2023-04-21 07:00:50
#табрик
Оҳангарон тумани ҳокими Абдурасул Абдуллаевнинг Рамазон ҳайити муносабати билан туман аҳлига йўллаган байрам табригиҚадрли тумандошлар! Сизларни Рамазон ҳайити билан шахсан ўзим ҳамда туман фаоллари номидан самимий муборакбод этаман.
Рамазон ҳайити ҳамиша халқимиз маънавий ҳаётида тарбиявий жиҳатлари билан алоҳида ўрин тутган. Бу кунлар моҳиятида яхшилик, сабр-қаноат, меҳр-оқибат каби фазилатлар, эзгу миллий қадриятларимиз ўз ифодасини топган.
Бу кунда беморлар ва кексалар ҳолидан хабар олинади, кўмакка муҳтож кишилар қўллаб-қувватланади, болаларга ҳадялар улашилади.
Миллий-диний қадриятларимизни улуғлаш йўлида амалга оширилаётган изчил ислоҳотлар мамлакатимизда ҳукм сураётган тинчлик, осойишталик, миллатлараро тотувлик ва фаровонлик самарасидир. Бу Рамазон ҳайитини миллий қадриятларимизга мос тарзда нишонлаш бўйича амалга оширилаётган ишларда ҳам ўзининг ёрқин ифодасини топмоқда.
Рамазон ҳайити байрами билан Сизларни яна бир бор табриклар эканман, барчангизга мустаҳкам соғлик, узоқ ва мазмунли умр, файзли хонадонларингизга тинчлик-хотиржамлик, бахт-саодат ва қут-барака тилайман!
Рамазон ҳайити байрамини хотиржамликда, хурсандчиликда ўтказиш ҳаммамизга насиб этсин. Юртимиз ҳамиша тинч, халқимиз бундан-да фаровон бўлсин!
Чуқур эҳтиром билан
Абдурасул АБДУЛЛАЕВ,Оҳангарон тумани ҳокими.@AbdurasulNematovich
Kаналга уланиш:
https://t.me/AbdurasulNematovich
4.0K views04:00