Abduaziz Py 🔥

2022-07-09 05:59:59 Assalomu alaykum,barchangizga qurbon hayiti muborak bo'lsin Ochish/sharhlash

2022-06-28 23:31:16 Django == Flask?

Stackoverflow so'rovnomasining natijalarini kuzatib chiqyapman, meni eng sevimli freymvorklarimdan ikkitasi "moshniy" raqobatda!
O'ylab qoldim, shu so'rovnomada django va flask'ni ikkalasini emas faqat flaskni belgilasam, natijalar bir narsalar bo'lib teng bo'lib qolarmidi deb FastAPI ham ancha ko'zga ko'rinib qoldi, 6% juda zo'r natija.
Lekin django, flask, starlette ... kabi python veb freymvorklarida ishlaydiganlar, xuddi angular, vue & react'da ishlaydiganlar kabi bir-birlari bilan baxslashib vaqtlarini ketkazishlari deyarli kuzatilmaydi. Nega? chunki flask'da ishlayotgan odam kamida django'da ham ishlaydi + standartlar va ishlash prinsplarining ko'p qismi umumiy.

Kanalimiz obunachilari qaysi freymvorklardan foydalanishadi (umumiy)?

@AbduazizPy Ochish/sharhlash

2022-06-27 12:02:11 visualgo.net

Alex Xu'ning linkedin'dagi sahifasida ushbu ajoyib resurs haqida bilib oldim. Sayt orqali siz ta'savvur qilishingiz biroz qiyin bo'lgan ma'lumotlar strukturasi va algoritmlarning ishlashini vizual tarzda kuzatib & o'rganishingiz mumkin. Ko'rib o'rganadiganlar uchun juda foydali albatta.

@AbduazizPy Ochish/sharhlash

2022-06-26 21:59:41 Pythonda Method Chaining

Umuman olganda bu hamma tilda mavjud texnika va alohida mavzu sifatida ko'rib o'tilmaydi. Yo'l-yo'lakay "prostoy" tryuk sifatida o'rganib ketiladi xolos.

Method chaining (metodlar zanjiri ...) - ma'lum bir obyektga nisbatan bir nechta metodlarni ketma-ket zanjir ko'rinishida qo'llash imkoni beruvchi texnika hisoblanadi.

Bu texnikani python'dagi ma'lumot turlarida ham uchratish mumkin. Ya'ni biror bir satr mavjud bo'lsa, unga ketma-ket metodlarni qo'llab ketish mumkin (2-qator):

string = "o'zbek dasturchilari oddiy ilovalar qilib yuradi"

string.capitalize().replace("yuradi", "yurmaydi")

Buni amalga oshirish usulini postga biriktirilgan rasmlardan ko'rib olasiz.

@AbduazizPy Ochish/sharhlash

2022-06-21 11:52:48 Bunga nima deysiz

Bunaqa darajadagi terminalda ishlaydigan user-interfeysli daxshat ilovalarni python yordamida ishlab chiqish mumkin. Eng yaxshi ko'rgan kutubxonalarimdan biri rich'ning mualliflari bu imkoniyatni taqdim etdi.

Bitta ko'ring, shuni o'zi yetadi (Open GIF'ni bosing).

Havola: textual
Qo'shimcha: Terminalda CSS! python va textual yordamida

@AbduazizPy Ochish/sharhlash

2022-06-18 10:02:01 Tema

Visual studio code uchun o'zingizni shaxsiy "tema"ngizni 0 dan terib chiqishga mo'ljallangan ajoyib sayt. Menimcha ortiqcha ta'rifga o'rin yo'q.

Havola: themes.vscode.one

@AbduazizPy Ochish/sharhlash

2022-06-17 10:26:01 ​​ Ko’z

Dasturchilarga google'dan ham ko’ra ko’proq ko’z muhim sanaladi. Bu mo’jizani osongina ishdan chiqarish mumkin va afsuski bu holat dasturchilar orasida ko’proq uchraydi. Bugungi postdagi barcha tavsiyalarim shaxsiy tajribamga asoslangan bo'ladi.

Monitor bilan masofani saqlang, 40-50 santimetr normal hisoblanadi. Buni e'tiborsiz qoldirish, ko’rish bilan bog’liq “chotkiy” muammolarni keltirib chiqaradi.

To’g’ri monitor tanlay bilish zarur. Menda 2ta monitor bor va bittasi IPS panellik. Ishlash davomida IPS panelligi ko’zlarimni ikkinchisiga (TN, VA ...) nisbatan kamroq toliqtirishiga ko’p marotaba guvoh bo’lganman. Shuning uchun IPS panelligida ko'proq kod yozaman. Ikkinchisi yon tomonda turgani uchun "yaltir-yultir" qilib asabga tegadi. 2ta asosiylarining farqini esa post ostidagi rasmda ko'rishingiz mumkin.

Kompyuter uchun mo’ljallangan maxsus ko’zoynakdan foydalaning. Monitordan chiqayotgan ko’k nur ko'zni kasal qiladi. Ushbu ko’zoynaklar uning ta'sirini sezilarli darajada kamaytiradi. Xuddi mini-tonirovka kabi, faqat ruhiyatga ta’siri yo’q. Sotib olish vaqtida ko’k rangli lazer bilan sinab ko’rish esingizdan chiqmasin.

Monitor sozlamalari va xonaning yoritilishini ham o'zingizga moslang. Misol uchun mening sozlamalarimda yorqinlik 60%, kontrastni 80% etib belgilaganman. Monitor ortida yorug'lik manbasi bo'lsa qorong'uda ishlashga foydasi tegadi lekin iloji boricha qorong'u muhitda ishlamang.

Monitor sozlamalaridan so'ng, "rang haroratini"(color temperature) nazorat qiladigan maxsus dasturiy ta'minotdan foydalaning. Bunday dasturlarni "numer odini" f.luxdan ko'p yildan buyon foydalanib kelyapman, eng qizig'i shunchalik foydali dastur rasman tekin. Uning qanday ishlashi haqida ushbu sahifada ko'rishingiz mumkin. Aytgancha, linux bazasidagi operatsion tizimda ishlaganimda redshiftdan foydalanaman. Avvalroq Gammydan ham foydalanib ko'rgan edim, ammo u ham xuddi OS'ning o'zidagi night light kabi stabil ishlamadi menda.

Bitta komponentni deb "azart"ga berilib ketib, tinmay kod yozib, uni tamomlagandan keyin qip-qizil ko'zlar bilan o'tirish yaramaydi. Ishlash davomida bir nuqtaga ko'proq tikilib o'tirishimiz natijasida ko'z mushaklarini toliqtirib qo'yamiz. Har 30-40 minutda chalg'ish va uzoq masofadagi obyektlarga qarash yaxshi albatta. Agar hovlida tursangiz chalg'ishga sabablar ko'p

Kod muharriringizdagi rang sxemasi va shriftga e'tiborli bo'ling. O'ta "dark" va "light" sxemalar boshni og'ritadi Kontrasti normada bo'lgan + "dark" sxemani tanlashni maslahat beraman. Misol uchun menga vs-code'ning o'zini sxemasi yoqadi. Agarda siz Times New Roman'da kod yozayotgan bo'lsangiz, kanalimdan chiqib keting (hazil) Kod yozish uchun ishlab chiqilgan maxsus shriftlar katalogi bor, menga baribr JetBrains Mono ko'proq yoqadi. Muharrirdagi shrift hajmini ham normada ushlang, o'zim 16px yaxshi deb bilaman.

Smartfonlardan kamroq foydalaning.

Yuqorida keltirib o'tganlarim zararlarni maksimal darajada kamaytirishga hissa qo'sha oladi, butunlay emas! Foydali bo'lgan bo'lsa, yaqinlaringizga ham tarqating. Bu masalada tajribasi borlar izohlar qismida postga qo'shimcha qilishsa yanada yaxshi bo'lar edi. Ko'zlarni asrang!

@AbduazizPy Ochish/sharhlash

2022-06-13 01:18:20 "Ichida o'qiydigan"lar haqida

Asablar tepaga sakraydi shunaqa vaziyatlarda.

@AbduazizPy Ochish/sharhlash

2022-06-05 18:15:54 Abduaziz Py pinned «​​ Docker nima va u nega kerak? Bugungi postda docker nima va u nega kerakligi haqida minimum darajada tushunarsiz so'zlar ishlatgan holda ma'lumot ulashmoqchiman. O'qing, faqat erinmang! Jamoa bo'lib loyihada ishlayapsiz, boyvachcharog'ingizda macOS…» Ochish/sharhlash

2022-06-05 16:16:36 ​​ Docker nima va u nega kerak?

Bugungi postda docker nima va u nega kerakligi haqida minimum darajada tushunarsiz so'zlar ishlatgan holda ma'lumot ulashmoqchiman.

O'qing, faqat erinmang!

Jamoa bo'lib loyihada ishlayapsiz, boyvachcharog'ingizda macOS, boshqasida windows va linux. Har biringizda loyiha muhiti va unga ishlatiladigan texnologiyalar bir xil bo'lishi hisobiga muhitni sozlash vaqtida kimdadur postgres'ni, boshqalarida redis'ni o'rnatishdagi muammolar, loyihaning boshqa komponentlaridagi freymvorklar va kutubxonalar o'rtasidagi ichki ziddiyatlar kelib chiqishi kuzatiladi ... Hammada ishlab turgan narsa "reliz" yaqinlashganida serverga joylash(deploy) vaqtida xatoliklar chiqib, loyiha ishlamay qolib sizni sharmanda qilishi yanada daxshatli. Buni hal etish uchun butun loyihani o'sha yaxshi ishlab turgan holatida shundoqqina o'rab, sharta serverga qo'yib & bitta buyruq orqali ishga tushurib qo'yar darajada fantastik kuch kerak bo'ladi.

Docker yuqorida keltirilgan muammoni hal qilish uchun ishlab chiqilgan instrument (faqat bu bilan cheklanmagan). Hozirgi kunda docker deployment uchun qandaydur ma'noda standartga aylandi. Chunki u o’zining alternativi hisoblanmish VM (virtual mashina)lardan ancha yengil va nisbatan qulay. Docker butun boshli loyihani uning kodi, operatsion tizimi, fayllar tizimi va texnologiyalari bilan birgalikda "izolyatsiya" qiladi. Loyiha yuqoridagidek “izolyatsiya” qilganidan so’ng, o’sha holatidan undan obraz (image) yaratiladi va barchasi ushbu image’da saqlanadi. Image’lar orqali kichkina operatsion tizimchalar kabi xususiyatlarga ega “konteyner”larni ishga tushurish mumkin. Docker orqali sizning loyihangiz operatsion tizimga qaram bo'lib qolmaydi (loyiha faqat ubuntu'da ishlaydi ) . Chunki uning konteynerlari operatsion tizim tanlamaydi.

Umuman olganda docker image(obraz) deganda qurilayotgan uyning chizmasini tushunishimiz mumkin. Chizmada hammasi qanday, qayeridan, nimalar orqali qurilishini oldindan rejalashtirilgan bo'ladi, shu jumladan image’larda ham. Konteynerlarni esa ushbu uy chizmalari orqali qurilgan uyga misol qilishimiz mumkin.

Uy oldiga “basseyn” kerak bo’lsa, uni 0 dan chizish shart emas. Shunchaki tayyor chizmalardan ham foydalanish mumkin bo'lgani kabi loyihangizga postgres kerak bo’lsa, docker hub’dan uning rasmiy image’ni yuklab olib (pull), loyihaga qo’shib qo’yishingiz mumkin. Docker loyihani ma’lum bir ma’noda to’liq “portable” qilish imkonini beradi. Tasavvur qiling siz butun boshli loyihani operatsion tizimi bilan olib yurish imkoniga egasiz va agar antarktidada bo’lsangiz ham docker hub’dan uni yuklab olib oddiy docker run buyrug’i orqali ishga tushurishingiz mumkin.

Siz ham docker’dan foydalanasizmi? Fikrlarni kutaman

@AbduazizPy Ochish/sharhlash