ОИЛА ҲУҚУҚИ
УЙНИ СОТИШДА ХОТИНИНИНГ ҲАМ РУХСАТИ КЕРАКМИ?
Савол:
Эрим яшаб турган уйимизни сотмоқчи. Уй унинг номида бўлса-да мен эътироз билдиришга ҳақлиманми?
Сайёра Турсунова,
Наманган вилояти Мингбулоқ тумани
Жавоб:
- Ҳа. Ўзбекистон Республикасининг оила Кодексига кўра, эр ва хотин уларнинг биргаликдаги умумий мулки бўлган мол-мулкка эгалик қилиш, ундан фойдаланиш ва уни тасарруф этишда тенг ҳуқуқларга эгадир.
Эр (хотин) ўзининг номига расмийлаштирган умумий кўчмас мол-мулкни тасарруф этиш бўйича битим тузиши учун хотин (эр)нинг нотариал тартибда тасдиқланган розилигини олиши лозим. Кўрсатилган битимни тузишга нотариал тартибда тасдиқланган розилиги олинмаган эр ёки хотин мазкур битим амалга оширилганлигини билган ёки билиши лозим бўлган кундан бошлаб бир йил давомида бу битимни суд тартибида ҳақиқий эмас деб топишни талаб қилишга ҳақлидир.
@adolatkozgusi
