Abdulboriy Qodirov

2023-04-21 05:48:45 Ochish/sharhlash

2023-03-27 16:38:46 Oxirgi vaqt ko'proq video qo'yvomman. Lekin bunisi juda boshqacha video. Quvonchimmi bo'lishishni hohladim.

Silar bilan birga, bitta kompaniyada faoliyat olib borayotgandan judayam xursandman. Borilarga shukr. Silar borakansila man hotirjamman, chunki siladigi professionalizm, qadriyat va umumiy maqsadlarimizga bo'lgan ishonchingiz manga hotirjamlik beradi.

Qarshimizda qanaqa to'siq va mashaqqatlar borligi muhimmas, chunki a.A atrofimizdagi insonlar muvaffaqiyatimiz garovidir! Borilarga shukr! Tabrik uchun alohida rahmat )) Ochish/sharhlash

2023-02-07 22:03:06 Turkiyada kuchli zilzila sodir bo'ldi. Qardosh va Birodar turk millatiga hamdardlik bildiraman. Lekin insonni ham xursand qiladigan, ham qalbga og'irlik soladigan bir masala bor.

Bir nechta o'zbekzabon guruh va doiralarda Turk millatiga yordam berish uchun amaliy harakatlar qilish kerakligi muhokama qilinib, moddiy yordamlar yig'ila boshlandi. Bunday harakatlar O'zbeklar orasida oldindan bor bo'lib kelgan. O'zbekning og'ir paytda do'st bo'lishini butun dunyo tan oladi.
Bunga yorqin misollardan biri ikkinchi jahon urushida minglab bolalarning yetimxonaga tashlab qo'ymay, asrab olinganidir.

Lekin masalaning ikkinchi tomoni bor. Turkiya yalpi ichki mahsuloti ( YIM ) O'zbekiston YIMsidan deyarli 5.8 barobar ortiq. *¹ Aholi jon boshiga esa deyarli 3.5 barobar *² ko'p hisoblanadi. Mobomiki shu darajada og'ir kunda muhtojlar uchun birlasha olar ekanmiz, o'z millatimiz, o'z xalqimiz orasida yordamga muhtojroq insonlar bor emasmikin?! Uyi zilzilada qulaganlarga hamdardmiz, lekin o'z "akamiz" , "ukamiz" da hech qachon uyi bo'lmaganlar bor emasmi?! Mo'ynoqda, Orol bo'yida yillab ichidan dard kemirayotganlar, o'z xalqimiz dardi bizga yaqinroqmasmi?!

Bu bilan ularni og'ir kunda yolg'iz qoldiraylik demoqchimasman, balki o'zimiznikilarga ham hech bo'lmasa shunchalik shijoat bilan yordam qilish kerakmasmi demoqchiman!

O'zbegimni himmatiga qoyil qolamanku, mantig'iga tushunmayman!

*¹ Turkiya YIM HQQ 2.320 mlrd (2018)
O'zbekiston YIM HQQ 398 mlrd ( 2022)

*² Turkiya YIM aholiga 31.500$ (2021)
O'zbekiston YIM aholiga 9345$ (2022) Ochish/sharhlash

2023-02-02 17:49:37 Yarmi hazil, yarmi chin:

Hind zeriksa o'ynaydi,
Xitoy zeriksa ishlaydi,
Yevropalik zeriksa o'ylaydi,
O'zbek zeriksa kovlaydi.

Shu odatni o'zgartirmaguncha taraqqiyot bo'l-may-di! Ochish/sharhlash

2023-01-24 09:46:58 O'zbekiston tashqi savdo balansi oxirgi bir necha yil davomida manfiy ya'ni minus bilan chiqadi. 

2022 yilning 10 oyida importimiz exportdan 9 mlrd $ miqdorida ko'p bo'lgan. 9 milliard dollarlik balans defitsiti!

Raqamga yahshilab qarash va tasavvur qilishni tavsiya qilaman.

Iqtisod fanidan o'tgan birinchi tushunchalarimizdan biri bu Adam Smitning xalq farovonligi va xalq boyligi degan tushunchalari edi. Bir davlat kamroq sotib, ko'proq harid qilsa huddi kompaniya yoki inson kabi tez orada iqtisodiy muammolar paydo bo'lishi tabiiy.

Ha Makroiqtisod boshqacharoq ishlaydi! Ha Davlat qarzi tushunchasi inson qarziga nisbatan boshqacharoq hisoblanadi lekin bu mohiyatni o'zgartirmaydi. Bir topganimizdan ko'ra ko'proq sarflayapmiz!

Import qilayotgan mahsulotlarimiz orasida asbob- uskunalar borligi yahshi, lekin tayyor mahsulotlar ham kam emas. Meni bir masala doim qiynagan, nega o'zimizda analogi bor mahsulotlarni chet eldan olib kelish kerak?! Axir milliy mahsulotni olish bilan biz pulni o'z iqtisodimiz ichida saqlab qolamiz va iqtisod o'sishiga yordam beramizku. Yo'q, biznikilar Xitoy, Rossiya va Turkiya ni "boqishi" kerak!

Biz toki ongli istemolga o'tmas ekanmiz, kimningdir bozori bo'lib qolaveramiz.

Milliy ishlab chiqaruvchilarni qo'llashga o'taylik. O'zimizni xalqimizni boyitish, o'zimizni boyitish demakdir!

https://www.gazeta.uz/oz/2022/11/23/commerce/ Ochish/sharhlash

2023-01-18 18:37:23 Qiz bolani yo'qlik, O'g'il bolani to'qlik buzadi degan gapni eshitganimga bir necha yil bo'ldi.

Va har safar Otasi qurgan biznesni yo'q qilib yuborgan o'g'illar, Ota Onasi yuzini yerga qaratgan qizlar haqida eshitganda shu fikr hayolimdan o'tadi.

Hozirgi mavzu Biznes haqida. Shu kunlarda ko'p martta Oilasini bankrot qilgan yigitlar haqida eshitdim va buning sababi nima ekin deb o'yladim.

O'zimcha bir necha sabab topgan bo'ldim:

- Tarbiyaning yomonligi. Ko'pchilik qimor va kayfga berilish orqali borini boy berib qo'ymoqda.

- Oilada pulga va Biznesga bo'lgan muhitning shakllanmaganligi. " Atrofingizdagilar uchun normal bo'lgan ish, siz uchun ham normal hisoblanadi" ( Atom odatlar kitobidan ) ya'ni agar Oilada pul borku lekin pulga bo'lgan munosabat (Tejamkorlik, Kamtarinli, ... ) shakllanmagan bo'lsa kotta boylik yukini hamma ham ko'tara olmasmikin deb o'yladim.

- Pul topilganda do'stdan ko'ra dushman, pul uchun do'st ko'payishi. Yon atrofdagilarning asl maqsadlari yashirin bo'lishi va hiyonat masalasi.

- Pulning insonda bor odatlarni hishirib berish xususiyati. Agar inson qimorga ruju qo'ygan bo'sa qimorga imkon ochildi. Ichkilikka suyagi bo'lmasa bo'kib ichishi mumkin. Bor illatiga keng imkon ochildi! Oldin pul yo'qligi- imkonsizlik to'sgan bo'lsa, endi to'siq yo'q.


Hamma xalqda shu iboraning o'ziga yarasha turi bor:

Birinchi avlod quradi, ikkinchisi o'stiradi, uchinchisi tugatadi, to'rtinchisi boshidan boshlaydi ( G'arbda )

Har to'rtinchi avlod ayni guruch dalasida mehnat qiladi
( Xitoyda )

Har to'rtinchi avlod o'sha teshik kovushni kiyadi
( Qaysi davlatligi esimdan chiqti ) )

Shu fikr qanchalik to'g'ri ekan degan hayol bazan tinchlik bermaydi.

Sizningcha bu fikr qanchalik to'g'ri?? Ochish/sharhlash

2023-01-14 11:51:54 Muvaffaqiyat bu odatlarning soyasidir. Sizning moliyaviy holatingiz- pulga nisbatan odatlaringiz natijasi. Sizning vazningiz- ovqatlanish odatingizning natijasi. Sizning bilimlaringiz - sizning o'qishga bo'lgan odatlaringiz natijasi [...] nimaniki davomiy takrorlasangiz, shunga erishasiz.

Vaqt muvaffaqiyat va muvaffaqiyatsizlik o'rtasidagi farqni oshirib boradi, vaqt siz asosiy e’tibor qaratayotgan ishning natijasini karraga oshiradi. Yaxshi odatlar vaqtni sizga do'st qilsa, yomon odatlar vaqtdan eng zolim dushmanni yaratadi.

Jeyms Klirning " Atom odatlar" kitobidan.

Abdulboriy Qodirov Ochish/sharhlash

2022-11-23 16:43:19 Tokzorlar qilar edim . . .


Ochish/sharhlash

2022-11-18 21:23:53 Massdar marketlari soni 4 taga yetdi, shu 2 yil mobaynida retail sohasiga kirganimizdan buyon juda qiziq ilm va ma’lumotlar oldik, lekin gap hozir bu haqida emas.

Usmoniylar davlatida bo'lgan ajoyib odat - osig'liq non haqida eshitganmisiz? O'sha davrda insonlar non sotib olganida o'z extiyojlaridan ortig'ini nonvoyxona oldidagi osig'liq xaltaga solib qo'yishar va kimning extiyoji bo'lsa shu nonni olishi mumkin edi.

Massdar marketlarida har juma bir insonga bir non tekin degan qoidani joriy qildik. Ba’zi xaridorlar menda bunga extiyoj yo'q, meni haqimdan ham ehson qiling deb non sotib olib qo'shib ketishsa, ba’zilari duo qilib savdoga baraka tilab ketishadi.

Bu mavzuni ko'tarishdan maqsad qarang biz saxovat qildik deyish emas, balki ushbu yoqolib ketgan odat qayta tirilishiga sababchi bo'lsak bizga shu amal orqali kelgan baraka boshqalarga ham kelsa, yaxshilik ustida musobaqalashsak degan niyyatdamiz!

Berilgan non bilan biz qashshoqlashmadik, aksincha savdoga baraka kirmoqda! Siz ham himmatdan og'rinmang.

Do'konlarda yana nima qilish mumkin? Kim o’zining tajribasi bilan o'rtoqlashadi?

Abdulboriy Qodirov Ochish/sharhlash

2022-10-04 08:52:22 Dinay Pulpy - Made with in Ochish/sharhlash