𝐀𝐛𝐫𝐨𝐫 𝐌𝐮𝐱𝐭𝐨𝐫 𝐀𝐥𝐢𝐲

2023-03-17 22:53:25 • Бекорга келмадик, дунёга!
• Ҳавасдан муҳимроқ сабаб бор.
• Бардам бўл, эргашма рўёга,
• Барига ҳисоб бор, китоб бор!

Маҳбубий Ochish/sharhlash

2023-03-17 21:40:32 Айримлар фақирликдан қўрқиб ҳаром есалар, баъзилар ҳаромдан қўрқиб машаққат тановул қиладилар.

@MubashshirAhmad Ochish/sharhlash

2023-03-16 21:57:58 • Амр ибн Ос розияллоҳу анҳунинг Тоифда жуда сермаҳсул боғи бор еди.
• Ундан катта миқдорда фойда оларди.
• Бир куни Муовия розияллоҳу анҳу Амр ибн Осни чақириб:
- Эй Амр! Сенга бир илтимос айтсам қиласанми?!- деди.
- Албатта қиламан, фақат ундан кейин менинг ҳам бир илтимосим бор, сиз ҳам уни бажарсангиз бўлди-, деди қувлик билан Амр розияллоҳу анҳу.
- Ҳўп-, деди Муовия ва ўзининг илтимосини айтди:
- Эй Амр! Тоифдаги боғингни менга бер!
- Майли, сизга бердим-, деди Амр.
• Муовия розияллоҳу анҳунинг кўзлари яшнаб кетди ва:
- Аллоҳ таоло ажрингни берсин, жуда хурсанд қилдинг. Энди ўзингни илтимосингни айт!- деди.
- Эй Муовия, боғимни ўзимга қайтаринг!- деди Амр кулимсираб.

Таржимон Аброр Мухтор Алий Ochish/sharhlash

2023-03-14 23:22:11 ДАМ ДЕМА

Дам бу дамдир, ўзга дамни дам дема,
Шукр қил, дунё ғамини ғам дема.
Куймаса жону дилинг, ҳам устихон,
Кўз ёшинг оққан билан сен нам дема!

Хоҳ кулса, йиғласа ошиқ эли,
Чеҳраи сурхин кўруб, беғам дема.
Асли наслинг қатраи оби маний,
Хасни кўрсанг сен, ўзингдин кам дема.

Одамида зарра маъни бўлмаса,
Сен ани сурат кўриб, одам дема.
Гар юракда бўлмаса юз доғи дард,
Зинҳор қочқил, ани ҳамдам дема.

Дўстлар девона эрмас ҳар киши,
Иззу жоҳни кечмаса Адҳам дема!
Аҳмадо, тутғил ғанимат ҳар нафас,
Ёрсиз ўтган неча дамни дам дема!

Қул Ҳожа Аҳмад Яссавий роҳимаҳуллоҳ Ochish/sharhlash

2023-03-14 22:58:16 • Қўлингдан келганини қил, келмаганини Аллоҳга ҳавола эт!
• Унутма! Қалби покиза инсон ҳар доим ютади.

Маҳбубий Ochish/sharhlash

2023-03-14 22:56:31 ТАВСИЯ

• Илк қиладиган ишинг қалбингни ширкдан, куфрдан, нифоқдан, ҳасаддан, адоватдан пок тутмоқдир.
• Шунда Аллоҳ таоло сенга:
- ўйламаган ерингдан нур ато қилади;
- кутмаган тарафингдан одамлар сени яхши кўриб қолади:
- режа қилмасингдан истаган мақсадларинг амалга ошаверади.
- заиф бўлсанг ҳам нусрат келаверади...
• Унутма!
• Покиза қалб хатосиз қалб, дегани эмас, балки хатони ўзида сақлаб юрмайдиган қалбдир.

Маҳбубий

Manba: Mahbubiy_Adabiyot Ochish/sharhlash

2023-03-12 12:44:47 • Мақсадларни амалга ошириш сизнинг қўлингизда эмас, сизнинг вазифангиз мақсадни илгари суриш, натижа Аллоҳдан!

Др. Аброр Мухтор Алий Ochish/sharhlash

2023-03-11 13:18:01 Тоғ бўлсанг қор ёғар устинга,
Гул бўлсанг баданингда тикон.
Кучингга яраша юк тушар,
Иймонга яраша имтиҳон!

Маҳбубий Ochish/sharhlash

2023-03-11 13:13:04 • Аллоҳ таоло бир нафсга ўзи кўтара олмайдиган юкни юкламайди!

Др. Аброр Мухтор Алий Ochish/sharhlash

2023-03-11 13:02:54 • Биринчи зарбада ғазабингни ютсанг, қиёмат куни Аллоҳ таоло сенинг қалбингга хотиржамликни тўлдиради!

Др. Аброр Мухтор Алий Ochish/sharhlash