آکادمی روان‌شناسی

2022-08-31 10:30:02 ТУШУНЧА

Бир боланинг оёқ кийими денгизда йўқолди. Бола қирғоққа "бу денгиз ўғри", деб ёзиб қўйди.
Унинг яқинида бир овчи кўп балиқ овлади. У қирғоққа "бу денгиз сахий", деб ёзиб қўйди.
Бир бола денгизда ғарқ бўлди. Унинг онаси "бу денгиз қотил", деб ёзиб қўйди.
Бир чол денгиздан кўп марварид тутди. У қирғоққа "бу денгиз жўмард", деб ёзиб қўйди.
Сўнгра бир баланд тўлқин келиб барча ёзувларни ювиб кетди. Ҳаёт эса давом этди.

Шунинг учун инсонлар гапирадиган ҳар қандай гапга эътибор бераверма. Инсонлар фақатгина тушунчасини гапиради холос.
Биродарлик давом этиши учун хатоларни ўчир.
Кишилар сенга ёмонлик қилишса уларга кучли қаршилик қилиш ҳақида ўйлама. Балки, гўзал раддия қилиш ёки умуман раддия қилмаслик ҳақида ўйла.
Инсонларга уларнинг ахлоқи билан эмас, ўз ахлоқинг билан муомала қил.
Ва ниҳоят, сендан кейин узоқ яшайдиган нарсанг сенинг ахлоқингдир.
Ўзига ишонган кишигина тавозули бўлади.
Ўзининг нуқсонини билган кишигина мутакаббир бўлади.
Дунёдан истаганингни ол. Аммо унга қандай келган бўлсанг шундай кетасан.
Ҳамма нарсанинг ичида гўзал нарса эккин. Гарчи у муҳаббат бўлмасада ҳеч йўқса эҳтиром бўлсин.
Неъматлар ичида ғарқ бўлиб муҳтожларни унутиб қўйма.
Садақа қил. Кафаннинг чўнтаги йўқ.
Қаерда бўлсангиз ҳам Аллоҳ сизни саодатли қилсин!

https://t.me/academy_of_psychology Ochish/sharhlash

2022-08-30 22:02:29 #Тафаккур

Сочини хидлаб суюлмаган, ўпилмаган, қўпол муомала қилинган, етарлича муҳаббат берилмаган, севилмаган,
гаплашилмаган, юрагига қўл солинмаган, етарлича шуғулланмай ўз ҳолига ташлаб қўйилган, ота-онаси бирга ўйнамаган, кўп калтак еган болалар хозирги замон келажаги учун тахликадир.

Чунки севгисизлик шавқатсизликни, бераҳмликни уруғидир.

Агар болаларингизни порлоқ келажаги, ёрқин ҳаёти, юмшоқ қалби бўлишини хоҳласангиз-севинг, сочларини хидланг, бирга ўйнанг,бирга мутоала қилинг ва кўпроқ бирга вақт ўтказинг...


https://t.me/academy_of_psychology Ochish/sharhlash

2022-08-30 10:19:28 Фарзанд тарбияси
Болам сочиқни олиб кел, эмас,
Болам қўлимни артмоқчиман, денг.

Дарсингни қил, эмас,
Ақлли, тиришқоқ бўлишингни истайман, денг.

Китоб ўқи, эмас,
Дунёқарашинг кенг бўлишини истайман болам, денг.

Овқатингни егин, эмас,
Соғлом бўлишингни истайман, денг.

Болажонларимизга буйруқ тарзида муносабатда бўлсак, у фақат буйруқ бажарадиган, кейинги буйруқ берилишини кутадиган шахсга айланади. У эркин, ўзи фикрлайдиган ва ўз ишини билиб қилишини истасак, унга бўлган муносабатимизни ўзгартиришимиз зарур!

Бетарбия бола бўлмайди, у шунчаки тарбияни бетарбиядан олади. Болани тарбия қилишдан аввал ўзимиз тарбия кўрган бўлишимиз заруp.

https://t.me/academy_of_psychology Ochish/sharhlash

2022-08-28 18:57:05 ҚИЗ БОЛАНИ ҲЕЧ ҚАЧОН УРМАНГ!

Уйингизда малика бўлсин,
Майли, қаср-саройлар қурманг.
Кўнглидаги ярим ой тўлсин,
Қиз болани ҳеч қачон урманг!

Тонг отмасдан уйғонса саҳар,
Сўрамаса сиздан бир шаҳар,
Бахтли бўлсин десангиз агар,
Қиз болани ҳеч қачон урманг!

Кўзларида порласин қуёш,
Дудоқлари жим қотмасин тош,
Ахир, қизлар бўлмайди бебош,
Қиз болани ҳеч қачон урманг!

Яраштириб рўмол ўрайди,
Сизга Ҳақдан Жаннат сўрайди,
Қиз болани уриб бўлмайди,
Қиз болани ҳеч қачон урманг!

Қиз меҳрибон, куйинчак бўлар,
Бир кун келиб келинчак бўлар,
Кўтарилсин дуога қўллар,
Қиз болани ҳеч қачон урманг!

Сизни сийлаб қиз берган Худо,
Ҳаққингизга қилади дуо,
Ёлвориб бир сўради Зуҳро,
Қиз болани ҳеч қачон урманг!

Хато қилса, тушунар айтинг,
Аразласа, жим қараб турманг.
Худо ҳаққи, бу йўлдан қайтинг,
Қиз болани ҳеч қачон урманг!

https://t.me/academy_of_psychology Ochish/sharhlash

2022-08-27 20:14:29 Ҳар бир бола эшитиши лозим бўлган иборалар!!!

Баъзида биз фарзандларимизга “баракалла” деган сўздан бошқа сўзни айтмаймиз. Фарзандларимизни қанчалик яхши кўришимизни қай тарзда ифодалашни билмаймиз. Аслида эса уларга бу ҳақда гапириш жудаям муҳим. Ота-оналарнинг сўзлари худди сеҳрли тумор каби фарзанд қалбида бир умр сақланади ва уларни бутун ҳаётлари давомида ҳимоя қилади, илҳом бағишлайди. Болалар психологларининг фикрига кўра айтиш муҳим бўлган ибораларни эътиборингизга ҳавола этади.

Сени яхши кўраман. Сен билан фахрланаман.

Сенинг борлигингдан хурсандман.

Сенинг даданг/ойинг бўлиш менга жудаям ёқади.

Сен менга жудаям кераксан.      Сенга ишонаман.

Сен менинг бойлигимсан.          Сен менинг бахтимсан.

Сени бахтли кўрсам, мен ҳам бахтли бўламан.

Мен ҳеч қачон сени яхши кўришдан чарчамайман.

Сени тушунаман. Сени кечираман.

Менга сенинг фикринг муҳим. 

“Йўқ” дейишинг мумкин. “Ҳа” дейишинг мумкин.   

Ҳамма ҳам хато қилади.  Ҳа, мен ҳам.

Эшитаман, гапиравер.

Сен ўшанда мутлақо ҳақ эдинг.

Майли, сен айтганча бўлақолсин.

Сени тушундим. Фикрингга қўшиламан.

Гапларингга ишонаман.

Сен менга яхши ёрдам беряпсан.

Сен ажойиб боласан. Сен бунга лойиқсан.

Чизган суратинг / ҳикоянг/ қўшиғинг зўр чиқди.

Зўр савол бўлди!

Сен яхши боласан/қизсан. Сен чиройлисан.

Мен сенга ишонаман.

Каналимизга уланинг
https://t.me/academy_of_psychology Ochish/sharhlash

2022-08-27 04:52:57 Ассалому алейкум! Шанба тонги муборак

  Кунимиз файзу барокатларга бой булсин

  Аллохни хифзу химоясида булинг

Хамиша хаммамизнинг  оиламиз тинч, хотиржам,калбларимиз кувончга тула булсин. Фарзандларимиз иймонли,аклли, мехрибон,буюк инсонлар булишсин Ochish/sharhlash

2022-08-27 04:50:44 Qanday qilib farzandimni jinsiy zo’ravonlikdan saqlay?
Afsuski, juda ko’p bolalar zo’ravonlikka uchragani haqida hech kimga gapirishmaydi.

Bunday hodisani oldini olish uchun eng asosiy maslahatlar:

1. Farzandingizga yoshligidan o’ziga yoqmagan narsa haqida gapirishga ruxsat bering. Yo’q degani uchun sizdan kaltak yegan bola, boshqa kattaroq va kuchliroq odamga ham qarshilik qilolmaydi.
2. Shaxsiy hudud, chegara tushunchasink bolada shakllantiring va uni o’zingiz ham hurmat qiling
3. Bolaga shaxsiy gigienani mustaqil qilishga o’rgatib boring. Hojatda, hammomda ekanida to’satdan kirib bormang. Ichki kiyimni faqat ona ushlashi mumkin
4. Bolaga havfsizlik yarating, xilvatda qolmasin, yurmasin.
5. Bolani saqlayman deb uni qo’rqitmang, doimiy qo’rquvlaringiz haqida unga gapirib yurmang. Kichkina bola bu qo’rquvlar haqida bilishi shart emas

Siz yana nimani qo’shgan bo’lardingiz?

https://t.me/academy_of_psychology Ochish/sharhlash

2022-08-26 07:56:20 КАМСИТМАНГ!

«Миянг борми?», «Ҳе, аҳмоқ!» Булар ота-оналарга таниш сўзлар... Энди эса ўзингизнинг болалик онларингизни хотирланг. Сизда бу сўзлар қандай ҳис уйғотарди? Бола ўзини камситилган ҳис қилади ва бора-бора ўз кучига ишончи йўқолаверади.

ҚЎРҚИТМАНГ!

Бола «Яна укангни урсанг, қўлингни синдираман!» каби пўписалар билан қўрқитилса, унда ота-онага нисбатан нафрат ва қўрқинч уйғонади. Қолаверса, тарбиянинг қўрқитиш услуби бола хулқини яхшиламайди.

ВАЪДА ТАЛАБ ҚИЛМАНГ!

Айтайлик, бола бирор шўхлик қилди. Ота ёки она эса «Яна шундай қиласанми?!» деганча боланинг бошида қаҳр қиличини яланғочлайди. Ярим соатдан кейин эса худди ўша шўхлигини такрорлайди. Она эса боладан хафа бўлади. Бола учун сўз бериш ҳеч нимани англатмайди. Чунки у кеча ёки эртани ўйлаб эмас, ҳозирги кун билан яшайди. Агар фарзандингиз юмшоқ кўнгилли бўлса, унда айбдорлик ҳисси туғила бошлайди. Ортиқча таъсирчанликка берилмайдиган бола эса гап бошқа, амал бошқа қабилида иш тутишни ўрганади.

ОРТИҚЧА ҒАМХЎРЛИК ҚИЛМАНГ!

Ортиқча ғамхўрлик болада «Мен ҳеч нарса қила олмайман» деган ҳисни ривожлантиради. Ўзингизга қоида қилиб олинг: «Боланинг қўлидан келган ишни ҳеч қачон ўзингиз қилманг». Кўпгина ота-оналар «Болам буни қила олмайди», деган фикрда барча ишни ўз елкаларига ортиб олишади. Ишонинг, фарзандингизнинг қўлидан ҳам кўп иш келади, фақат сабр билан ўргатишни унутмасангиз, бас.

БУЙРУҒИНГИЗ ЗУДЛИК БИЛАН АМАЛГА ОШИРИЛИШИНИ ТАЛАБ ҚИЛМАНГ!

Эрингиз «Зудлик билан барча ишингни ташлаб, оёқ кийимимни тозалаб бер», дейишини тасаввур қилинг. Бу сизга ёқмаганидек, болага ҳам ёқмаслиги табиий. Бирор иш буюрганингизда, уни аввалроқ огоҳлантиринг: «10 дақиқадан кейин дастурхонни йиғиб, идишларни ювиб қўй». Бола қўғирчоқ эмас, кўр-кўрона буйсуна олмайди. Акс ҳолда у ўз фикрига эга мустақил шахс сифатида улғайишини кутмасангиз ҳам бўлади.

ҲАММА НАРСАГА РУХСАТ БЕРАВЕРМАНГ!

Боланинг ҳар бир хархашасига қулоқ солиб, айтганини қилавериш натижасида у худбин бўлиб улғаяди. Бу эса унинг катта ҳаётга мослашишига ҳалал беради
https://t.me/academy_of_psychology Ochish/sharhlash

2022-08-25 16:24:05 Психомотивация

Бемаъни ишдан кетинг!
Эски нарсаларни ташқарига ташланг.
Чуқур нафас олинг.
Ҳеч ким сиз учун қарор қабул қилмасин.
Нолийдиганлар ва мияни қотирадиганларни даф қилинг.
Озиқ-овқат, мусиқа, янги нарсаларни татиб кўринг.
Қўрқманг.
Фақатгина ичингизда эмас, балки ҳамма жойда куйланг.
Дўстларингиз билан тез-тез суҳбатлашинг.
Севги учун курашинг, "камситилманг", балки ҳурмат билан муносабатлар учун жанг қилинг.
Ва ниҳоят жавоб қайтаринг.
Купрок китоб мутолаа килинг.
Баъзан ҳеч қандай сабабсиз ҳандон отиб кулинг.
Ўзингиз учун ёрдамчи ва суянчиқ бўлинг.
ЎЗИНГИЗНИ ЯХШИ КЎРИНГ!

https://t.me/academy_of_psychology Ochish/sharhlash

2022-08-25 16:23:40 Ochish/sharhlash