#МАДИНАМ
(Нажиб Фозилдан ўзлаштирма)
Руҳимни эритган Зот, ишқ қолпига тўлдирмиш,
Уни Мадина, дея бахт ерига қўндирмиш.
Ичимда ажиб бир ҳис, иймон, ишқ, ихлос, илм.
У менинг замон-макон ошиб келган севгилим.
Мадинам менинг жоним, севгилимдир севгилим.
Мадинам, Мадинам...
Она каби ёр бўлмас, Мадина каби диёр.
Кулганини айтмайин, йиғлагани бахтиёр.
Ҳабибим ётар сокин, иймон дафиналикдир.
Ой ва қуёш азалдан, икки Мадиналикдир.
Рижоллар учун қўноқ,
Тоза қон каби қайноқ.
Мадинам, Мадинам...
Абу Бакр эр йигит, сафнинг бошида турар,
Оҳ, уммат ташвишида, қорни тўймаган Умар...
Усмон! Ҳаёли Усмон - жиққа ёшдир кўзлари.
Ҳар қадамда сезилар, ҳақ Алийнинг излари.
Бир вақтлар эди Ясриб,
Мунаввар этди Ҳабиб...
Мадинам, Мадинам...
Уҳуд анча кексайган, боқар кўзлари ғамза,
Шундоқ остонасида, ётибди шаҳид Ҳамза.
Шаҳодат бармоғи бу, кўк бўйлаган минора,
Бақеъда ажиб маъно: - Ўлажакмиз, начора!
Соф иймонни изласанг,
Мадинани кўзла сан!
Мадинам, Мадинам...
Тарихнинг кўзлари бор, мозийдан қарар тиниқ,
Билол дўстим йўқотгач, кўзим нам, қалбим синиқ.
Иймонла тотли ўлим,
Кенгдир раҳмат азобдан.
Рисолат кемасига,
Чиқ, қутил изтиробдан!...
Тунлари қадр тимсол,
Кимсаси Хизр мисол,
Мадинам, Мадинам...
Аброр Мухтор Алий
Telegram Instagram
Youtube Tik Tok
Facebook Umma life
Постни яқинларингизга ҳам улашинг!
Каналга аъзо бўлиш учун
манзил
https://t.me/AbrorMuxtorAliy
