni ba’zan,
So’kmadingiz, baqirmadingiz.
G’aflat bosib yotdim turmasdan,
Bomdodlarga chaqirmadingiz.

Umrim o’tar kunlarni sanab,
Uchrashaylik deyman Mahsharda.
Xech bo’lmasa u yoqda yana
Bir oila bo’lib yashardik.

Bu xayotni qahratonida
Yo’l topolmay yurgan karaxtman.
Kuzga yetmay saratonida
Bargi qovjiragan daraxtman.

Jaroxatlar yoqar ko’ksimni,
Ayrilganman sizdek do’stimdan.
Yashayapman goho o’ksinib,
Yetim degan tamg’a ostida.

Indamaslar olami tomon
Xat bormoqda arzandangizdan.
Dada, sizdan roziman siz ham
Rozi bo’ling farzandingizdan.



@Ahmad_Jahon_adabiyoti Ochish/sharhlash

2022-08-26 12:50:12 O’zimni ovutdim,
Tanamni sovutdim.
Tirik murdadek
Joyim tobutda.
Bariga ko’nikdim,
Shu holda kun o’tdi.
Unutganlarni
Men ham unutdim...!


@Ahmad_Jahon_com Ochish/sharhlash

2022-08-24 04:21:46 ...ONA...

Mehringiz issiqdur hatto olovdan,
Endi xayiqmayman dushmandan yovdan,
Shukur o‘tib oldik katta sinovdan,
Endi buyog‘iga yig‘lash yoq Ona!
O’tmishni g’am bilan eslash yo’q Ona... !


Yo‘limdagi to‘siq cho‘chita olmas,
Oyog‘imdan chalib yiqita olmas,
Taqdir zarbalari qo‘rqita olmas,
Og’riqdan yuragi vayronman Ona!
Xar bir vaziyatga tayyorman Ona!


Yaqinlarimni ham joniga tegdim,
Bazida do‘stlardan aziyat chekdim,
Qiyin kunlarimda taqdirni so‘kdim,
Lek xech kimdan yordam kutmadim Ona!
Pul topsam o‘zimdan ketmadim Ona!


Qo‘l cho‘zsam xech kimdan sado bo’lmadi,
Xamma tashlab qochdi xech kim qolmadi,
Lekin qarang Ahmad Jahon o‘lmadi,
Shu sabab qismatga qoyilman Ona!
Men shuning uchun ham shoirman Ona!




@Ahmad_Jahon_com Ochish/sharhlash

2022-08-24 04:21:42 Ochish/sharhlash

2022-08-23 20:25:13 U unutdi, men esa hamon
Termulaman eski rasmiga...
Ha, u ketdi o’zgasi tomon,
Men tutqunman armon qasriga!

@Ahmad_Jahon_com Ochish/sharhlash

2022-06-16 20:36:20 Hammang soxtasan…

Yaqinlarim tark etishga shay,
Rejalarim bir zum to’xtasa.
Qo’yishadi hatto eslamay,
Hammang soxtasan.

Boshda tursa omadim porlab,
Erkalatib tuzoqqa chorlar,
Xushomadgo’y, laganbardorlar
Hammang soxtasan.

Qadahingni qo’ldan qo’yma deb,
Davring keldi do’stim o’yna, - deb –
Niqob taqma ko’zim o’ynatib,
Hammang soxtasan.

Tilda maqtov, qo’lida xanjar,
Kulib turib ortdan tig’ sanchar,
Kuzataman hayron qolgancha,
Hammang soxtasan.

Sotqinlarga to’lgan har yonim,
Kana kabi simirar qonim,
Sevaman deb aldama jonim,
Hammang soxtasan.

Sinovli kun kelganda boshga,
Qochgan ular, yana men tosh qalb
Bilib oldim onamdan boshqa
Hammang soxtasan.

Ishonchimga kirib sotdilar,
Deyman: ,, Ahmad, buncha soddasan”!
Yuz o’girdim senga or tilab,
Hammang soxtasan.



@Ahmad_Jahon_com Ochish/sharhlash

2022-06-16 20:36:15 Ochish/sharhlash

2022-05-26 21:38:07 Noname (nomsiz) Yana tushkun kayfiyat, Yana o’sha bardaman. Sharob ichib qalbdagi G’uborimni artaman. Bugun xamdard kerakmas, Bugun menga may kerak. Charchab ketdi og’riqdan, Portlash uchun shay yurak. Qon oqar dil yaramdan, Mast bo’laman alamdan.… Ochish/sharhlash

2022-05-26 21:28:16 Noname (nomsiz)

Yana tushkun kayfiyat,
Yana o’sha bardaman.
Sharob ichib qalbdagi
G’uborimni artaman.

Bugun xamdard kerakmas,
Bugun menga may kerak.
Charchab ketdi og’riqdan,
Portlash uchun shay yurak.

Qon oqar dil yaramdan,
Mast bo’laman alamdan.
Qo’limdan kelganida
Voz kechardim tanamdan.

Yuragim tor - tosh emas,
Ortiqcha gap yoqmaydi.
Sir yashirdim she’rimda
Ochiqcha gap yoqmaydi.

Achinganim vaqt bo’ldi,
Yo’qotganim baxt bo’ldi.
Xumo qushdan darak yo’q,
Azob esa naqd bo’ldi.

Noxaqlikdan yuz burib
Xaqiqatni qo’lladim.
Balki shuning uchundir
To’dilgandi yo’llarim.

Najot kutdim kimdandir,
Zor bo’lib himoyaga.
Atrofga boqsam nuqul
Ko’zim tushdi soyamga.

Barchasi ortda qoldi,
O’tib borar asta yil.
Xatolardan dars olib
Charchamadi xasta dil.

Xayot tinmay sabrimni
Ayamasdan sinardi.
Ahvolimga achinib
Faqat Onam qiynaldi.

Sen dadangni sog’insang
Oshiqarding vasliga.
Men ko’rgim kelgan payti
Termulardim rasmiga.

Ishonchim sotilganda
Alamdan muzlaganman.
Yaqin insonlarimni
Mozordan izlaganman.

Arzandamasman yoki
Taqdirim erkatoyi.
Tasodiflar boshimni
Egardi yerga doim.

Yaqinlarim zerikib
Mendan nari qochgandi.
O’shanda shu yolg’izlik
Quchog’ini ochgandi.

Futsatimni ko’p kutdim,
Unutganni unutdim.
Do’st qidirib qorong’u
Zulmatni makon tutdim.

Manzilim olis edi,
Niyatim holis edi.
Maqsadim baxt yurtida
Bir umr qolish edi.

Baxtlilar qatoridan
Topolmadim o’rnimni.
Shukr, harom rizq bilan
To’ydirmadim qornimni.

Mehmon bo’ldi yolg’izlik
Zulmat bosgan qasrimga.
Ishonchsiz boqar edim
Ko’zgudagi aksimga.

Qismatim menga qarshi
Qilichini charxladi.
Vafodor deb bilganim -
Vafosini narxladi.

Baxt ta’min totganim yo’q,
Botqoqqa botganim yo’q.
Yarim yo’lda sotganni
Ortidan otganim yo’q.

O’tkinchi tuyg’ularga
Yuragimdan joy berdim.
Xomhayolga berilib,
Qancha vaqtni boy berdim.

Quyosh ufqqa botganda
Tinch qo’ymas xotiralar.
Balki mustahkam sabrim
Hali ko’p bor sinalar.

Baxt izlab dard topganman,
Soxtalarni chopganman.
Meni tark etganlarga
Eshigimni yopganman.

Safarga otlanaman
Borsa - kelmas yo’l tomon.
Satrlar dengiziga
Berkinar Ahmad Jahon...



@Ahmad_Jahon_com Ochish/sharhlash