Aytilmagan gaplar

2023-04-24 21:21:47 O'lyapman shekilli. Ochish/sharhlash

2023-04-17 23:30:15 * * *
Тунларим тонг бўлар сени ўйланиб,
Сени ўйлаб, менинг бўлар кеч куним.
Сенинг мендан бошқа ҳаммаларинг бор,
Менинг сендан бошқа йўқдир ҳеч кимим.

Дарвоқе, сеним ҳам йўқсан-ку менинг,
Сени ҳеч меники демаслар энди.
Юрак мавҳум бир бахт... Юракдан бошқа
Ҳеч биров меники эмаслар энди.

Оёқларим менга бош эгмас сира,
Оёқларим мени сенга судрайди.
Жудолик либосин устимга ўртиб
Руҳимда садоқат мудрайди.

Юракда сайрайди мажруҳ бир булбул
Беҳуда ахтариб қийғос ҳисларни.
Гулим... дилим... шу ҳам ҳаёт бўлдими,
Худо раҳмат қилган бўлсин бизларни.

Матназар АБДУЛҲАКИМ Ochish/sharhlash

2023-04-17 23:28:28 * * *

«Юрагим вайрона, кўзда ёш тахир,
Қутлуғ тасвирингдан холи қорачиқ.
Авваллари ҳатто қил ўтмас эди,
Энди ора очиқ... Энди ора очиқ...
Яхши қол! Ўсмоқда жудолик тоғи,
Дилингга дилимни яширдим.
Мен кетдим ўзимдан. Сени - ўзимга,
Ўзимни - Худога топширдим».

Матназар АБДУЛҲАКИМ

https://t.me/+tL3NXBchr6lhYTQ6 Ochish/sharhlash

2023-04-15 17:25:15 #parcha

Sendan tunlar tarzi qanday,
Bilmam,
Balki
Rangsiz tushlar og'ushida bo'lding qatl...
She'rlarimga quchoq ochib unda balki,
Kipriklaring quchoqlashib yig'lagandir...

Ahadjon Ismoilov Ochish/sharhlash

2023-04-13 13:57:42 Channel photo updated Ochish/sharhlash

2023-04-12 01:34:09 #sizga Ochish/sharhlash

2023-04-10 02:09:29 ... Ochish/sharhlash

2023-04-09 22:11:07 Ijodga jiddiy qaraganimdan beri hech qachon ikki oylik tanaffus bo'lmagandi. Shunchki emas deb qo'rqaman. Yo'q bu qo'rquvga ham o'xshamaydi, jin ursin!
Nahotki ko'nikdim... Ha, ha ko'nikdim! Maqtanish emas-ku qancha-qancha tirik, butun satrlar izlab keldi meni. Men yuz o'girdim. Qiynalmasdan, beparvolik bilan.
Eng yomoni hech narsani his qilmayapman. Balki bu eng yaxshisidir... Ochish/sharhlash

2023-04-09 22:03:43 Umringning eng shirin, eng umidbaxsh, eng suluv pallasida charchab qolsang-a... Ochish/sharhlash

2023-04-09 14:34:35 "Kel" deydi shunchaki uchta harf,
Uch nuqta...
To'rt taraf,
Bir manzil.
Mushtoqlik artibon shamshirin,
Hajrdin tin olsin dil tarzi.

"Kel" deydi sukutim hayqirib,
Sen uni tinglashni bilasan...
So'ng g'ussa yig'laydi ayqirib,
Boridan ayrilar ayriliq,
Kelasan...

Kelasan, ko'zingda bir sog'inch,
Rizolik, ham tana, ham ta'ma...
So'lim bog',
O'rindiq,
Bir kitob-
O'zidan norizo chegara...

G'alati...
Sog'inchli lahzalar,
Asrga do'nmoqqa qilgan ahd.
Shu taxlit yashayver umringni,
Qayerga shoshyapsan endi vaqt?

Bog'zimda sinadur xo'rsiniq,
Xorg'in bog' entikar sarosar...
Ketar chog' ortingga qayrilding...
Bunchalar go'zalsan arosat...

Ahadjon Ismoilov Ochish/sharhlash