O‘zimga o‘zim va'da berdim: "Endi aslo tanballik qilmayman, ertadan ishga kirishaman".
Bugungi qahramonimiz shu qadar tanbalki, yashash uchun hatto nafas olishga ham erinadi… Uning o‘ziga xos
oltin qoidalari bor:
Agar sen xohlagan narsani kimdir oyog‘ing ostiga olib kelib tashlamasa, demak, u narsa senga kerak emas!
O‘tirish imkoni bo‘lsa, turma; yotish imkoni bo‘lsa, o‘tirma!
Bordi-yu nimadir bo‘lib, ishlash istaging tug‘ilib qolsa, darhol biron joyga o‘tir va bu xohishing o‘tib ketishini kut…
Hikoyamiz qahramoni shu taxlit o‘zi bilib-bilmay, o‘zi tan olib-olmay, butun umrini tanballik degan “kasb”ning etagidan tutib o‘tkazganlardan.
Tan olaylik, aslida, biz ham mana shu “kasb”ning ashaddiy egalarimiz!
Tanballarning tanbalimiz!
E'tirozingiz bormi, u holda, marhamat, oynani Siz tomonga qarataman…
Telegram | Instagram | TikTok | Twitter | YouTube | www.abdukarimmirzayev.com
