#Bayonot 5 йиллик иш стажига эга хотин-қизлар ҳам барча қатор | Abituriyentlar 🇺🇿 UZ

#Bayonot

5 йиллик иш стажига эга хотин-қизлар ҳам барча қатори имтиҳон топширади, фақат қўшимча имтиёздан фойдаланиши мумкин

Шу кунларда ижтимоий тармоқларда 5 йил иш тажрибасига эга бўлган аёллар олий ўқув юртларига имтиҳонсиз қабул қилиниши ҳақида асоссиз хабарлар тарқалмоқда. Ушбу нотўғри талқин қилинаётган хабарлар юзасидан Олий таълим, фан ва инновациялар вазирлиги қуйидагиларни маълум қилади.

Камида 5 йил иш стажига эга бўлган хотин-қизларни олий таълим муассасаларига имтиҳонларсиз ўқишга қабул қилиш бўйича тартиб мавжуд эмас.

Вазирлар Маҳкамасининг 2022-йил 9-июндаги 322-сон қарорига мувофиқ мутахассислиги бўйича камида беш йил меҳнат стажига эга бўлган хотин-қизларни давлат олий таълим муассасаларига ўқишга қабул қилиш тартиби тасдиқланган.

Мазкур тартиб 2022/2023-ўқув йилидан бошлаб амалиётга жорий этилган бўлиб, ушбу тоифадаги хотин-қизларга жами алоҳида 500 та базавий тўлов-контракт асосидаги қўшимча қабул параметрлари олий таълим муассасалари кесимида ажратилди.

Ушбу тоифадаги хотин-қизлар ажратилган қабул параметрларига танловларда иштирок этишлари учун дастлаб Оила ва хотин-қизлар қўмитасининг тегишли тавсияномасига эга бўлишлари лозим.

Сўнг тавсияномага эга бўлган хотин-қизлар учун танловлар умумий тартибда давлат олий таълим муассасаларининг бакалавриатига ўқишга қабул қилиш бўйича кириш имтиҳонлари (тест синови, касбий (ижодий) имтиҳон) доирасида ўтказилади.

Имтиҳонда энг юқори баллнинг камида 30 фоизини тўплаб, аммо талабаликка тавсия этилмаган хотин-қизлар 500 та базавий тўлов-контракт асосидаги қўшимча алоҳида қабул параметрлари доирасида, баллар кетма-кетлиги бўйича танловда қатнашади.

2023/2024-ўқув йилида ҳам камида 5 йил иш стажига эга бўлган хотин-қизлар мазкур тартибга мувофиқ кириш имтиҳонлари натижаларига кўра танлов асосида ўқишга қабул қилинади.

https://t.me/Abituriyentlarx