Аллоҳ таолонинг ал-Жаббор исмига алоқадор 'жабара' ва 'жабр' с | FACTS | AJOYIB FAKTLAR
Аллоҳ таолонингал-Жаббор исмига алоқадор "жабара" ва "жабр" сўзларининг маъносини ҳам билиб олсак, Роббимизни янада яхшироқ таниб олишимиз мумкин.
"Жабара" деб синган, чиққан суякни жойига солишга айтилади. Яъни, синган, чиққан суяк ўз ҳолича жойига тушиб қолмайди. Уни зўрлаб, мажбурлаб(яъни жабр қилиб), куч билан жойига солиб қўйилади. Кейин эса, Аллоҳ таолонинг Қудрати билан ўша суяк ўз жойига ўрнашиб, битиб, яна аввалгидек соғлом бўлиб кетади.
Демакки, суякни куч билан мажбурлаб жойига солиб қўйган шифокор аслида эзгу иш қилган экан.
Худди шундай, ал-Жаббор бўлган Аллоҳ таоло ҳам бутун борлиқни ва унда Ўзи яратган барча махлуқларни Ўз ҳукмига юргизади. Бўйсундиради. Издан чиққан барчани яна жой-жойига солиб қўяди.