Abadiy SadoUz

2022-06-10 12:18:01 premyera uzb



https://t.me/AbadiySado_uz Ochish/sharhlash

2022-06-10 12:14:35 Иккинчи жаҳон уруши қатнашчилари, шунингдек ёлғиз кексалар ва ногиронлиги бўлган шахсларга озиқ-овқат ва кийим-кечак учун пул берилади

Президентнинг 8 июндаги қарорига асосан:

1) 1941–1945 йиллардаги уруш фахрийларини ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга шунингдек, ўзгалар парваришига муҳтож бўлган ёлғиз кексалар ва ногиронлиги бўлган шахсларга бепул етказиб бериладиган озиқ-овқат маҳсулотлари ҳамда гигиена товарлари ўрнига ҳар ойда базавий ҳисоблаш миқдорининг бир баробари, яъни 300 минг сўм миқдорида қўшимча тўлов тўланади;

Мазкур тоифадаги шахслар сони 4 минг 400 нафарни ташкил этиб, уларга берилаётган озиқ-овқат ва гигиена товарларининг бугунги кундаги ўртача қиймати 213 минг сўмдан 282 минг сўмгачани ташкил этган.

2) 1941–1945 йиллардаги уруш фахрийларини ва фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларга етказиб бериладиган зарур кийим-кечак ва пойабзаллар ўрнига кийим-кечак хариди учун ҳар йили август ойида бир маротаба тўланадиган базавий ҳисоблаш миқдорининг 15 баравари, яъни 4,5 млн сўм миқдорида компенсация тўланади.

Мазкур тоифадаги шахслар сони 221 нафарни ташкил этиб, тарқатиладиган кийим-кечакларнинг бугунги кундаги ўртача қиймати 2 млн сўмни ташкил этади.


https://t.me/AbadiySado_uz Ochish/sharhlash

2022-06-10 10:18:36 5 йил иш стажга эга хотин-қизларни ўқишга қабул қилиш ҳақида қарор чиқдими?

ЖАВОБ: Ҳа, шундай қарор чиқди. Бу бўйича Ҳукуматнинг 9 июндаги 322-сон қарори қабул қилинди.

Аммо!

Ушбу тартиб бўйича айрим жиҳатларни билиб қўйишингиз керак.

Батафсил аудиохабарда

Биринчидан, 5 йил стажи бор ҳамма хотин-қиз ўқишга киради, дегани эмас. Ҳар йили 500 та контракт учун (грант йўқ) жой ажратилади. Масалан, 10 минг хотин-қиз тавсиянома олса, шундан фақат 500 киши мазкур тартиб бўйича қабул қилинади.

Иккинчидан, стажи борлар имтиҳонсиз ўқишга киради, дегани эмас. БАРЧА тавсиянома олганлар тестга албатта киради ва юқорироқ балл олиши керак.
Тавсиянома балл қўшиб бермайди.

Учинчидан, бу фақат коллеж ёки техникумни тугатганлар учун амал қилади, мактабни тугатиб, ўрта маълумот билан ишлаётганларга тааллуқли эмас.

Тўртинчидан, бу фақат коллеж/техникум дипломидаги мутахассислик бўйича ишлаётганларга амал қилади. Масалан, банк коллежини тугатиб, 5 йил тикувчи бўлиб ишлаганларга тавсиянома берилмайди. Ochish/sharhlash

2022-06-10 05:51:02 Телемухбир йўловчиларни тўхтатиб, савол беряпти:
— Сиз нимани йўқотишдан қўрқасиз?
Бу саволга одамлар турлича жавоб беришяпти. Бири «Ота-онамни йўқотишдан қўрқаман», дейди. Билмайдики, қўрқса-қўрқмаса, ўзининг дунёга келишига сабабчи бўлган энг азиз кишиларини эртами-кечми барибир йўқотади. Бошқа бир одам «Тинчликни», яна бири «Оила бахтини...» деди.
Ҳамма жавоблар тўғри.
Лекин...
Бирон бир киши «Виждонимни йўқотишдан қўрқаман», демади, «Иймонимни йўқотишдан қўрқаман», демади. «Эътиқодни, диёнатни, Ватанга садоқатни йўқотишдан қўрқаман», демади-я!
Мантиқан олиб қаралса, ота-онани йўқотишдан хоҳ қўрқинг, хоҳ қўрқманг, бир кунмас бир кун улар фоний дунёни тарк этишгач, армон билан бўлса-да, яшайверади киши. Худо кўрсатмасин-у, аммо тинчлик йўқолиб, урушга дуч келса ҳам, азоб билан бўлса-да, яшайверади инсон. Оила бахтини ҳеч ким йўқотмасин, аммо бу ҳол юз берса, янги бахт умиди билан ҳаёт кечираверади одам.
Аммо...
Иймонни йўқотса...
Виждонни йўқотса...
Эътиқод, диёнатдан,
Ватанга садоқатдан айрилиб қолсачи... Қандай яшайди!?
Иймонсиз, виждонсиз, эътиқод-диёнатсиз, садоқатсиз ҳам яшаяпман, дегувчи одам ёлғон сўзлабди. У ўзини тирик деб ўйлайди, аслида у тирик мурдадир.


Тоҳир Малик
«Меҳмон туйғулар» китобидан

https://t.me/AbadiySado_uz Ochish/sharhlash

2022-06-10 05:39:08

https://t.me/AbadiySado_uz Ochish/sharhlash

2022-06-10 05:38:07 СЎНГГИ БОР ОНАНГНИ ҚАЧОН ЙЎҚЛАДИНГ?!

Кимга қуллуқ қилиб, кўнглин тўқладинг,
Тунлари хотиржам, беғам ухладинг.
Битта саволимга жавобинг борми,
Сўнгги бор онангни қачон йўқладинг?!

Зор эмас эди-ку бир қучоқ гулга,
Ёки совға-салом, мол-дунё, пулга,
Аччиқ тилларингни ботириб болга,
Сўнгги бор онангни қачон йўқладинг?!

Ҳатто, ёринг кутмай, ухларди тунда,
Бир онанг йўлинг пойларди шунда,
Шундайин муҳаббат ҳаққи учун-да
Сўнгги бор онангни қачон йўқладинг?!

Даврон сурдинг тўй-у тантаналарда,
Хаёлинг нозанин, жаноналарда,
Жаннатнинг калити шу оналар-да,
Сўнгги бор онангни қачон йўқладинг?!

Боланг билан единг ёғли паловлар,
Уйингнинг тўрида турди бировлар,
Унинг овлоқ кўнглин, айт-чи, ким овлар,
Сўнгги бор онангни қачон йўқладинг?!

Пеш қилма қачондир берган молингни,
Онанг нима қилар бу газмолингни!?
Кўриб юрсам, дейди шу жамолингни,
Сўнгги бор онангни қачон йўқладинг?!

Юрибсан-да бугун, амалдор жўра,
Ишларинг кўп, вақтинг топилмас сира,
Ҳеч бўлмаса, битта сим қоқиб кўра,
Сўнгги бор онангни қачон йўқладинг?!

Гоҳ дунё қувладинг, гоҳида мансаб,
Гоҳ дилин оғритиб, айладинг ғазаб,
У фақат йиғлади, боласин қумсаб,
Сўнгги бор онангни қачон йўқладинг?!

Онаси йўқлардан бир сўра, қани,
Қаердан беминнат меҳр топгани,
Қабр эшикларин очмасдан ҳали,
Сўнгги бор онангни қачон йўқладинг?!

Бугун бор! "Онажон, боримсиз", - дегил,
Оёқларин ўпиб, саждага эгил,
Вафо Мўмин, ахир, жавобин бергил:
Сўнгги бор онангни қачон йўқладинг?!
Вафо Мумин.
https://t.me/AbadiySado_uz Ochish/sharhlash

2022-06-10 05:37:41 https://t.me/AbadiySado_uz Ochish/sharhlash

2022-06-10 05:35:51 Дадасини харбий бўлиб ишлаганлиги туфайли бир неча йиллаб кўрмаган фарзандларга дадасини тўсатдан кўрсатилганидаги холатлар! Қандай қувончли холатлар!

Сизни жуда соғиндим дадажон!

https://t.me/AbadiySado_uz Ochish/sharhlash

2022-06-10 05:35:33 Aссалому алайкум. Бугунги кунингиз марокли бўлсин

Соғ–саломат уйғотган Роббимизга ҳамдлар бўлсин!

https://t.me/AbadiySado_uz Ochish/sharhlash

2022-06-06 11:21:37 Қабул бошланишига 10 кун қолди, аммо квоталар ҳали тасдиқланмади

Абитуриентлар учун жуда ҳаяжонли кунлар яқинлашмоқда.

Қоидага кўра, ҳар йили ОТМларга ҳужжат топшириш 15 июндан бошланиши керак. Аммо қабул жараёни ушбу муддатдан кеч бошланган пайтлар жуда кўп кузатилган. Масалан, ўтган йили ҳам квоталар кеч тасдиқланди ва қабул кеч бошланди.

15 июнгача атиги 10 кун вақт қолди. Лекин квоталар ҳали йўқ. Президент қарори билан асосий квоталар тасдиқлангандан кейин ҳам қабул дарров бошланиб кетмайди. Давлат қабул комиссияси тиллар кесимида квоталарни тасдиқлашини кутиш керак. Бундан ташқари жорий йилда илк марта молиявий мустақиллик берилган ОТМлар ўзларининг тўлов-контракт асосидаги квоталарини ўзлари белгилайди.

Хуллас, шу 10 кун ичида шунча ишга улгуриладими? Қани, кўрамиз, кузатамиз ва кутамиз (лекин шахсан менда улгуришларига шубҳа бор, қабул яна кеч бошланса керак) Ochish/sharhlash