Бизнес-адвокат | Biznes-advokat

2022-09-01 16:11:27 250 йил олдинги АҚШ ва бугунги Ўзбекистон: ўҳшаш ва фарқ томонлари (байрам табриги ўрнида).

Ижтимоий тармоқлардаги саҳифаларимизга аъзо бўлинг:

Telegram | YouTube | Facebook Ochish/sharhlash

2022-08-31 06:42:09 УМРА қилаётан Президентнинг эҳром кийган ҳолатидаги диний ибодатига осилаётган ва дунёвий давлат бошлиғи давлат вазифасини бажариши вақтида диндорлигини намойиш қилмаслиги шарт эди, деб атеистлар томонидан танқид қилинаётган эҳромдаги Президентнинг ва атрофидаги командасининг ҳолатини давлат мактабларида, ОТМ ларда ва Ўзбекистондаги барча давлат идораларига кириши вақтида бошидан рўмоли (ҳижоби) ечиб олинаётган муслима қизларнинг ҳолатига, қўлидан Қуръони ва Муаллимус-соний китоби тортиб олинаётган болаларимизнинг ҳолатига, диний таълим муассасаларида қабул сони ўта озлиги сабабли (билими паст экани учун эмас) мадраса ва маъҳадларда ўқий олмасдан уйига йиғлаб қайтиб кетаётган диндор йигит ва қизларимизнинг аҳволларига ўхшатяпман. Ва паспортга расмга тушиш вақтида бошидаги рўмолини ечишга мажбурланаётган, лекин ечмагани учун 10 йилдан бери паспорт ололмасдан изтироб чекиб юрган 63 ёшли муслима онахон Малахат опа Султонованинг ҳолатига ўхшатяпман (аслида уларнинг изтироблари даражаси бир хил эмас). Ваҳоланки, давлат вазифасини бажараётган Президент ва командаси ҳам, шунингдек, диний эркинликлари ноҳақ равишда берилмаётган, диний ҳуқуқлари поймол қилинаётган муслима қиз-аёллар ва мусулмон йигитлар ҳам халқаро қонунлардаги ўз диний ҳуқуқларидан бир хилда фойдаланиш ҳуқуқига эга эдилар (ва уларнинг бу ҳуқуқини ҳеч ким тақиқлашга ҳаққи йўқ). Чунки “Фуқаролик ва сиёсий ҳуқуқлар тўғрисидаги халқаро Пакт” нинг 18-м га кўра уларнинг барчаси давлат вазифасини бажариши вақтида ҳам, давлат мактаблари ва ОТМ ларда ўқиши вақтида ҳам, давлат хизматчилари ва орган ходимлари эса ўз хизмат вазифасини бажариши вақтида ҳам диний эътиқодларини намойиш қилиш ҳуқуқига эга, барча диний ҳуқуқларидан фойдаланиш ҳуқуқига эга. Президент, унинг командаси ва Олий суд диний эркинликларимизни беришни талаб қилиб киритган аризаларимизни ўз вақтида қаноатлантирганида эди, уларни танқид қилаётган атеистлар ва бошқа шахсларнинг муттаҳамлиги нақадар асоссиз экани ўз-ўзидан кўриниб қолган бўлар эди. Ўшанчун ҳам Умра ёки Ҳаж қилаётган Туркия Президентига парламентдаги атеист мухолифатчилари эътироз қила олишмади. Гарчи Туркия Конституциясида секульяр давлат экани кўрсатиб қўйилган бўлса ҳам.
PS: қизларнинг бошидаги ҳижобларига муттаҳам қўлларини узатиб мажбуран ечишга уринаётган атеист ректорлар, деканлар, мактаб директорлари ва ўқитувчиларнинг нобакор қадамлари яхшиямки Маккаи мукаррамага етмади. Акс ҳолда улар югуриб бориб (охранани кўзини шамғалат қилиб), “Биз Исломий давлат эмасмиз” дея бақириб, Президент ва командасининг устидаги эҳромларига ёпишиб мажбуран ечиб олишдан ҳам тойишмас эди. Наузамбилиллоҳ. Астағфируллоҳ. Ochish/sharhlash

2022-08-30 13:02:44 Диний эркинликларни қўлга кирита олмаётганимиз сабаблари тўғрисида

Ижтимоий тармоқлардаги саҳифаларимизга аъзо бўлинг:

Telegram  | YouTube  | Facebook Ochish/sharhlash

2022-08-24 19:49:44 СОЛИҚ ЮКИ ЕНГИЛЛАДИМИ ЁКИ КЎПАЙДИМИ?
Грузияда 2004 йилнинг бошида солиқ ислоҳоти ўтказилди ва мавжуд 22 турдаги солиқларнинг 16 таси бекор қилинди, фақат 6 таси қолдирилди. Ва бу солиқнинг фоизлари ҳам йилма-йил камайтириб борилди ва энг минимал миқдорга пасайди. Дунёдаги энг солиқ юки кам давлатлардан бирига айланди (4-урин). Буни ўқиган одам “Аҳмоқ эканку грузинлар, бюджети бўшаб қолгандир?! ” деб ўйлаши мумкин. Лекин аксинча бўлди: 4 йил ичида солиқ тушуми 469 млн доллардан 2.2 млрд долларга етди.
Бизда ҳам 2 йил олдин Ҳукуматимиз Грузиянинг бу ислоҳотидан намуна олмоқчи бўлишдими, билмадим, “Солиқ юкини енгиллатиш учун ислоҳотлар қиламиз” деб эълон қилишди. Ва янги Солиқ кодекси қабул қилинди. Амалда эса ғирт тескарисини қилинди. Кичик ва ўрта тадбиркорлик субъектлари учун мавжуд бўлган 4 % лик ягона солиқни бекор қилинди ва ўрнига қуйидаги солиқлар жорий қилинди:
1. Қўшимча қиймат солиғи – 15 %
2. Фойда солиғи - 15 %
3. Мулк солиғи- 1,5 %
4. Ягона ижтимоий тўлов 12 %
5. Ишчилардан даромад солиғи (олдиндан бор эди) 12 %
6. Ер солиғи –
7. Сув солиғи-
8. Карьер солиғи
9. Дивиденд солиғи
10. Лицензиялар учун йиғимлар, таможня пошлиналари, молиявий ва бошқа жарималар сони ва рўйхатини эса ёзиб тугатиб бўлмайди.
Натижада бизда ҳам 2 йил олдин 100 трлн сўм (10 млрд доллар) бўлган солиқлар миқдори бу йил 200 трлн сўмга (20 млрд дол) кўпайди. Бу сумма тоза солиқлардан иборат бб, таможня пошлиналари, давлат корхоналаридан дивиденд тушумлари, ўта юқори миқдордаги жарималар суммаси кабилар бунга кирмайди (давлат корхоналарини хусусийлаштиришдан тушаётган пуллар эса алоҳида баҳсли масала). Ҳар йили олинаётган ташқи қарзларни қўшсак жами сумма 30 млрд долларга яқинлашиб қолса керак. Ўзбекистонни жами Ялпи ички маҳсулоти эса 60 млрд доллар эди. Бу дегани солиқлар, божлар ва бошқа мажбурий тўловлар ЯИМ нинг 50 % ига яқинлашиб бўлди. Дунёнинг биронта давлатида бунақа солиқ юки мавжуд бўлмаса керак.
Аслида эса Грузия намунаси қўллаш орқали бундан ҳам кўпроқ солиқ тўплаш мумкин эди. Лекин бизда бизнесни ва тадбиркорларни солиқ юки билан эзиш йўли танланди. Натижада ЯИМ (ВВП) ҳам ошмаяпти. Жон бошига 1800 доллардан кўпая олмаяпти. Грузия усули танланганида ЯИМ ҳам, солиқ тушуми ҳам параллел равишда кўпайган бўлар эди.
Энди эса, ҳар доимгидек, Президентимизнинг “хабарларисиз” ошириб юборилгани учун шекилли, бундан “дарҳол” хабар топишди ва бу солиқ ставкаларини фақат биттасини, яъни ҚҚС ни кейинги йилдан 12 % га пасайтиришларини эълон қилишди. Яъни олдин планкани осмону фалакка олиб чиқиб қўйиб, кейин уни 10-15 йил давомида, аста-секин 1 фоиз, ярим фоиздан камайтириб, тадбиркорларнинг қарсакларини ва халқимизнинг олқишларини олишмоқда. Браво...

PS : қонунларимизга минглаб турдаги жавобгарлик чораларини аллақачон киритиб бўлишган ва бу чораларни қўллашга мораторий эълон қилиш ўрнига, буёғига энди янги жавобгарлик чораларини қонунларга киритмасликка мораторий эълон қилишди. Мавжуд чораларни эса бемалол қўллайверишади. Яна бир марта Браво... Ва яна қарсаклар. Гулдурос ва давомди қарсаклар. Ochish/sharhlash

2022-08-22 12:56:42 КЎРИНГАНИНГ КАБИ БЎЛ ЁКИ БЎЛГАНИНГ КАБИ КЎРИН (Ж.Румий)

Конституцияда Ўзбекистон ҳуқуқий-демократик давлат экани, қонунларда эса дунёвий давлат экани ёзилган. Ўзбекистон имзолаган Халқаро қонунларда эса қуйидаги диний эркинликларни ўз халқига беришни ўз зиммасига олган, лекин 30 йилдан бери бермаяпти, халқаро ҳамжамиятга берган ваъдасини бажармаяпти (халқига берилган ваъдаларни ҳам бажарилиши кераклиги эса уларнинг лексиконида бўлмаса ҳам керак):

1. Президентнинг паспортга рўмолда расмга тушишни тақиқлаш тўғрисидаги Фармони ва ВМ нинг 666-сонли қарорини бекор қилиш тўғрисидаги даъво аризаларимизни Олий суд рад қилди. Олдин ҳам рад қилган эди. Даъво предметини ўзгартириб, бир неча хил кўринишларда берсак ҳам бари бир рад қиляпти. Конституциявий суд ҳам олдин бир неча марта рад қилган ва яна рад қилиши аниқ.
2. Президентга кўп марта ёзма равишда ва ижтимоий тармоқлар орқали Сизлар билан биргаликда илтимосномалар киритдик: мадрасалар сонини ва уларга қабул сонини кўпайтиришга ёрдам беринг, Олий маъҳадга 50 та ўғил бола ва 10 та қизлар учун ўрин ажратилган холос, буни кўпайтиришга ёрдам беринг деб илтимослар киритдик, масжидлар қошида болалар учун ёзги таътил вақтида Қуръони каримни ўрганишлари учун Қуръон курслари очишга, диний ва дунёвий таълимни қўшиб олиб борадиган хусусий диний мактаблар очишга рухсат беринг, бу ҳуқуқларимиз халқаро қонунларда белгиланган деб бу қонунларни номи ва моддаларигача кўрсатдик. Лекин биронта талабимиз бажарилмади. Бу талаблар қонунлардан келиб чиқиб билдирилган эди.
3. Масжидлар сони ЎЗбекистонда 2100 та ҳам эмас, буни ҳеч бўлмаса 7 млн аҳолиси бор қўшни Қирғизистон даражасига (4 мингта) чиқаришга рухсат беринг, деб кўп аризалар бердик. Лекин масжидлар сони ҳалиям 2100 дан ошмади. Одамлар ҳайит ва жума намозларини кўчаларда ўқишга мажбур бўлишяпти. Кўп аҳоли қишлоқларда масжидлар 10-15 км узоқда экани сабабли намоз ўқиш учун масжидларга бора олмаяпти ҳам.
4. Қуръони каримни Ўзбекистонга олиб кириш ВМ нинг 2022 йил 14 апрел кунги 180-сонли қарори билан тақиқланди. Фуқаролар фақат 3 донагача олиб кириши мумкин холос, тижоратчи фирмалар эса сотиш учун Қурьони карим ва диний адабиёт олиб кириши умуман тақиқланди. Бундан мақсад нима?
5. “Диний ва эътиқод асосли камситишларнинг барча турларини тугатиш тўғрисидаги халқаро Декларация” нинг бошидан охиригача санаб чиқилган рўйхатдаги диний эркинликларимизни (бу рўйхатни ёзсам жуда чўзилиб кетади) беришдан Ҳукумат бош тортиб келмоқда.

Унда нимага юқоридаги халқаро Декларацияни ва бошқа халқаро қонунларни тан оламиз, деб имзо қўйдингизлар? Агар бажара олмасангиз нимага бу Декларациядан чиқиб кетмаяпсизлар? Ёки бажаринглар, ёки бекор қилинглар. Халқни алдашни ва халқаро ҳамжамият олдида ўз зиммангизга олган мажбуриятларни бузишни бас қилинг. Пост сарлавҳасида айтилганидек: ЁКИ КЎРИНГАНИЗ КАБИ БЎЛИНГ ЁКИ БЎЛГАНИЗ КАБИ КЎРИНИНГ.
Ҳаттоки, Конституциясида дунёвий ва секульяр давлат экани ёзиб қўйилган Туркияда ҳам ҳижоб тақиқланмаган, паспортга ҳижобда расмга тушиш тақиқланмаган, хусусий диний таълим тақиқланмаган, диний таълим берадиган хусусий ва давлат мактабларига рухсат берилган (5 мингта имом-ҳатиб мактаби, 20 мингдан ортиқ Қуръон курслари, юзлаб исломий университет ва факультетлар, 85 минта масжид бор-аҳолиси 85 млн). Демак, биз дунёвий давлатмиз, Исломий давлат эмасмиз, ўшанчун диний эркинликларни бера олмаймиз, деган гаплар қуруқ баҳона, ёлғон ва манипульяция холос.

PS: Ваҳоланки, 30 йил олдин ҳам, бугун ҳам ҳар иккала Президент Каъбатуллоҳга кириб 4 томонга қараб намоз ўқишди, умра қилишди, расмларга ва видеоларга олиб бу воқеаларни давлат ва хусусий телеканалларда мақтаниб намойиш қилишмоқда. Бас, шундай экан, унда Сизларга нима тўсиқ бўлмоқда Халқаро қонунларни бажаришингизга? Ochish/sharhlash

2022-08-14 07:51:23 ДАЪВОГАР СУСТ БЎЛСА - ҚОЗИ МУТТАҲАМ БЎПТИ туркумидан
Ўқитувчиларнинг маошларини пасайтириб юборилаётгани тўғрисида блогер Қобул Дўсовнинг ютубдаги мурожаатини ва бошқа хабарларни кўриб, қуйидаги масалаларда Президент Админстрациясидан, Вазирлар маҳкамасидан, Солиқ қўмитасидан ва бошқа алоқадор вазирликлардан муносабат билдиришини талаб қиламиз:
1. Жорий 2022 йилда бюджет тақчиллиги (дефицити) 4 % қилиб белгилангани тўғрими?
2. Ўқитувчиларнинг маошлари билан боғлиқ машмашаларнинг бюджет тақчиллигига алоқаси борми?
3. Президент томонидан 2 йил олдин солиқ соҳасида ислоҳотлар ўтказишдан мақсадимиз солиқ юкини камайтириш деган эди. Амалда эса Солиқ юки камайтириш ўрнига кўпайтириб ва оғирлаштириб юборилди. Нимага?
4. Солиқ юки ошириб юборилгани исботи шуки, 2 йил олдин бюджетга жами солиқ тушуми 100 трлн сўм атрфоида эди. Жорий 2022 йилда эса 200 трлн сўмдан ошиши белгилангани тўғрисида ҳабарлар чиқди. Бу рақамлар тўғрими?
5. Агар халқимиз, тадбиркорлар ва бошқа солиқ тўловчилари тўлаётган солиқ 100 трлн сўмдан 200 трлн сўмга ошган бўлса, бу ошган суммалар қайси харажатларни қоплаш учун йўналтириляпти?
6. Оширилган 100 трлн сўм доирасида (10 млрд доллар) ўқитувчиларнинг ойлигини 1000 долларга оширишни имкони бўлмадими?
7. Халқ таълимига ажратилган маблағ 2 йил олдин 20 трлн сўм (2 млрд дол) атрофида эди (эски вазир Шерматов матбуот конференциясида айтганди). Бюджетга тушаётган қўшимча 100 трлн сўмдан қанча қисми шу 20 трлн сўмни оширишга йўналтирилди? Ва жорий 2022 йилда халқ таълимига ажратилган жами сумма неча сўм?
8. Бюджетга тушумлар етмаётган бўлса, бюджет тақчиллигини 3 % дан 4 % га ошираётган бўлинса, нимага унда халқимизнинг ҳаққи бўлган давлат корхоналарини жуда арзон нархларда сотиб юборилаётгани тўғрисидаги хабарларга биронта давлат идораси жавоб бермади? Масалан, Фарғона нефтни қайта ишлаш заводини ҳақиқий нархи 5 млрд доллар бўлса ҳам уни 100 млн долларга сотиб юборилгани тўғрисида хабар чиқди. Бу рақамлар тўғрими? Нимага рад қилмаяпсизлар? Сукут розилик аломатику.
9. Жуда кўплаб нефть ва газ конлари, нефт сақлаш омборлари ва бошқа кўплаб давлат мулклари собиқ “Жиззах петролеум” корхонасига ёки шунга ўхшаш юқори амалдорларнинг қариндошларига қарашли фирмаларга бепулга ёки ўта арзон нархларда бериб юборилгани тўғрисида ижтимоий тармоқларда чиққан хабарлар тўғрими ёки нотўғрими? Нотўғри бўлса нимага эътироз билдирмаяпсизлар?
10. Умуман барча давлар корхоналарини ва халқнинг бойликларини сотиб юборилиши шартлари (неча сўмга сотилгани, тўлов шу корхонани ишлатиш натижасида келадиган фойда ҳисобидан бир неча йил давомида бўлиб-бўлиб тўланяптими ёки олдиндан 100 % тўланяптими, сотиш шартлари) қанақа? Шулар тўғрисида ҳар ой якунида матбуотда халқимизга ҳисобот бериб боришларингизни талаб қиламиз.
11. Юртимиздаги тадбиркорлардан ҳар йили қўшимча ундирилаётган 10 млрд дол нинг 1-2 млрд ини ўқитувчиларга, 5 млрд доллар қисмини ишлаб чиқариш корхоналари қуришга сарфланса бўлмасмиди? Ёки шу солиқларни тадбиркорларнинг ўзида қолдириб, уларнинг зиммасига шу суммаларга қўшимча иш ўрни яратиш, ишлаб чиқаришни кенгайтириш вазифасини қўйилса бўлмасмиди? Ўшанда бу пулларни бюджетни ўғрилаётган коррупционер давлат амалдорларининг чангалига ташланмаган бўлар эди.

PS: бундан ташқари, давлат ҳар йили хориждан 5-6 млрд доллар атрофида ташқи қарз олмоқда. Солиқларнинг ошиши ҳисобидан қўшимча пайдо бўлган 10 млрд доллар етмаяптими? Божхона пошлиналаридан тушумларчи? Олтин, мис, уран, газ ва бошқа ер ости бойликларидан тушумлар қаерга кетяпти? Юзлаб соҳалардаги давлат компаниялари ва корхоналаридан тушаётган тушумлар ва дивидендлар қаерга кетяпти? Ochish/sharhlash

2022-08-13 15:09:00 Кейин аризани рус ёки инглиз тилида оддий баён шаклда ёзиб, қуйидаги сайт орқали жўнатишингиз мм. Суд қарорларини русчага таржима қилиб илова қилинса бўлди. Бу сайтда аризани ёзиш усуллари ва бошқа тартиб-қоидалар жуда тушунарли қилиб баён қилинган. www. ohchr.org Ochish/sharhlash

2022-08-13 15:09:00 Ишхоналарда намозхона очганларни ёки намоз ўқиганларни жавобгар қилиниши тўғри, деб муносабат билдирган экан Дин ишлари қўмитаси. Сабаби шу эмишки, Ўзбекистонда дин давлатдан ажратилган экан (ана сизга мантиқ, мана сизга ақлнинг ғовлаб кетиши натижаси). Иккинчи асослари: ишхоналарда намоз ўқиш бошланса миссионерлар пайдо бўлиб, аҳолини бошқа динларга тарғиб қилиши мумкин экан. Яқинда эса шунга ўхшаш ноқонуний асослар билан тўйхонада Каъба макетини ўрнатгани учун блогер Мадина Мўминова ҳам жавобгар қилинди. Қуйидагиларга кўра диний эркинликларни чекловчи бундай тақиқлар ноқонунийдир:

1. Жавобгарлик МЖтК нинг 201-м га кўра "Диний йиғилишлар ва диний маросимлар ўтказиш тартибини бузганлик" учун белгиланган. Намоз ўқиш, рўза тутиш, ҳаж қилиш, закот бериш вб эса диний йиғилиш ҳам эмас, диний маросим ҳам эмас (булар ибодатнинг ўзидир, сиғиниш шаклининг асосидир). Аксини айблов идораси исботлаши керак. Чунки шахсни бирон масалада айблаш учун қонунда бу айбнинг нимадан иборат экани аниқ ёзиб қўйилган бўлиши шарт. Яъни намоз ўқиш (айниқса, якка тартибда жамоа бўлмасдан, ҳар бир одам ёнма-ён бўлиб алоҳида намоз ўқиши) диний йиғилиш ёки диний маросим экани аниқ қилиб кўрсатиб қўйилмаган. Тахминлар билан шахсни жавобгар қилиш мумкин эмас. Қонунлардаги ноаниқликлар, шубҳалар ва низоли масалалар айбланувчи шахснинг фойдасига ҳал қилинади. Бу умумий қоидани прокурорлар, терговчилар ва судлар яхши билади.
2. Дин давлатдан ажратилган, дегани бу - давлатни бошқариш жараёнида диний қоидалар ишламайди, дегани. Корхоналар, ишхоналар, тўйхоналар ва бизнес субъектларининг фаолияти эса давлатни бошқариш эмас, бизнес билан шуғулланишдир. Бизнесменлар ўз ишини юритишда диний қоидаларни ишлатиши мумкин. Масалан, иймон келтириши, намоз ўқиши, рўза тутиши, фоизга қарз олмаслиги ва фоизга қарз бермаслиги, рўзадор ишчиларига саҳарлик ва ифторлик овқатларини ташкил қилиши, ишчиларига закот бериши мумкин. Ишчиларнинг хам ўз корхонасида намоз ўқиши давлат диний давлатга айланиб кетди, дегани эмас. Корхона бу давлат эмас, давлатни бошқармайди, халқни бошқармайди, суд қилиб қамай олмайди, қонунлар чиқармайди, солиқ тўпламайди, армия ташкил қилмайди. Биринчи синф ўқувчиси ҳам буни биладику.
3. Ернинг тагида илон қимирласа биладиган, ўта яширин тарзда ташкил қилинган ҳужраларда Қуръон ўргатувчиларни ернинг остидан бўлса ҳам топиб жазолайдиган ДХХ ва ИИВ нинг терроризм бошқармаси ходимлари миссионерлар пайдо бўлганини сезмай қолишармикан? Унда нимага уларга биз тўлаган солиқлардан триллионлаб сўм маблағларни ажратяпмиз? Фақат қориларни ва Каъбани макетини ясаганларни ушлашлари учунми? Қорақалпоғистонда давлат ҳокимиятини ағдаришига оз қолган сепаратистларни ва намойишларни олдини ололмаганидан ҳам аниқ бўляптики, ДХХ ва ИИВ нинг тегишли бошқармалари фақат Ислом динига риоя қилувчиларнинг орқасидан пойлашни қойил қилишяпти холос.
4. Ишхоналарда намоз ўқилса, миссионерлар пайдо бўлиши мумкин экан. Миссионерлар пайдо бўлса уларни топиш ва жазолаш давлатнинг вазифаси, бу вазифасини бажариш ўрнига ноқонуний тақиқларни жорий қилинмайди. Тақиқлаш осон экан деб, диний эркинликларни хохлаганча тақиқланавермайди. Шахснинг ҳуқуқларини тақиқлаш ёки чеклаш мантиқий ва илмий асосланган бўлиши керак.
5. Сизларнинг мантиғингизга риоя қилинса унда: одамларни ҳам сўйиб юборишидан қўрқиб қассобларнинг фаолиятини ҳам тақиқламайсизларми? Одам ўлдиришда ишлатилишидан қўрқиб пичоқларни, болтани, кетмонни ва уларни ясовчиларни ҳам тақиқламайсизларми? Кўчада одамларни уриб ўлдириб юбориши мумкин эканидан қўрқиб машиналарни ва ҳайдовчиларни ҳам тақиқламайсизларми?

PS: Ўзбекистон миллий қонунларидаги бунақа тақиқлар ва диний ҳуқуқларнинг чекланиши Ўзбекистон имзолаган халқаро қонунларга зид. Жумладан, "Диний ва эътиқод асосли камситишларнинг барча турларини тугатиш тўғрисидаги халқаро Декларация" нинг 1-8-моддаларига зид. Ўшанчун, нотўғри жавобгарликка тортилаётганлар БМТ нинг Инсон ҳуқуқлари Қўмитаси (ИҲ бча халқаро суд) га ариза киритишлари мумкин. Бунинг учун Олий суд ва Конституциявий суддан рад жавоб хати олиниши керак. Ochish/sharhlash

2022-08-11 15:42:26 Бугун Президент Админстрацияси бошлиғи Сардор Умрзоқов Олий суднинг янги раисини таништириш вақтида: "Халқимиз судларнинг адолатсиз қарорларидан норози экани, бундан кейин судлар ижро ҳокимиятининг ноқонуний фаолиятларини тийиб туриши, нотўғри қарорларини бекор қила олиши, ижро ҳокимияти вакилларини жазолай олиши" кераклиги тўғрисида маъруза қилишибди. Тасанно. Лекин бундан ҳам кучлироқ гапларни бундан 5-6 йил муқаддам Умрзоқовдан ҳам каттароқ ва кучлироқ давлат амалдори, яъни Президент Мирзиёевнинг ўзлари ҳам айтишган эди. Нақ жилаб юборай дегандим. Ўшанда судьялар бу ҳақикатни, бу ғамхўрликни эшитиб, йиғлаб-йиғлаб Президентимизга ва халқимизга Мурожаатнома, деган қасида ёзишган эди. Дунёнинг биронта давлатида бунақаси бўлмаган. Агар Шимолий Кореяда бўлмаган бўлса. Бу қасидаларида судьялар ҳақикатдан ҳам шу вақтгача адолатсизликларга йўл қўйишгани, .......... ва ҳоказо ва ҳоказо пушаймонликлар, энди буёғига халқимизга ва Президентимизга адолат билан хизмат қилишлари тўғрисида роса узундан-узун ваъдалар бериб, камига қасам ҳам ичишган эди (ҳамма судьялар ишга бошлашдан олдин қасамёд қилишади). Афсуски, на Мурожаат, на қасида, на қасам, на ваъдаларни бажарилмади. Демак, 6 йил ўтса ҳам яна ўша эски усул, энди сал дозасини пасайтиришибди. Доза ўта юқори бўлганда таъсир қилмаган даволаш усули доза пасайтирилгани билан фойда берармикан? Муаммони хал қилиш учун Давлатнинг 1 еки 2 чи амалдорини танқид қилиши етарли бўлмаслигини тушуниб етмадикми ёки буни яхши билсак ҳам шунчаки халқ истеъмоли учун гапириб қўйилаверадими? Муаммони ҳал қилиш учун жиддий ислоҳотлар ўтказиш керак эмасми? Судлар адолатсизлик қилишяпти, деб ваъз ўқишни ўзи етарлими? Давлат ҳокимиятининг 3 га бўлиниши ва бир-бирини тийиб туриш механизмини жорий қилиш тўғрисида биронта Дастур ёки қонун чиқармасдан, қуруқ гап билан судларни адолатли қилиб бўлмайдику?!

PS: Агар Президент ёки Админстрация раҳбари ҳақиқатдан ҳам судларнинг ижро ҳокимиятини тийиб туришини самимий исташса, жумладан, Президентнинг ноқонуний қарорларини судлар бекор қила олишига қарши бўлишмаса, қонунларни ўзгартиринглар олдин. Амалдаги биронта қонунда фуқаролар Президентнинг ёки ВМ нинг ноқонуний қарорларини бекор қилиш учун судга бериши мумкинлиги кўрсатилмаганку. Фақат Конституциявий судга айрим чекланган давлат амалдорлари шу тўғрида ариза киритиши мумкин ҳолос (30 йиллик тарихда биронта амалдор бунақа ариза киритмаган). Фуқаролар эса бундай ҳуқуққа эга эмас. КС га мен Президентнинг паспортга ҳижобда расмга тушишни тақиқловчи қарорини ва ВМ нинг 666-қарорини бекор қилишни сўраб ариза бердим. Жавоблари шу бўлдики, КС га фуқаролар Президент ёки ВМ қарори эмас, фақат қонунларнинг Конституцияга мос эмаслиги масаласида ариза кирита олади холос. Қонунда шундай ёзилган. Президент қарори устидан шикоят бера олмайсиз, деб ёзма жавоб беришди.
PS-2: Яқинда Олий судга яна ўша Президент қарорини ва ВМ нинг 666-қарорини бекор қилишни сўраб 3 та ариза бердик. Умрзоқов жаноблари Олий суд раисига айта олармикан, Президент ва ВМ нинг ноқонуний қарорларини бекор қилишдан қўрқманглар, деб. Кўрамиз...

Ижтимоий тармоқлардаги саҳифаларимизга аъзо бўлинг:

Telegram  | YouTube  | Facebook Ochish/sharhlash

2022-08-09 19:11:50 Бир неча марта Президентга мурожаат қилдик ва диний мадрасалар, олий маъҳадлар сонини ҳамда уларга қабул сонини кўпайтиришни сўрадик. Чунки диний ўқув юртлари ва қабул сони ўта кам бўлиб, қизлар учун 2 дона мадраса (ўғил болаларга 8 та) ва олий маъхадда қизларга 10 та ўрин (ўғил болаларга эса 50 та) аҳоли сонига нисбатан 0. 0001 % ҳам эмаслигини, жуда озлигини, ҳар бир инсон диний таълим олиш ҳуқуқига эга эканини халқаро қонунлар билан асослаб бердик. Камига яна бу йилдан бошлаб Имом-хатибларнинг фарзандларига 25 % балл қўшиб берилаётганини, бунақа ноқонуний имтиёзлар абитуриентлар ўртасида тенглик тамойилига зид эканини айтиб, ўз эътирозларимизни билдирдик. Афсуски, биронта ўзгариш бўлмади. Билган ишларини, яъни ноқонуний ишларини бемалол, ошкора, ҳеч кимдан қўрқмасдан давом эттиришди. Жумладан:
1. Ўзларининг қайсидир мақсадларини осонлаштириш учун умуман бирон бир асослашларсиз Араб тилидан оғзаки имтиҳон ўтказишди. Имтиҳоннинг оғзаки бўлиши ошкораликни, тенгликни ва холисликни бузиш учун жуда қўлай усул ҳисобланади. Нима сабабдан бошқа фанлардан, жумладан, инглиз ва бошқа хорижий тиллардан тест олиш усули бўла туриб, айнан араб тилидан оғзаки имтиҳон олиняпти? Жавоб беришмади.
2. Ўзбекистон тарихи фанидан берилган саволларни эса ўзларингиз бир ўқиб кўринг:
А) 1928 йилда хотин-қизларга нисбатан ғайриқонуний ҳаракатлари учун нечта эркак жазоланди? Бу мавзулар ахмоқона экани сабабли, асосан паранжи ва рўмолни ечиш жараёнида айрим мусулмон халқимизнинг ориятли эркаклари паранжисини ечган айрим аёлларга нисбатан кўрсатган қаршиликларини қандай жазоланганини эслатиш нимага ва кимга керак бб қолди ўзи? Бу саволларни тарихчилар тузганми ёки аёлларимизни юзларини очишга мажбурлаган большевикларнинг қолдиқлари тузганми? Бу мавзулар дарсликларидан 3 йил олдин чиқариб ташланган эди. Лекин Диний ўқув юртларига имтиҳон олиш учун жуда керак бўлиб қолибди.
Б) Янгийўлдаги дрож заводи (спирт заводи) қачон қурилган? Шу ҳам тарих фанидан билиш керак бўлган мавзуми? Ароқ заводи қаерда жойлашган деб савол беришдан ҳам қайтмайсизлар сизлар қўйиб берилса, диний ўқув юртидая?!.
В) Қози Соқий мадрасаси қаерда? Бу тўғрисида биронта тарих дарслигида ёзилмаган ва ёзилиши учун асос ҳам бўладиган даражада аҳамиятга эга бўлмаган мадраса тўғрисида нима учун абитуриент билиши керак?
Г) Абдуллох-2 Ҳиндистонга неча марта элчи жўнатган? Неча марта жўнатишини нима аҳамияти бор, нима сабабдан диний ўқув юрти абитуриенти билиши керак? Атай рақамли савол беришнинг зарурияти нимада? Фикрлашга, танқидий ёндашувга ундовчи саволлар бериш кк эмасми ?
Д) Ўзбекистон ССР да 1932 й да нечта театр ва нечта музей бўлган? Диний таълим олмоқчи бўлган талабага бу сонни билиш шунчалик аҳамиятлими? Сонини билмаса бу унинг саводсизлигини билдирадими?
Кўриниб турибдики, бу ахмоқона саволлар атай абитуриентларни имтиҳондан ўтказмаслик, паст балл олишига замин яратиш, уларни саводсизликда айблаш, қабул сони кам эканини хаспўшлаш учун атай киритилган. Энг асосийси, ўзларига қарашли диний идора ходимларининг фарзандларига имтиёзларини бемалол қўллаш учун замин яратиш.

PS: Президент номига такроран аризалар берамиз, судларга даъво аризалари киритамиз. Аризаларнинг намуналарини кейинги сонда илова қиламан.

Ижтимоий тармоқлардаги саҳифаларимизга аъзо бўлинг:

Telegram  | YouTube  | Facebook Ochish/sharhlash