ЧУМЧУҚЛАРНИ ЎЛДИРИШНИНГ ОҚИБАТЛАРИ 1958 йилда Хитой раҳбар | Abu Bakr Siddiq jome masjidi (rasmiy kanal)

ЧУМЧУҚЛАРНИ ЎЛДИРИШНИНГ ОҚИБАТЛАРИ

1958 йилда Хитой раҳбари ҳосилларни еб, қишлоқ хўжалик маҳсулотларининг камайишига сабаб бўляпти, деган важ билан чумчуқларни ўлдиришга буйруқ берганидан сўнг, деҳқонлар ўн минглаб чумчуқларни ўлдира бошладилар.
Ким қанча кўп чумчуқ ўлдирган шунча кўп мукофот олар, ҳатто уларга миллий қаҳрамонга қилингандек муомала қилинар эди.
Бунинг натижасида барча далаларни чигирткалар босиб кетиб, ҳосилларни еб, хонавайрон қилди.
Оқибатда, 1958-1961 йилларда Хитойда "Буюк очлик" юз берди ва бунинг оқибатида 15 млн.дан ортиқ киши ҳалок бўлди. Сўнгги маълумотларга кўра очликдан ҳалок бўлганларнинг сони 40 млн.дан ошгани айтилган.
Келгуси йилда Хитой давлати Россия ва Канададан қушларни сотиб ола бошлаган ва 1962 йил Хитойда "Қушларни асраш йили", деб эълон қилинган.
Манба: ekologuz

Ҳа, Ризқим кўпайсин деб бир махлуқнинг ризқига тўғаноқ бўлмаслик керак!
Раззоқ бўлган Аллоҳ таоло шундай марҳамат қилади:
"Ўрмалаган нарса борки, барчасининг ризқи Аллоҳнинг зиммасидадир". "Ҳуд" сураси, 6-оят.

Нурали домла МАВЛАНОВ
"Абу Бакр Сиддиқ" жомеси имом-хатиби


Каналга обуна бўлиш учун
Telegram | Instagram | YouTube