O'zbek She'riyati

2022-09-26 05:08:17 СЕНИ ЎЙЛАСАМ

Гул, келдинг умримнинг куз палласида,
Шамоллар гувлайди сени ўйласам.
Гулбўрон – илк қорлар арафасида
Юрагим гуллайди сени ўйласам.

Қайси феълим ёқиб меҳрибон худо
Сендай гулни менга айлади ато?
Энди хато қилсам бўлади хато,
Худойим қўллайди сени ўйласам.

Қайтмас бўлиб мендан кетган гулюзлар,
Ёнимга қайтишга ёниб йўл излар.
Олисдан кўз қисиб бир-бир юлдузлар,
Бўсалар йўллайди сени ўйласам.

Тилим – юрагимнинг давомидир, гул,
Юрагим икки юрт довонидир, гул,
Довонда бир гулнинг товонидир гул,
Ўлиб ҳам бўлмайди сени ўйласам.

Iqbol Mirzo

Kanalimiz
https://t.me/Adabiyot_onatilim Ochish/sharhlash

2022-09-25 12:56:42 #yaxshi_kayfiyat

Menga tekkandan beri,
Xotin shoʻrlik koʻrmas zeb.
Qulogʻimni yeb qoʻydi,
"Katta toshli uzuk", deb.

Yorim orzusi armon,
Men qandoq qurumsoq er.
Tushlarida hattoki,
"Katta toshli uzuk", der!

Va nihoyat, rahm etdim,
Ul koʻzlari suzukni.
Sovgʻa qildim bugun men.
Katta toshli uzukni.

Kanalimiz
https://t.me/Adabiyot_onatilim Ochish/sharhlash

2022-09-25 08:31:23 Мусофирдан қайтаман Она...


Kanalimiz
https://t.me/Adabiyot_onatilim Ochish/sharhlash

2022-09-20 05:32:10 Энди онам фақат мени кутади...

Сархил таомларга кучи йўқ энди,
Тандир кабобларга тиши йўқ энди,
Зиёфатлар билан иши йўқ энди,
Энди онам фақат мени кутади....


Онангизни куттирманг, ёлғизлатманг, тез-тез хабар олинг, дўстларим.

Kanalimiz
https://t.me/Adabiyot_onatilim Ochish/sharhlash

2022-09-19 19:03:16 СЕН КЕЛГУНЧА

Сен келгунча юрагимни ютиб тураман,
Кўзим юмиб кўзёшимни кутиб тураман.
Алдаб-сулдаб чалғитаман ўзимни ўзим,
Сен келгунча яшамайман, кутиб тураман.

Иқбол МИРЗО

Kanalimiz
https://t.me/Adabiyot_onatilim Ochish/sharhlash

2022-09-18 09:58:16 ДИЙДОРЛАШИБ ТУРИНГЛАР!

Борди-келди йўқолди,
Айтайми сабабини?
Харажат одамларнинг
Бериб қўйди адабини!

Телефонда гаплашамиз,
Баҳонамиз об-ҳаво.
Тўртта нон-у йўлкира,
Бўлиб қолган муаммо!

Энди бирорта уйнинг
Тандири, ўчоғи йўқ.
Ҳамма нарса автомат,
Ҳамма касал, соғи йўқ.

Меҳр кўзда, яқинларни
Кўзингиз-ла кўринглар.
Оқибат йўқолмасин,
Дийдорлашиб туринглар!


Kanalimiz
https://t.me/Adabiyot_onatilim Ochish/sharhlash

2022-09-18 09:47:07 Ишонма дедима,
Ишондинг, қўйдинг,
Қанчалар суйдинга, қанчалар суйдинг,
Куйдингми, энг баланд гулханда куйдинг,
Армонлар муборак энди юрагим!

Сўзларга бол суриб меҳмон этдилар,
Қумдан қаср қуриб инъом этдилар,
Адо бўларинга имкон этдилар,
Хижронлар муборак энди юрагим!

Аламмми жонингни тимдалаётган,
Самонми ҳуснингдан ранг олаётган,
Ичинга қамалиб жанг қилаётган,
Сиртлонлар муборак энди юрагим.

Тиканлар тутқазди гул тутаётган,
Унутилмас бўлиб унутаётган,
Карбало кўксингда сайр этаётган,
Сарсонлар муборак энди юрагим.

Боринг йўқлик билан талашаётган,
Кўнглинг сукунатла дардлашаётган.
Ёлғон чўлларида адашаётган,
Карвонлар муборак энди юрагим!

Малика Салимова


Kanalimiz
https://t.me/Adabiyot_onatilim Ochish/sharhlash

2022-09-14 04:45:10 Bir yor topsak edik...

Kanalimiz
https://t.me/Adabiyot_onatilim Ochish/sharhlash

2022-09-14 04:41:24 Инсон...

Муҳаммад Юсуф
Ферузабону

Kanalimiz
https://t.me/Adabiyot_onatilim Ochish/sharhlash

2022-09-14 04:34:21 Сарғайиб учган ҳар барг
Сизга ёзган мактубим.
Азизим, боққа чиқинг,
Мени ўқинг, маҳбубим!

Куз яратар дардларни -
Қолмади бағри бутун!
Хазон боғда - баргларни
Босолмай йиғлаш нечун?

Ёзиб бўзлаган билан
Адо бўлмас куз сўзим.
Хазоннинг бир барги - сиз,
Куз эса менинг ўзим...


Усмон Азим

Kanalimiz
https://t.me/Adabiyot_onatilim Ochish/sharhlash