Abu Hanifa | Ishonchli yuridik xizmat

2023-03-30 08:29:55 YANGI QONUN

Tibbiyot xodimi faoliyatiga toʼsqinlik qilganlik uchun maʼmuriy javobgarlik belgilandi

Prezident tomonidan imzolangan OʼRQ–827-son qonun bilan Maʼmuriy javobgarlik toʼgʼrisidagi kodeksga qoʼshimcha kiritildi.

Kiritilgan qoʼshimchaga koʼra, tibbiyot xodimining qonuniy tibbiy faoliyatiga toʼsqinlik qilish yoki shu maqsadda tibbiyot xodimiga qonunga xilof ravishda har qanday shaklda taʼsir oʼtkazish: 

fuqarolarga BHMning 5 baravaridan 7 baravarigacha

mansabdor shaxslarga esa 7 baravaridan 10 baravarigacha jarima solishga yoki 15 sutkagacha muddatga maʼmuriy qamoqqa olishga sabab boʼladi.

Ushbu Qonun rasmiy eʼlon qilingan kundan eʼtiboran kuchga kiradi.

@abuhanifalaw Ochish/sharhlash

2023-03-23 14:38:58 Endi maʼmuriy jarimalar 15 kun ichida toʼlansa, 50 foiz chegirma qoʼllaniladi. Ochish/sharhlash

2023-03-23 13:50:48 Bolaga bogʼcha pulini kimlar toʼlamasligi mumkin?

Mazkur masala "Maktabgacha taʼlim muassasalari va maktab-internatlardagi bolalar taʼminotiga haq toʼlash tartibi toʼgʼrisidagi nizom"ga asosan tartibga solinadi. Nizomga koʼra, bogʼchada bolalar umumiy sonining 15 foizi (bogʼchada 100 nafar bola boʼlsa shulardan 15 nafari ozod qilinishi mumkin) doirasida kam taʼminlangan oilalar farzandlari toʼlovdan ozod qilinadi.

Bogʼcha toʼlovidan birinchi navbatda qanday oilalar farzandlari ozod qilinishi kerak?

Toʼlovdan birinchi navbatda ota-onalaridan biri yoki ikkalasi I yoxud II guruh nogironligi boʼlgan kam taʼminlangan oila farzandlariga, shuningdek oʼrtacha oylik jami daromadi eng past darajada boʼlgan kam taʼminlangan oila farzandlariga imtiyoz beriladi.

Oʼsha 15 foizlik roʼyxatni kim tuzadi?

Toʼlovdan ozod qilinadigan kam taʼminlangan oila farzandlari roʼyxati mahalla tomonidan berilgan oilaning mulkiy ahvoli toʼgʼrisida maʼlumotnomaga va tegishli bogʼcha ota-onalar qoʼmitasining xulosasiga asosan aniqlanadi va shakllantiriladi.

Bu roʼyxat qachon tuziladi?

Toʼlovdan ozod qilinadigan kam taʼminlangan oila farzandlari roʼyxati har oʼquv yilining 25 sentyabrь kuniga qadar tasdiqlanadi.

Roʼyxatga kirmay qolganlar nima boʼladi?

Roʼyxatga kirmay qolgan, shuningdek yil davomida aniqlangan kam taʼminlangan oilalar farzandlari hisobidan zaxira shakllantiriladi xamda toʼlovdan ozod qilingan bolalarning bogʼchaga qatnashi toʼxtatilishi natijasida boʼshab qolgan oʼrinlar mazkur zahiradan toʼldirib boriladi.

@abuhanifalaw Ochish/sharhlash

2023-03-21 08:07:58 Aliment toʻlovi boʻyicha chet elga chiqishi taqiqi qanday bekor qilinadi?

Davlat ijrochisi qarori asosida aliment to‘lovchilarning xorijga chiqishi vaqtincha cheklanishi mumkin.

Alimentlar oldindan to‘langan yoki bu bo‘yicha garov shartnomasi tuzilgan bo‘lsa xorijga chiqishga oid cheklov olib tashlanadi.

Alimentlarni oldindan to‘lash 5 yildan kam bo‘lmagan muddatga amalga oshirilishi kerak.

Bolalar voyaga yetgunigacha bo‘lgan davr 5 yildan kam bo‘lsa, alimentlarni oldindan to‘lash qolgan davr uchun amalga oshiriladi.

Alimentni to‘lashni garov bilan taʼminlash uchun ariza sudga taqdim qilinadi.

Garov qiymati BHMning 250 baravaridan kam bo‘lmasligi lozim.

Har qanday mol-mulk (avtomobil, do‘kon, uy-joy, kvartira) garov bo‘lishi mumkin.

@abuhanifalaw Ochish/sharhlash

2023-03-12 08:06:14 ALIMENT TOʻLAMASA QANDAY JAVOBGARLIK BOR?


1. Fuqarolik (bunda qoʻshimcha penya toʻlanadi);

2. Ma’muriy (15 sutka qamoq);

3. Jinoiy (1 yilgacha ozodlikdan mahrum qilish);

Sudning hal qiluv qaroriga koʼra aliment toʼlashi shart boʼlgan shaxsning aybi bilan qarz vujudga kelgan boʼlsa, aybdor shaxs kechiktirilgan har bir kun uchun toʼlanmay qolgan aliment summasining oʼndan bir foizi miqdorida aliment oluvchiga neustoyka toʼlaydi.

Ma’muriy javobgarlik toʻgʻrisidagi kodeksning 47-4-moddasiga koʻra alimentni ikki oydan ortiq muddat mobaynida to‘lamaslik, — o‘n besh sutka muddatga ma’muriy qamoqqa olishga yoki ushbu Kodeksga muvofiq ma’muriy qamoq qo‘llanilishi mumkin bo‘lmagan shaxslarga bazaviy hisoblash miqdorining yigirma baravari miqdorida jarima solishga sabab bo‘ladi.

Jinoyat kodeksining 122-moddasiga koʻra alimentni ikki oydan ortiq muddat mobaynida to‘lamaslik, shunday qilmish uchun ma’muriy jazo qo‘llanilganidan keyin sodir etilgan bo‘lsa, — ikki yilgacha axloq tuzatish ishlari yoki bir yilgacha ozodlikdan mahrum qilish bilan jazolanadi.

@abuhanifalaw Ochish/sharhlash

2023-03-11 10:19:12 Prezidentni internetda soʻksa nima boʻladi?

Jinoiy javobgarlikka tortilib, 5 yilgacha ozodlikda mahrum qilinish bilan jazolanadi.

Jinoyat kodeksining 158-moddasi 3-bandiga koʻra O‘zbekiston Respublikasi Prezidentini omma oldida haqoratlash yoki unga tuhmat qilish, shuningdek, matbuot yoki boshqa ommaviy axborot vositalaridan, telekommunikatsiya tarmoqlaridan yoki Internet butunjahon axborot tarmog‘idan foydalangan holda uni haqoratlash yoki unga tuhmat qilish —

uch yilgacha axloq tuzatish ishlari yoki ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

@abuhanifalaw Ochish/sharhlash

2023-03-10 22:03:45 Intizomiy jazo qoʻllansa oylik, ustamalar berilmaydimi?

Beriladi!

Mehnat kodeksning 180-moddasiga binoan intizomiy jazo amal qilib turgan muddat mobaynida (183-modda) xodimga nisbatan ragʼbatlantirish choralari qoʼllanilmaydi.

Eʼtibor bering! Ish haqi, mukofotlar, qoʼshimcha toʼlovlar, ustamalar va mehnat haqi tizimida nazarda tutilgan boshqa toʼlovlar ragʼbatlantirish turlariga kirmaydi.

Demak, ish haqi, mukofotlar, qoʻshimcha toʻlovlar, ustamalar va mehnat haqi tizimida nazarda tutilgan boshqa toʻlovlar intizomiy jazo qoʻllanganda ham xodimga toʻliq toʻlab beriladi.

@abuhanifalaw Ochish/sharhlash

2023-03-10 10:28:17 Berilgan porani qaytarib olsa boʻladimi?

O‘zbekiston Respublikasi Oliy sudi Plenumining 2017-yil 11-oktyabrdagi 35-son Qarorining 23-bandiga ko’ra pul va boshqa qimmatliklar ular egasining tashabbusi bilan, bila turib, pora predmeti sifatida berilgan hollarda ular o’z egasiga qaytarilmaydi.

@abuhanifalaw Ochish/sharhlash

2023-03-05 11:12:03 Mualliflik huquqi subyektlari – bu ma’lum bir mualliflik huquqlariga ega shaxslar doirasi.
Ularga muallif yoki uning merosxo‘rlari, shuningdek shartnomada yoki qonun hujjatlarida nazarda tutilgan boshqa asos bo‘yicha asarlardan foydalanish huquqini olgan boshqa yuridik yoki jismoniy shaxslar kiradi.

@prolegalslaw - ishonchli hamkor! Ochish/sharhlash

2023-03-01 13:47:24 Yangi mehnat kodeksi asosidagi Jamoa shartnomasining namunaviy maketi 4.15-bandiga ko’ra, xodimlarga Oʼzbekiston Respublikasi Mehnat kodeksining 205-moddasida nazarda tutilgan tanaffuslardan tashqari ish kuni (smena) davomida ish vaqtiga kiritiladigan tahorat olish uchun, namoz o’qish uchun qoʼshimcha tanaffuslar nazarda tutilgan

Shuningdek, Namunaviy maketning 4.28-bandiga ko’ra, Oʼzbekiston Respublikasi Mehnat kodeksining 229-moddasida nazarda tutilgan xodimlar toifalariga qoʼshimcha ravishda xodimlar Haj yoki Umra safari munosabati bilan har yilgi mehnat taʼtilini boshqa muddatga koʼchirish huquqiga ega bo’lishi mumkin.

@abuhanifalaw Ochish/sharhlash