Abiturientlar

2022-10-28 21:56:08 2022-2023-o‘quv yilida oliy taʼlim muassasalarining bakalavriat taʼlim yo‘nalishlariga kirish test sinovlariga tayyorgarlik ko‘rish uchun tavsiya etilgan darsliklar va o‘quv adabiyotlari ro‘yxati Davlat test markazining rasmiy veb-saytida e’lon qilindi https://dtm.uz/info/textbooks

@masofatalim Ochish/sharhlash

2022-09-07 14:53:10 Markaziy bank iqtisodiyot va bank-moliya yoʻnalishida oʻqiydigan talabalarni qanoti ostiga olmoqchi

Buning uchun Markaziy bank belgilangan 7ta OTMlardan birida bakalavr yoki magistratura yoʻnalishlarida oʻqiydigan talabalar oʻrtasida stipendiya tanlovini eʼlon qilibdi.

Agar stipendiat boʻlsangiz, sizga BHMning 3 barobaridan kam boʻlmagan (900 ming soʻm) stipendiyadan tashqari, MBda amaliyot oʻtash, keyinchalik ishga joylash va hatto xalqaro moliya institutlariga tajriba almashish uchun yuborilish imkoniyatlari berilishi mumkin ekan.

Bu reklama emas, boʻlajak iqtisodchilar uchun yaxshi imkoniyat. Topshiring, yaqinlaringizga yuboring, foydali boʻlsa, duo qilib qoʻyarsiz.

Batafsil bu yerda.

@navqironuz Ochish/sharhlash

2022-08-16 13:00:46 Барча таълим муассасаларида дарс жараёнлари 5 сентябрдан бошланади

Бунда мактаб, лицей, коллеж ва техникумлар ўқувчилари, шунингдек ОТМ талабалари 5 сентябрь, душанба кунидан дарсга чиқишлари керак бўлади.


@xushnudbek Ochish/sharhlash

2022-08-08 14:30:52 Mandat qachon chiqadi?

Bugun ertalab ilk abituriyentlar imtihon topshirib chiqishdi. Endi ularni eng ko‘p qiziqtirayotgan savol – mandat qachon chiqishini DTM direktori o‘rinbosari Sardor Rajabov Kun.uz'ga bergan intervyusida ma’lum qildi. To'liq reportajni YouTube'da tomosha qiling.

Eslatib o‘tamiz, 1,2 million abituriyentni testdan o‘tkazish jarayonlari 20-avgustgacha davom etadi.

@kunonline Ochish/sharhlash

2022-08-08 07:53:45 Барча юртдошларимизга мурожаат!
#abituriyent

Бугун, 8 август, душанба.

Республикамиздаги барча давлат олий таълим муассасаларига кириш учун тест синовлари бошланди.

Фурсатдан фойдаланиб, Сизларга мурожаат қилмоқчиман. Кўпнинг дуоси ўтади дейишади. Шундай кунларда дуо қилайлик:

• илоҳим, жорий йилда ҳақиқатда яхши ўқиган, ўз устида ишлаган, билим олиш учун машаққат чеккан абитуриентлар талаба бўлишсин;

• ота-онасининг пулига ёки мансабига ишонган, қўлига бир марта ҳам китоб ушламаган, калласи хумдай бўм-бўш, қинғир йўллар билан ўқишга кирмоқчи бўлган такасалтангларнинг иши юришмасин, имтиҳондан йиқилсину, лекин қалбида илм олишга бўлган иштиёқ пайдо бўлсин;

• пора эвазига миллат келажагини ҳам, виждонини ҳам ўртага тикиб, сотиб юбормоқчи бўлган мансабдор шахслар, мўмай даромад эвазига қинғирликларга тайёр бўлган кўчадаги «олғирлар»нинг иши тескарисидан келсин, ҳаммаси жазосини олсин;

• таълим тизимини ривожлантириш учун, адолатни таъминлаш учун жон-жаҳди билан курашаётган, кечасию кундузи тиним билмай меҳнат қилаётган масъулларнинг, шу ишга бош қўшаётган барча хизматчиларнинг кучига куч қўшилсин, ғайратига ғайрат. Мана шундай виждонли ва ҳалол мутахассислар таълим тизимида кўпаяверсин.

Омийн!


@xushnudbek Ochish/sharhlash

2022-08-05 09:41:14 mandat.dtm.uz saytidagi ma’lumotlar yangilandi

Davlat test markazining mandat.dtm.uz saytiga 2022-2023-o‘quv yilida oliy ta’lim muassasalarining bakalavriat ta’lim yo‘nalishlariga o‘qishga kirish uchun onlayn ro‘yxatdan o‘tgan abituriyentlar to‘g‘risidagi ma’lumotlar joylashtirildi.

Endilikda abituriyentlar mazkur sayt orqali tegishli oliy ta’lim muassasasi, ta’lim yo‘nalishi, ta’lim tili va shaklini tanlagan holda mazkur ta’lim yo‘nalishiga qancha abituriyent ro‘yxatdan o‘tganini ko‘rishlari mumkin.

Shuningdek, abituriyentlarni ID raqami orqali qidirish imkoniyati ham mavjud bo‘lib, “Batafsil” tugmasi bosilganda quyidagi ma’lumotlar aks etadi:

abituriyent tanlagan oliy ta’lim muassasalari;
OTM doirasida tanlangan ta’lim yo‘nalishlari;
ta’lim yo‘nalishlari qaysi ta’lim shakllari doirasida tanlangani;
davlat granti asosidagi qabul rejasi;
to‘lov-kontrakt asosidagi qabul rejasi;
ta’lim tili (test topshiriqlari shu tilda beriladi);
tanlov ustuvorligi (tanlov qanday amalga oshirilishi).

Bundan tashqari, abituriyentlar test sinovida ishtirok etganidan so‘ng, test natijalarini ham mazkur sayt orqali bilishlari mumkin bo‘ladi.

Kanalga ulanish:
@masofatalim Ochish/sharhlash

2022-08-03 21:16:23 Test sinovida ishtirok etish uchun “Abituriyent ruxsatnomasi”ni berish 4-avgust kunidan boshlanadi — Davlat test markazi

@alisher_sadullaev Ochish/sharhlash

2022-08-02 13:00:32 Test sinovlari o‘tgan yilgidek 2 smenada tashkil etiladi. I smena soat 07:00 dan 10:00 gacha, II smena 19:00 dan 22:00 gacha o‘tkaziladi — DTM

@kunonline Ochish/sharhlash

2022-08-02 12:54:07 2022-yilgi test sinovlari 8-avgustdan boshlanishi rejalashtirilgan — DTM

@ kunonline Ochish/sharhlash

2022-07-21 11:03:34 Ta’lim krediti kimlarga beriladi?

Prezident qarori bilan Vazirlar Mahkamasining “Oliy ta’lim tashkilotlarida to‘lov-kontrakt asosida o‘qish uchun ta’lim kreditlari ajratishni tartibga solish chora-tadbirlari to‘g‘risida”gi qarori va u bilan tasdiqlangan nizomga o‘zgartirishlar kiritildi.

Endilikda, ta’lim kreditlari tijorat banklari tomonidan ta’lim tashkilotlari* bakalavr hamda magistraturaning kunduzgi, sirtqi va kechki ta’lim shaklida to‘lov-kontrakt asosida o‘qishga tavsiya etilgan yoki qabul qilingan, shuningdek, o‘qishini ko‘chirgan O‘zbekiston fuqarosi bo‘lgan talabalarga beriladi.

* ta’lim tashkilotlari — O‘zbekistonda faoliyat ko‘rsatayotgan ta’lim muddati bir yil va undan ortiqni tashkil etuvchi barcha oliy, o‘rta maxsus va professional ta’lim tashkilotlari (davlat, nodavlat oliy, o‘rta maxsus va professional ta’lim muassasalari, O‘zbekistondagi xorijiy oliy, o‘rta maxsus va professional ta’lim tashkilotlari va ularning filiallari).

Kanalga ulanish:
@masofatalim Ochish/sharhlash