Abdulqodir Samarqandiy

2022-08-04 07:20:50 ҚИССАДАГИ ИБРАТ - 66
Ибнул Қоййим роҳимаҳуллоҳ ўзининг "Ат-туруқул ҳукмийя" номли китобида келтиради:
"Умар ибн Хаттоб розиёллоҳу анҳунинг ҳузурига келиб бир аёл эри ҳақида гапириб деди:
- У дунё аҳлининг энг яхшисидир. Кечалари қоим, кундузлари рўзадор!

Сўнгра аёл ҳаё қилиб гапира олмади. Умар розиёллоҳу анҳу аёлга деди:
- Аллоҳ сени яхшилик билан мукофотласин. Эрингни жуда яхши мақтадинг!

Аёл кетгач, Каъб ибн Сур Умар розиёллоҳу анҳуга деди:
- Эй мўъминлар амири! У сизга шикоят қилиб келди, мақтамади!
Умар розиёллоҳу анҳу сўрадилар:
- Нимадан шикоят қилди?!
- Эридан!
- Иккисини ҳам менинг олдимга чақиринглар!

Улар келгач Умар розиёллоҳу анҳу Каъбга дедилар:
- Улар орасида сен ҳукм қил!
Каъб сўради:
- Эй мўъминлар амири! Сизнинг олдингизда ҳам ҳукм қилаверайми?!
Умар розиёллоҳу анҳу дедилар:
- Ҳукм қилавер. Сен мен англамаган нарсани англабсан!
Шунда Каъб аёлнинг эрига қараб деди:
- Аллоҳ таоло: "Ўзингизга ёққан аёллардан иккитами, учтами, тўрттами никоҳлаб олинг!", дейди. Сен уч кун рўза тут. Бир кун хотининг учун рўза тутма. Уч кеча таҳажжудга тур. Бир кун хотининг учун таҳажжудга турма!

Буни эшитган Умар розиёллоҳу анҳу дедилар:
- Бу аввагилардан ҳам қизиқ бўлди-ку!

Сўнгра Каъбни Басрага қози қилиб жўнатдилар".

Бу ерда аёлнинг эри устида тўрт кунда бир ҳаққи борлиги айтилаяпти.
Ҳазрати Умардек закий инсон аёлнинг илк гапларидан унинг мақсадини англамаяптилар. Аммо у кишидан мақоми паст бзлган инсон Каъб ибн Сур уни тушунаяпти. Биз тавозули умматмиз. Биримизни бошқамиз тўлдирамиз. Биздан бошқалар ҳақни кўриб қолса фикримиздан воз кечишдан ор қилмаймиз, хижолат бўлмаймиз. Аксинча, биздан бошқалар ҳақни кўриб бизни ҳаққа чорлаганидан шодланамиз!
Бу дин васатийлик асосида бино бўлган, мўътадил диндир. Бунда ҳаддан ошиш ҳам, дангасаликка йўл қўйиш ҳам йўқ. Бунда таркидунёчилик ҳам, ғаризаларимиз ортидан югуриш ҳам йўқ. Бунда дунёдан воз кечиш ҳам, унинг ортидан итдек югуриш ҳам йўқ.
Биз фақатгина молни мақсад қилиб, унинг ортидан югуриб умримизни ўтказмаймиз. Уни мутлоқ тарк ҳам қилмаймиз. Зеро мол ҳаёт ғилдирагидир. У бошқалар олдида бизнинг юзимиз сувини тўкилишдан асрайди.
Биз ишга ўзимизни, хотинимизни ва бола-чақамизни унутар даражада киришиб кетмаймиз. Инсонни бошқаларга муҳтож қилиб қўяр даражада дангаса ҳам бўлмаймиз.
Бизда радикаллик йўқ, биз такфирчи эмасмиз. Бизда дангасалик ва ҳафсаласизлик йўқ. Биз ҳар нарсани ўз ўрнига қўямиз. Бунинг номини ҳикмат дейилади. Кимга ҳикмат берилган бўлса унга кўп нарса берилибди!

https://t.me/Abdulqodir_Polvonov Ochish/sharhlash

2022-08-04 06:38:45 Ислом билан тирикчилигини ўтказаётганлар унга хизмат қилишга қодир эмаслар!

Зайнаб Ғаззолий

https://t.me/Abdulqodir_Polvonov Ochish/sharhlash

2022-08-02 17:44:10 ИРҚЧИЛИК- ўзинг яралган балчиқни бошқалар яралган балчиқдан қадри баланд деб эътиқод қилишингдир!

https://t.me/Abdulqodir_Polvonov Ochish/sharhlash

2022-08-02 17:40:10 АЙТМАНГ
"Эй болам! Акаларингга тушингни айтма. Улар сенга бирор макр қилишмасин тағин!".

Юсуф сураси 5-оят

Неъматни ҳамманинг олдида айтилавермайди. Эшитувчиларнинг ҳаммаси ҳам сизни яхши кўрмайди. Атрофингиздагиларга, гарчи яқинингиз бўлса ҳам, аҳлингиз бўлса ҳам очиқ китоб бўлманг. Баъзи сирларни яширинг!

https://t.me/Abdulqodir_Polvonov Ochish/sharhlash

2022-08-02 05:14:06 Ўзингизни танисангиз сиз ҳақингизда айтилаётган гаплар сиз учун аҳамиятсиз бўлади!

https://t.me/Abdulqodir_Polvonov Ochish/sharhlash

2022-08-01 05:07:45 Салафлар айтишар экан:
"Биз масжидга намоз ўқигани келсак, дунёни ковушимиз билан масжид ташқарисида қолдирар эдик!".
-----------
Мен ҳам шуни истар эдим...

https://t.me/Abdulqodir_Polvonov Ochish/sharhlash

2022-07-31 15:55:12 ЯХШИЛИКНИ КИЧИК ДЕМАНГ!
Йўлда чумолини кўрсангиз имкони борича уни босмасликка ҳаракат қилинг. Унга раҳм қилганингиз учун шояд Аллоҳ сизга ҳам раҳм қилса!
Агар бир чумчуқнинг сув ичаётганини кўрсангиз имкони борича уни чўчитмасликка ҳаракат қилинг. Уни қўрқитмаганингиз учун шояд Аллоҳ таоло даҳшатли кунда сизга омонлик берса!
Серқатнов кўчада мушук боласини кўриб қолсангиз уни машиналар мажақламаслиги учун йўлнинг четига олиб қўйинг. Уни хатардан ҳимоя қилганингиз учун шояд Аллоҳ сизни ёмон ўлимдан сақлаб қолса!
Яхшиликнинг кичиги йўқ. Нажотимиз қаердалигини билмаймиз!
https://t.me/Abdulqodir_Polvonov Ochish/sharhlash

2022-07-31 15:24:48 Қани энди боболар ўлмаса...!

https://t.me/Abdulqodir_Polvonov Ochish/sharhlash

2022-07-31 13:47:50 ҚИССАДАГИ ИБРАТ - 65
Юнон файласуфи Эзоп ўзининг "Масаллар" китобида келтиради:
"Бир кўлмакда икки қурбақа яшар эди. Улар жуда яқин дўст эдилар. Ёз жуда иссиқ келиб кўлмакдаги сув қурий бошлади. Улар маслаҳатлашиб яшаш учун янги макон қидира бошладилар.
Бир куни улар бир қудуқнинг олдидан ўтиб қолишди. Қудуқ сувга тўла эди. Шунда улардан бири деди:
- Қандай ажойиб қудуқ! Қани энди шу ерда яшаб қолсак. Кел унга сакраймиз!
Унинг шериги ҳаким қурбақа эди. У деди:
- Фараз қилайлик биз қудуққа сакрадик. У ерда сув ва овқат кўп. Аммо ундан қандай чиқишни ҳам ўйлашимиз керак!".

Оқибатини ўйламасдан бир ишни қилмаслик лозим. Ишларни бошлаш ҳамма учун осон. Унча қийинчилик туғдирмайди. Аммо маҳорат белгиланган бекатдагина беркитилгандир.
Учувчиларга биринчи ўргатиладиган нарса қўнишдир. Ақлли инсон аввало оқибат ҳақида тафаккур қилади. Чунки ҳаёт мулоҳазасизлик ва эҳтиётсизлик асосида қурилган. Бу эса муваффақиятсизликка олиб боради.
Ўқув дастурлари, китоблар, баҳолаш асбоблари василадан ўзга нарса эмас. Давлат инсонларга назар солади. Уларни ўзи истаган шаклда кўришни истайди. Ўзи яхши деб билган қадриятлар асосида кўришни хоҳлайди. Ана шу тасаввурга кўра дастурларни белгилайди.
Маккадалик пайтида илк мусулмонлар урушдан ман қилинди. Чунки ақида қиличдан илгари туради. Чунки ақида ҳукмронлик қилмайдиган қилич адоват асбобидан ўзга нарса эмас. Кишининг қалбидан ақида мустаҳкам жой олса сўнгра унинг қиличи одобли бўлади. Ана шунда унинг соҳиби қилични кўтаришдан мақсад нима эканлигини англайди.
Шунинг учун Рибъий ибн Омир форслар қўмондони Рустамнинг ҳузурига кирганида унга шундай деган эди:
"Аллоҳ бизни бандаларни бандаларга ибодат қилиш хорлигидан, Аллоҳга ибодат қилиш азизлигига кўтариш учун, уларни бошқа динлар зулмидан қутқариб ислом адолатига олиб чиқиш учун юборди!".
Рибъий ибн Омир буюк Набиййимиз саллоллоҳу алайҳи ва саллам бино қилган шахсиятлардан ҳисобланади. У аввалдан қаерга кетаётганини билар эди.
Муовия ибн Абу Суфён розиёллоҳу анҳу Амр ибн Ос розиёллоҳу анҳудан сўради:
- Зийраклигинг қай даражада?
Амр деди:
- Қандай чиқишни билмаган ишимга киришмайман!
Муовия деди:
- Мен эса чиқишни истаган ишимга киришмайман!

https://t.me/Abdulqodir_Polvonov Ochish/sharhlash

2022-07-31 13:19:22 Агар зулмни кўтаришга қодир бўлмасанг, ҳеч бўлмаса у ҳақида кишиларга хабар бер!

Али Шариатий

https://t.me/Abdulqodir_Polvonov Ochish/sharhlash